...

ლამი: "ვარჯიშზეც ყოველი თამაშის მოგება მინდა"

მიუნხენის "ბაიერნის" ოფიციალური ვებგვერდი დოჰაში გუნდის კაპიტანს, ფილიპ ლამს, გაესაუბრა და 33 წლის გერმანელთან, ძირითადად, სავარჯიშო პროცესის თემა განიხილა.

"რეკორდმაისტერის" ლეგენდამ მიუნხენურ კლუბში თავისი პირველი ვარჯიშები გაიხსენა და აღნიშნა, რომ ის ახლაც ისეთივე მოტივირებულია, როგორც კარიერის დასაწყისში.

ფილიპ, გახსოვთ თქვენი პირველი ვარჯიში "ბაიერნის" პირველ გუნდში?
"დიახ და თანაც ძალიან კარგად. ეს ოტმარ ჰიტცფელდის ხელმძღვანელობის პერიოდში იყო, ტეგერნზის ტბასთან. მე ახალგაზრდული გუნდიდან ამიყვანეს, რათა მთავარი გუნდის წევრებთან მევარჯიშა. ეს რაღაც განსაკუთრებული იყო, სულ სხვა სისწრაფეები ვიგრძენი, მაგრამ ახლა ძალიან კარგად ვიხსენებ."

სავარჯიშო პროცესები ახლა უფრო სასიამოვნოა თუ მაშინ, როდესაც კარიერას იწყებდი?
"სიმართლე გითხრათ, რა თქმა უნდა, ახლა. ადრე ძალიან ბევრს დავრბოდით. მახსოვს, რომ წლების წინ 7 საათზე გვიწევდა ადგომა და ეგრევე სირბილი. შემდეგ დღეში კიდევ ორი სარბენი სესია გვქონდა. დღესდღეობით უფრო ბევრს ვმუშაობთ, მაგრამ უმეტესად – ბურთთან ერთად. ჩემი პირველი ვარჯიშის მერე ბევრი რამ შეიცვალა, გარდა ერთისა: ოჯახისა და საკუთარი სახლისგან შორს ყოფნა არ მომწონს."

როდესაც იხსენებთ თქვენს პირველ ვარჯიშებს "ბაიერნში", რას ეტყოდით, რა რჩევას მისცემდით დღევანდელ ახალგაზრდა მოთამაშეებს, რა უნდა გააკეთონ მათ ვარჯიშებზე?
"უბრალოდ მაქსიმუმი გააკეთონ და მინდორზე ასი პროცენტით დაიხარჯონ. ახლა ჩვენთან ერთად ახალგაზრდული გუნდის სამი წევრია და მათთვის ეს ერთი კვირა ძალიან მნიშვნელოვანი იქნება. ისინი ნამდვილ პროფესიონალებთან ერთად ვარჯიშობენ, რაც საუკეთესო გამოცდილებაა. "ბაიერნის" პირველ გუნდთან გატარებული დღეები მათ სამომავლოდ აუცილებლად გამოადგებათ."

პირადად თქვენი სამუშაო როგორ შეიცვალა ვარჯიშებზე წინა წლებთან შედარებით?
"ჩემთვის მნიშვნელოვანია, რომ ყოველთვის ბევრი ვიშრომო, ვიყო ნამდვილი ლიდერი და ვარჯიშზე ყოველი მატჩი მოვიგო. ამ მხრივ, არაფერი შეცვლილა. ეს ჩემი, როგორც კაპიტნის, მოვალეობაა. ახლა განსხვავებული ძალების აღდგენისა და მომზადების პროცესია. როდესაც ახალგაზრდა ვიყავი, ჩემს თანატოლ მოთამაშეებს არ უყვარდათ, როდესაც გამოცდილი ფეხბურთელები მათ მხოლოდ სათადარიგო სკამიდან აკვირდებოდნენ. თუმცა ახლა ვფიქრობ, რომ ეს აუცილებელია, რადგან გარკვეულ ასაკში სხეულს ზედმეტი დასვენებაც სჭირდება."

კარლო ანჩელოტის მოსვლის შემდეგ უკვე ექვსი თვე გავიდა. რა შეიცვალა სავარჯიშო პროცესში?
"არამგონია, რომ დიდი განსხვავება იყოს წინა წლებთან შედარებით. ისე, როგორც პეპ გვარდიოლას დროს, მთავარი ბურთთან ერთად ვარჯიშია, მაგრამ ეს დღეს სავსებით ნორმალურია. თუმცა ანჩელოტიმ, ისე როგორც ნებისმიერი ახალი მწვრთნელი იზამდა, საკუთარი ხასიათი და ფასეულობები შემოიტანა. თითოეულ სპეციალისტს მოთამაშეებთან ურთიერთობის საკუთარი მიდგომა აქვს. ზოგი უფრო მშვიდი და გაწონასწორებულია, ზოგი კი ვარჯიშებში აქტიურად არის ჩართული."

სეზონის პირველ ნახევარში "ბაიერნი" ორი განსხვავებული სისტემით თამაშობდა. რომელი იქნება ძირითადი სქემა მომავლისთვის?
"კარგია, რომ სხვადასხვა სისტემით ვთამაშობთ. სეზონის პირველ ნახევარში ზოგჯერ სამი ცენტრალური ნახევარმცველით ვმოქმედებდით, ზოგჯერ კი ორი საყრდენით და ერთი ზევით, ათიანის პოზიციაზე მოქმედებდა. ვნახოთ, რომელი უფრო უკეთ იმუშავებს. ეს უკვე მინდორზე გასულ მოთამაშეებზეა დამოკიდებული."

თქვენთვის ტაქტიკების ხშირი ცვლა პრობლემა არ არის?
"რა თქმა უნდა, ამისათვის ვარჯიში გჭირდება. ყოველთვის ახალ ტაქტიკას რომ ვამუშავებდეთ, საქმე გაცილებით რთულად იქნებოდა. თუმცა ჩვენ კონკრეტულად ორ ფორმაციაზე ვმუშაობთ და ვიცით, როგორ უნდა ვითამაშოთ."

როდესაც უყურებ ბუნდესლიგის ცხრილს, "ბაიერნის" მთავარი კონკურენტები არა "დ.ბორუსია" და "მ.ბორუსია", არამედ "ლაიფციგი" და "ჰერტა" არიან. თქვენ ვის მიიჩნევთ მთავარ კონკურენტად ტიტულისთვის ბრძოლაში?
"ჩემი აზრით, დორტმუნდის "ბორუსიას" ყველაზე მეტი სათამაშო რესურსი აქვს, მაგრამ მათ სეზონის პირველ ნახევარში ძალიან ბევრი ქულა დაკარგეს, რამაც გამაოცა. "ლაიფციგი" მეორე ადგილზე სწორედ ამის წყალობით იმყოფება, მაგრამ ჯერ მხოლოდ ნახევარი ეტაპია განვლილი. სავარაუდოდ, უკვე ათი ტურის შემდეგ მივიღებთ იმ რეალურ სურათს, რომელიც შეიძლება, მაისისთვის აღარ შეიცვალოს."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
Mapa T.Dig
Mapa T.Dig | 16 აპრილი 2017 05:23
Get in touch with Mr. Smith for help.
ремонт холодильников
Okay, here's what I think. Are you happy with your weight?
Olga Y.neump
Olga Y.neump | 29 სექტემბერი 2017 17:16
Да, заслуживает внимания, что занимательно, на сколько современно, при всем этом я бы рекомендовал тут посмотреть мастер холодильник IP INDUSTRIE жулебино люберцы
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა