...

პირველი წრის შეჯამება - აღმოჩენა

ვაგრძელებთ მიმდინარე სეზონის პირველი ნახევრის შეჯამებას და მას შემდეგ, რაც კარლო ანჩელოტის მუშაობა დეტალურად განვიხილეთ, ახლა დროა, მხოლოდ პოზიტივზე ვისაუბროთ.

2016 წელი მიუნხენის "ბაიერნისთვის" საკმაოდ წარმატებული გამოდგა, ვინაიდან გუნდმა გერმანიაში დუბლი გაიფორმა, ჩემპიონთა ლიგის ნახევარფინალში ზედიზედ მესამედ ითამაშა, ზაფხულში კი თავისი აღზრდილი და ევროპის ერთ-ერთი უძლიერესი მცველი, მატს ჰუმელსი, დაიბრუნა.

თუმცა 2016 წელი კიდევ უფრო წარმატებული და სრული ბედნიერების მომტანი "ბაიერნის" გერმანელი ვუნდერკინდისთვის, იოზუა კიმიხისთვის, გამოდგა. 21 წლის გერმანელმა გასული სეზონის მეორე ნახევარი დიდებულად ჩაატარა, მიმდინარე კამპანიის პირველ ნახევარში კი სრული გარღვევა განახორციელა.

ყველაფერი 2015 წლის ზაფხულში დაიწყო, როდესაც მიუნხენის "ბაიერნმა" "ლაიფციგის" ახალგაზრდა ტალანტი, იოზუა კიმიხი, შვიდ მილიონ ევროდ დაიმატა. მაშინ იოზუა მხოლოდ 19 წლის იყო, მაგრამ საკმაოდ პერსპექტიულ მოთამაშედ ითვლებოდა და მიუნხენელებმა ასეთი შესაძლებლობა, რა თქმა უნდა, ხელიდან არ გაუშვეს.
კიმიხის სათამაშო თვისებებით "ბაიერნის" თავკაცი, პეპ გვარდიოლა, თავიდანვე მოიხიბლა და სეზონის მეორე ნახევარში, მძიმე საკადრო პრობლემების ფონზე, იოზუას განსაკუთრებული როლი მისცა - ის ცენტრალურ მცველად აქცია. ახალ პოზიციაზე კიმიხი თავს იდეალურად ნამდვილად არ გრძნობდა, მაგრამ ის ფაქტი, რომ გვარდიოლა აბსოლუტურად გამოუცდელ პატარა ბიჭუნას ასე ენდო, მის უდიდეს ტალანტზე მეტყველებდა. საბოლოოდ, კიმიხმა სეზონი კარგად ჩაამთავრა და ზაფხულში ევროპის ჩემპიონატზეც გაემგზავრა.

საფრანგეთში გერმანიის ნაკრებმა მშვენივრად იასპარეზა და იოახიმ ლიოვმა დაცვის მარჯვენა ფრთაზე სწორედ "ბაიერნის" ახალგაზრდა ახალწვეული ათამაშა. იოზუა ტურნირზე ჩინებულად გამოიყურებოდა, "ბუნდესნაკრები" კი ნახევარფინალში მასპინძელ საფრანგეთთან დამარცხდა. წარმატებული ევრო 2016 კიმიხის ოცნება იყო, რის შემდეგაც საკუთარი ქვეყნის ეროვნულ გუნდში სტაბილური ადგილი მოიპოვა.
2016 წლის ზაფხულში კი "ბაიერნი" კარლო ანჩელოტიმ ჩაიბარა და აღნიშნა, რომ ბევრს არაფერს შეცვლიდა. ეს კიმიხისადმი მთავარი მწვრთნელის დამოკიდებულებასაც ეხებოდა და ახალგაზრდა გერმანელს იტალიელმაც, პეპის მსგავსად, სრული ნდობა გამოუცხადა. იოზუა მაინც გამოუცდელი მოთამაშეა, ამიტომ ანჩელოტი მას ძირითადში იშვიათად აყენებს, მაგრამ სათამაშო პრაქტიკას არ აკლებს და, რაც მთავარია, ეს უკანასკნელი შანსებს იდეალურად იყენებს.

სექტემბერში კიმიხს ფანტასტიკური პერიოდი ჰქონდა, როდესაც მან ჯერ გერმანიის ნაკრების მაისურით თავისი პირველი გოლი გაიტანა, შემდეგ კი იგივე მიუნხენურ კლუბშიც გააკეთა, თანაც "შალკესთან" გასვლით, რთულ შეხვედარში. რამდენიმე დღეში კი ჩემპიონთა ლიგის ჯგუფურ ეტაპზე, შინ "როსტოვის" წინააღმდეგ, იოზუამ დუბლი გაიფორმა და "ბაიერნის" ქომაგები" კიდევ ერთხელ გაახარა. დანარჩენ თამაშებში მან კიდევ ოთხი გოლი გაიტანა და საბოლოო ჯამში, 2016 წლის ბოლოს, სეზონის პირველ ნახევარში, შვიდი ბურთი დაუგროვდა, რაც რობერტ ლევანდოვსკის შემდეგ, "ბაიერნში" საუკეთესო შედეგია.

ანჩელოტის თავისუფლება
პაპა კარლოს თავისუფლება, რომელიც მან "ბაიერნის" მოთამაშეებს მიანიჭა, იოზუა კიმიხს ძალიან დაეხმარა ამ საოცარ პროგრესში. პირველ ნახევარში გატანილი შვიდი ბურთიდან კიმიხმა შვიდივე მეტოქის საჯარიმოდან გაიტანა, რაც ცენტრალური ნახევარმცველისთვის ნამდვილად უჩვეულოა. თუმცა იმ ფაქტს, რომ ანჩელოტის მიერ მიცემული მოქმედების თავისუფლება მას დაეხმარა, ადასტურებს. კიმიხი 2016 წლის ზაფხულიდან მოყოლებული მიუნხენურ გრანდში სხვანაირად გაიხსნა, უფრო თამამი, თავდაჯერებული და, რაც ყველაზე მთავარია, შედეგიანი გახდა. გვარდიოლას პერიოდში ის შეცდომებს ხშირად უშვებდა, მაგრამ ამის მიზეზი არასწორი სათამაშო პოზიცია იყო. მოთამაშეს, რომელსაც ხუთ თვეში შვიდი გოლის გატანა შეუძლია, დაცვის ცენტრში არ უნდა თამაშობდეს. ეს ანჩელოტის კარგად ესმის, ამიტომ ძირითადად სწორედ ექვსიანის პოზიციაზე ათამაშებს და 21 წლის გერმანელსაც ეს მოსწონს.

გარდა ამისა, კიმიხს თავისუფლად შეუძლია დაცვის მარჯვენა ფრთაზე თამაში და გერმანიის ნაკრებში ფილიპ ლამი უკვე შეცვალა. თუმცა "ბაიერნში" კაპიტანი ჯერ კიდევ ფორმაშია. იოზუას უნივერსალიზმიც მის სიძლიერესა და მრავალფეროვნებაზე მეტყველებს. გვარდიოლამ იოზუა კიმიხი აღმოაჩინა, საოცარი მონდომებითა და ენერგიებით დამუხტა, ნიჭიერი ბიჭუნადან ნამდვილ მაღალი კლასის მოთამაშედ აქცია. ანჩელოტის წყალობით კი, ახალგაზრდა გერმანელი კიდევ უფრო ძლიერი და საკუთარ თავზე დამოკიდებული გახდა. ახლა ის უფრო პატარა ვარსკვლავს ჰგავს, რომელსაც ძალიან ნათელი მომავალი აქვს.

ნამდვილი გერმანული მენტალიტეტი
გარდა იმისა, რომ იოზუა კიმიხი განსაკუთრებული ტალანტია, ის ნამდვილი, ცივსისხლიანი გერმანელია,სწორედ ისეთი, როგორსაც მიუნხენის "ბაიერნი" ყოველთვის ეძებდა და დიდ პატივს სცემდა. 20 წლის გამოუცდელმა ბიჭუნამ თავის თავზე უდიდესი პასუხისმგებლობა აიღო და დაცვის ცენტრში კარიერაში პირველად ითამაშა. მისმა მონდომებამ კი იმდენი ქნა, რომ დორტმუნდის "ბორუსიას" წინააღმდეგ იოზუა მინდორზე საუკეთესო იყო და უკანა ხაზზე საკუთარ საქმეს უშეცდომოდ აკეთებდა. მატჩის შემდეგ კი განრისხებული, პეპ გვარდიოლას წინაშე ღირსეულად იდგა და მის საყვედურნარევ ქებას ისმენდა. ეს ყველაფერი კი იმის დასტურია, რომ კიმიხს ნამდვილი გერმანული მენტალიტეტი აქვს, არ ეშინია გამოწვევებისა და მინდორზე სახელების.

მის ხასიათს კი ყველაზე მეტად ევროპის ჩემპიონატის ისტორიაში ყველა დროის ერთ-ერთი საუკეთესო პენალტების სერია ავლენს. ალბათ, ყველას კარგად ახსოვს ევრო 2016-ის საუკეთესო მატჩი, რომელშიც გერმანიის ეროვნულმა ნაკრებმა იტალიური ჯადო მოიხსნა და "სკუადრა აძურა" დაამარცხა. მატჩის ბედი პენალტების სერიაში გადაწყდა, რომელიც საოცრად დრამატული სცენარით წარიმართა. უპირატესობა ერთი გუნდიდან მეორე გუნდის ხელში გადადიოდა, საბოლოოდ კი, მოთამაშეებმა 18 პენალტი შეასრულეს. კიმიხი კი ლიოვის სიაში მეშვიდე იყო და თუ ის თერთმეტმეტრიანს გააფუჭებდა გერმანია შინ ბრუნდებოდა. თუმცა იოზუას, მიუხედავად უდიდესი წნეხისა, პასუხისმგებლობისა და დაძაბულობისა, წარბიც არ შეუტოკავს და ლეგენდარული ჯანლუიჯი ბუფონი უშანსოდ დატოვა.

იოზუა კიმიხი მიუნხენის "ბაიერნის" მომავალია, რომელმაც გულშემატკივრების გული უკვე მოიგო. მას აქვს აბსოლუტურად ყველაფერი, რაც ძლიერ ცენტრალურ ნახევარმცველს და "რეკორდმაისტერის" მომავალ ლიდერს სჭირდება. იოზუას დახვეწილი სათამაშო სტილი, მოედნის ხედვა, დარტყმა და საშემსრულებლო ოსტატობა აქვს. ფიზიკური ორთაბძოლების არ ეშინია და თითოეულ ბურთზე ბოლომდე იბრძვის. ერთადერთი, გრძელი გადაცემების სიზუსტე აქვს დასახვეწი, რაც განსაკუთრებულ პრობლემას არ წარმოადგენს. ამ ყველაფერს კი მან სულ რაღაც ერთ წელიწადში მიაღწია. 2016 წლის იანვარში იოზუა კიმიხი პერსპექტიული მოთამაშე იყო, 2017 წლის იანვარში კი "ბაიერნის" მთავარი იმედი და ევროპის ერთ-ერთი უძლიერესი ტალანტია.

21 წლის გერმანელისგან მიმდინარე სეზონის პირველ ნახევარში ასეთ შედეგიან და კარგ თამაშს ბევრი არ ელოდა, ამიტომაც აღმოჩენის სტატუსი სწორედ იოზუა კიმიხს მივანიჭეთ. ბოლოს კი, ტრადიციულად, მისი თამაშის ამსახველ ფრაგმენტებს გიტოვებთ.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბლოგი იოზუა კიმიხი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა