როგორც ჩანს, ზაფხულის სატრანსფერო ფანჯრის დროს მიუნხენის "ბაიერნში" დიდი ცვლილებები იქნება.
უკვე, ფაქტობრივად, გადაწყვეტილია, რომ გუნდს დატოვებს ჟერომ ბოატენგი. გარდა ამისა, დიდი ალბათობით, იგივე ბედი ელის თომას მიულერსაც.
გერმანული გამოცემა Bild-ის ინფორმაციით, "რეკორდმაისტერის" რიგებს გამოცდილი მცველი, ხავი მარტინესიც დატოვებს.
წყაროს ცნობით, ესპანელ ფეხბურთელს "ბაიერნში" უკვე განუცხადეს, რომ ის გუნდის გეგმებში არ შედის.
შეგახსენებთ, რომ მარტინესი მიუნხენური გრანდის რიგებში 2012 წელს, ბილბაოს "ატლეტიკიდან" შეუერთდა და სავარაუდოდ, ის ყოფილ გუნდში დაბრუნდება.