არაერთი მცდელობის მიუხედავად ზაფხულის სატრანსფერო ფანჯრის დროს მიუნხენის "ბაიერნს" თომას მიულერი მაინც დატოვებს.
ბოლო დროს ვრცელდებოდა ინფორმაცია იმის შესახებ, რომ "რეკორდმაისტერი" ფეხბურთელთან ახალი კონტრაქტის გაფორმებას აპირებდა, თუმცა, როგორც ჩანს მხარეებს შორის შეთანხმება ვერ შედგა.
გერმანული გამოცემა Bild-ის ინფორმაციით, 30 წლის ფეხბურთელმა "ბაიერნის" ხელმძღვანელობას უკვე ამცნობა თავისი გადაწყვეტილების შესახებ.
შეგახსენებთ, რომ მიულერს კლუბთან კონტრაქტი 2021 წელს ეწურება და მისი შეძენით იტალიური და ინგლისური კლუბები არიან დაინტერესებული.