...

პირველი წრის შეჯამება - დაბრუნება

2016 წლის ზაფხული მიუნხენის "ბაიერნისთვის" საკმაოდ მრავალფეროვანი და საინტერესო გამოდგა. პირველ რიგში, პეპ გვარდიოლას სამწლიანი ეპოქა დასრულდა და ესპანელი გენია იტალიელმა სენიორმა, კარლო ანჩელოტიმ, შეცვალა.

პაპა კარლოს მოსვლას კიდევ ერთი პოზიტიური სიახლე ახლდა, რამაც "ბაიერნის" გულშემატკივრები უზომოდ გაახარა და ბევრი მათგანისთვის, ალბათ, ოცნებაც კი ახდა. 2008 წელს იურგენ კლინსმანმა უარი თქვა ახალგაზრდა გერმანელ მცველზე, რომელიც იჯარის წესით დორტმუნდის "ბორუსიაში" გადაბარგდა და ერთ წელიწადში "ყვითლების" სრულფასოვანი მოთამაშე გახდა.

მოგვიანებით, იურგენ კლოპის წყალობით, მატს ჰუმელსი გუნდის დაცვის ლიდერად ჩამოყალიბდა და რამდენიმე წელიწადში ევროპის ერთ-ერთ უძლიერეს უკანა ხაზელად იქცა. მატსმა დორტმუნდულ კლუბში რვა წელიწადი გაატარა, კაპიტნის სამკლაურიც მოიპოვა, კატალონიის "ბარსელონას" წინადადებაც კი უარით გაისტუმრა, მაგრამ როგორც ჩანს, მან ფესვები მაინც ვერ დაივიწყა.
2016 წლის ზაფხულში გერმანულ პრესაში გაჩნდა სრულიად მოულოდნელი ინფორმაცია, რომლის მიხედვითაც ჰუმელსი "ბაიერნში" ბრუნდებოდა. მალევე ეს ოფიციალურად დადასტურდა და მიუნხენურმა გრანდმა მსოფლიოში ერთ-ერთი საუკეთესო ცენტრალური მცველი დაიბრუნა. მატსის კვლავ წითელ მაისურში ხილვას ყველა სულმოუთმენლად ელოდა და ამ უკანასკნელმა იმედები ასი პროცენტით გაამართლა.

მატს ჰუმელსი "რეკორდმაისტერს" დაუბრუნდა და ეს დაბრუნება იმაზე უფრო ღირსეული აღმოჩნდა, ვიდრე ბევრი ელოდა. "ბაიერნს" ახალი დაცვის ლიდერი ჰყავს, რომელიც სწორედ 28 წლის გერმანელი გახლავთ.

ნამდვილი ბოსი
უყურებ მატს ჰუმელსის თამაშს და რწმუნდები, რომ ის საკუთარი საქმის ნამდვილი ოსტატია. მიუხედავად იმისა, რომ სეზონის სტარტზე მას გარკვეული ხარვეზები ჰქონდა, საბოლოოდ, გამოცდილმა გერმანელმა ადაპტაცია უპრობლემოდ გაიარა და "ბაიერნის" დაცვის ბურჯად იქცა. მისი შინაგანი სიმშვიდე და დამაჯერებლობა იმის გარანტიას იძლევა, რომ ჰუმელსი უაზრო შეცდომას მნიშვნელოვან მომენტში არასოდეს დაუშვებს და კოცენტრაციას არასოდეს დაკარგავს. მისი თამაში მადრიდის "ატლეტიკოს" წინააღმდეგ, მიუნხენში, ამის ნათელი დასტურია. მატსი დაძაბულ მომენტებში ისე თავისუფლად და დამაჯერებლად მოქმედებს, რომ უბრალოდ აღფრთოვანებას იწვევს. ჰუმელსი მინდორზე ყოველთვის თავაწეულია და რჩება შთაბეჭდილება, რომ ყველაფერს წინასწარ საზღვრავს, მეტოქეს ერთი ნაბიჯით ასწრებს და უბრალოდ იდეალურად აზროვნებს. 2016 წლის ბოლოს ჰუმელსმა ფენომენალური ფორმა აკრიფა და მართლაც ბოსივით მოქმედებდა. მას ბუნდესლიგაში, პროცენტულად, ყველაზე მეტი ორთაბრძოლა აქვს მოგებული - 69%. მატსი მოწინააღმდეგის გამჭოლ პასებს ისე ჭრის და სოლორეიდებს ვარდნით ან უბრალოდ ფიზიკური სიძლიერეთ ისე აჩერებს, რომ მართლაც სიტუაციის ბატონ-პატრონი გეგონება. სწორედ ამიტომ არის მატს ჰუმელსი "ბავარიელი ბოსი."

სრულყოფილება
რატომ არის ჰუმელსი მსოფლიოში ერთ-ერთი საუკეთესო ცენტრალური მცველი? იმიტომ, რომ მაქვს აქვს ყველაფერი, რაც თანამედროვე სტანდარტების უმაღლესი კლასის უკანა ხაზელს სჭირდება. პირველ რიგში, მატსი ძლიერია ერთი-ერთზე, მეტოქის ცრუ მოძრაობებს იშვიათად ჰყვება, არც სისწრაფე აკლია და არც ფიზიკური მზადყოფნა, ამიტომ მისი ჩამოტოვება უაღრესად რთული მისიაა. გარდა ამისა, თამაშს იდეალურად კითხულობს და ვარდნებსაც იდეალური სიზუსტით, სისუფთავით ახორციელებს. "ბაიერნის" მეხუთე ნომერი საჰაერო ორთაბრძოლებშიც ძლიერია და ბუნდესლიგაში მეორე სართულზე ორთაბრძოლების 77% აქვს მოგებული, რაც საკმაოდ კარგი მაჩვენებელია. ყველაზე მნიშვნელოვანი კი ის არის, რომ 28 წლის გერმანელი ძალიან დახვეწილი, ტექნიკური მცველია, შესანიშნავი პირველი პასით, რომელსაც პეპ გვარდიოლა ნატრობდა. ამავდროულად, მატსს ძალიან კარგი მოედნის ხედვა აქვს და მისი გამჭოლი გადაცემები გაცილებით სახიფათო და ეფექტურია, ვიდრე ჟერომ ბოატენგის. სეზონის პირველ ნახევარში მან ერთი გოლის გატანაც მოახერხა და სტანდარტულების დროს "ბაიერნის" ერთ-ერთი მნიშვნელოვანი იარაღია. ასე, რომ მატს ჰუმელსი აბსოლუტურად ჩამოყალიბებული, განვითარებული და თანამედროვე ცენტრალური მცველია, რომელსაც მტკიცე ხასიათი, სრულყოფილების ეტალონად აქცევს.

 ეფექტი
მიუხედავად იმისა, რომ მატს ჰუმელსის შესაძლებლობებსა და მაღალ კლასში ეჭვი არავის ეპარებოდა, მისმა დიდებულმა დაბრუნებამ ქომაგებზე საკმაოდ სერიოზული ეფექტი მოახდინა. ამის მიზეზი კი მარტივი აბსოლუტურად გასაგებია - "ბაიერნმა" საკუთარი აღზრდილი ტალანტი დაიბრუნა, რომელმაც კლუბს თავის დროზე უყურადღებობა და არდაფასება აპატია, ახლა კი წითელი მაისურით ფანტასტიკურად ასპარეზობს. ზოგადად, დორტმუნდის "ბორუსიაში" გატარებული რვა წლის შემდეგ, ძალიან რთული წარმოსადგენი იყო, რომ მატსი "ალიანს არენაზე" დაბრუნდებოდა, მაგრამ როგორც ჩანს, ფეხბურთში შეუძლებელი მართლაც არაფერია. ჰუმელსის კვლავ "რეკორდმაისტერის" მაისურით ხილვა ნამდვილი სასწაული იყო და ახლა 28 წლის გერმანელი მცველი გუნდის გულშემატკივარს უფრო მეტად უყვარს, ვიდრე აქამდე. მან, საკუთარი მონდომებისა და უმაღლესი კლასის თამაშის წყალობით, "ბაიერნის" ქომაგების თვალში დიდებული ეფექტი მოახდინა. ახლა მიუნხენურ გრანდს ერთით მეტი საკუთარი აკადემიის აღზრდილი მოთამაშე ჰყავს, რაც ყოველთვის ძალიან სასიამოვნოა.

მატს ჰუმელსის დაბრუნება "ბაიერნის" ისტორიაში ერთ-ერთ ყველაზე ემოციური და მნიშვნელოვანი მომენტია, რომელსაც "რეკორდმაისტერის" გულშემატკივარი არასოდეს დაივიწყებს. მატსი მშობლიურ კლუბს იმაზე უკეთ დაუბრუნდა, ვიდრე ვინმე წარმოიდგენდა. ის ახლა "სამხრეთის ვარსკვლავის" დაცვის ლიდერი და კარლო ანჩელოტის ერთ-ერთი ყველაზე საიმედო მოთამაშეა. 28 წლის გერმანელი უმაღლესი დონის ცენტრალური მცველია და მისი როლი "ბაიერნის" ამჟამინდელ თამაშში საკმაოდ მნიშვნელოვანია. კეთილი იყოს შენი დაბრუნება მატს!скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
მატს ჰუმელსი ბლოგი
მსგავსი სიახლეები
კომენტარები
Hansi
Hansi | 15 იანვარი 2017 17:38
მართლაც გაგვახარა თავისი დაბრუნებით heart_eyes
google
google | 15 იანვარი 2017 19:15
ჰუმი მაგარი კაცია ყველაზე მაგარი მცველი გვყავს fcb
აუ კიდევ კარგი გვარდიოლა მოგვცილდა რა :D სიტი რადღეშია რო ნახოთ :D ევერტონმა სახე აახია :D
უაზრო პასები და აგუეროს უწოდებენ ფლანგიდან :D მოსპეს ინგლისში სულ
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა