...

რობენის ცხოვრება ანბანის მიხედვით

არიენ რობენი ევროპული ფეხბურთის ნამდვილი ვარსკვლავია, ჰოლანდიელი „სონიკ X-ი“, მიუხედავად მრავალი ტრავმისა, შეუპოვრად აგრძელებს თამაშს და სულაც არ ფიქრობს კარიერის დასრულებაზე. 


დღეს მიუნხენური კლუბის ლეგენდა და "ბაიერნის" ისტორიაში ერთ-ერთი საუკეთესო ფეხბურთელი 33 წლის გახდა. ამასთან დაკავშირებით გთავაზობთ "ანბანურ" სტატიას მის ცხოვრებაზე.


ა არიენი – 8 წლის მოუსვენარი ბიჭი მშობლემბმა საფეხბურთო სკოლაში შეიყვანეს, რათა იქ დაეხარჯა თავისი ენერგია, დედა მას მოფერებით არის ეძახდა. თუმცა რვა წლის შემდეგ არავის მოსვლია აზრად, რომ ამ სუსტი მოზარდისთვის შემოკლებით დაეძახებინა სახელი. 16 წლის ასაკში არიენ რობენი თავის გუნდში საუკეთესო მოთამაშედაც დაასახელეს.


ბ – ბედუმი –  მომავალი საფეხბურთო ვარსკვლავი დაიბადა პატარა ჰოლანდიურ ქალაქ ბედუმში, სადაც მოსახლეობის რაოდენობა სულ რაღაც 10 ათასია. ეს ქალაქი განთქმული იყო ერთადერთი ღირსშესანიშნაობით: იქ მდებარეობს ცნობილი ტაძარი დახრილი კოშკით. ახლა ბედუმში ორი ქალაქური ლეგენდაა: ერთი – ქვის, მეორე კი – ცოცხალი.  


გ – „გრონინგენი“ –  სწორედ ასე ჰქვია რობენის პირველ საფეხბურთო კლუბს და ეს ლოგიკურიცაა: ფეხბურთელის სამშობლო, ბედუმი, გრონინგენთან – ბევრად უფრო დასახლებულ ჰოლანდიურ ქალაქთან (185 ათასი ადამიანი), ახლოს მდებარეობს. ისიც უნდა აღინიშნოს, რომ რობენმა „გრონინგენში“ მხოლოდ ორი სეზონი ჩაატარა. მოდევნო წელს მან 28 მატჩში 6 გოლი გაიტანა, რაც საუკეთესო შედეგი იყო 17 წლის მოთამაშისათვის.

დ – დაკური –  ფრანგმა ფეხბურთელმა, ოლივიე დაკურმა, რობენს თავის კარიერაში პირველი სერიოზული ტრავმა მიაღებინა. ეს მოხდა ვარჯიშზე. ფერადკანიანმა ფრანგმა იჩხუბა თავის თანაკლუბელთან, რობენი ცდილობდა, რომ ისინი გაეშველებინა, თუმცა, საბოლოოდ, დაკურის ხელებში მოხვდა, ამ უკანასკნელმა კი ჰოლანდიელი მიწაზე დაანარცხა ისე, რომ რობენმა მოიტეხა ტერფის ზედა ნაწილის ძვალი.


ე – ევროპის ჩემპიონატი – საერთაშორისო დონეზე რობენის დებიუტი 2004 წელს შედგა, როდესაც ის ევროპის ჩემპიონატზე გამოჩნდა. ევრო 2004 წარმატებული აღმოჩნდა ჰოლანდიელისთვის, მან პენალტების სერიაში გატანილი გოლით თავისი გუნდის ნახევარფინალში გადაყვანა შეძლო. 2008 წელს არიენმა ერთ–ერთ თამაშში ტრავმა მიიღო, რის გამოც რუსეთთან თამაშის გამოტოვება მოუწია, სწორედ ამ თამაშში ჰოლანდია გამოეთიშა ევროპის ჩემპიონატს. მიუხედავად იმისა, რომ 2012 წელს რობენი ჰოლანდიის ნაკრების სამივე თამაშის ძირითად შემადგენლობაში მოხვდა, "ნარინჯისფრები" ტურნირს ჯგუფურ ეტაპზე გამოეთიშნენ. "მფრინავ ჰოლანდიელს" 2016 წლის ევროპის ჩემპიონატის გამოტოვება მოუწია, რადგან ჰოლანდიელებმა შესარჩევი ციკლის გავლაც კი ვერ მოახერხეს.


ვ – „ვალვეისკი“ – . ამ ჰოლანდური გუნდთან რობენს დიდი მოგონებები აკავშირებს. ზუსტად „ვალვეიკის“ წინააღმდეგ შეხვედრაში მან პირველად ითამაშა უმაღლეს ადგილობრივ დივიზიონში – 16 წელი და 10 თვე. არიენი მოედანზე 79–ე წუთზე გავიდა, მან ტრავმირებული თანაგუნდელი შეცვალა. „როცა გავიგონე, მწვრთნელი მე მეძახდა სათამაშოდ, საკუთარ ყურებს ვერ ვუჯრებდი,“– ამბობს ჰოლანდიელი.


ზ – ზებენერ შტრასი –  ასე ჰქვია ერთ–ერთ ქუჩას მიუნხენში, სადაც „ბაიერნის“  სამწვრთნელო ბაზა მდებარეობს – აქ არის რობენის საფეხბურთო სახლიც. „მე უკვე მილიონჯერ ვთქვი და ისევ გავიმეორებ: მე ვგრძნობ თავს არაჩვეულებრივად ზებენერ შტრასეზე, „ბაიერნში“, მიუნხენს ჩემი ოჯახი ისე აღიქვამს, როგორც – საკუთარ სახლს. მე აქ ძალიან კარგად ვარ.“


თ – თამაში –  უკვე დიდი ხანია არიენ რობენი გამოცდილ სპორტსმენად ითვლება, თუმცა ის ფეხბურთს ისევ ისე თამაშობს, როგორც – ენთუზიაზმით აღსავსე ბიჭუნა. „მე მიყვარს ფეხბურთის თამაში, მომწონს, რომ მაქვს იმპროვიზირებისა და თავისუფლების გრძნობის შესაძლებლობა საფეხბურთო მოედანზე. სასიამოვნო ტიტულები, რომლითაც დაჯილდოვებენ ფეხბურთში ყოველდღიური შრომისთვის ვარჯიშებზე. ასევე, მე მიყვარს ფეხბურთი იმისთვის, რომ მასში შეუძლებელია იყიდო მიღწევები. გამარჯვება მხოლოდ თამაშს მოაქვს.“


ი – იტალიელი მწვრთნელი –  მიუნხენის „ბაიერნის“ ამჟამინდელ მწვრთნელთან, კარლო ანჩელოტისთან, არიენ რობენის დაპირისპირებაზე რამდენჯერმე გამოქვეყნდა ინფორმაცია სხვადასხვა ვებგვერდებზე. რობენს ტრავმების გამო მოუწია  რამდენიმე მატჩის გამოტოვება „ბაიერნში“, როდესაც დაბრუნდა, გადამწყვეტ მომენტში ის ანჩელოტიმ კინგსლი კომანით შეცვალა. ჟურნალისტთა დაინტერესება გამოიწვია იმ ფაქტმა, თუ რატომ არ ჩამოართვა ხელი ჰოლანდიელმა პაპა კარლოს, როცა სათადარიგოზე ჯდებოდა. ამასთან დაკავშირებით ანჩელოტიმ შემდეგნაირი კომენტარი გააკეთა:

„ყოველთვის, როცა ვცვლი რობენს, ხალხი ფიქრობს, რომ ჩვენ შორის რაღაც კონფლიქტია, თუმცა არანაირი პრობლემა არ არის... რობენმა არ ჩამომართვა ხელი? არაფერია საშიში. მან ეს უკვე გააკეთა თამაშის დასრულების შემდეგ.“ თავად „ბროლის კაცი“ კი უკმაყოფილებას გამოთქვამს:

„მწვრთნელი ცოტა სხვაგვარად ფიქრობს. ის ღელავს ჩემი ჯანმრთელობის მდგომარეობის გამო, მაგრამ მე იმედგაცრუებული და უკმაყოფილო დავრჩი, რადგან დიდხნიანი შესვენების მერე მე გამოვდივარ მოედანზე და მე მცვლიან...“

კ – კეჟმანი – მატეა კეჟმანი– ერთ–ერთი ძველი და ყველაზე საყვარელი საფეხბურთო პარტნიორია არიენ რობენისთვის. ისინი ერთად თამაშობდნენ ჰოლანდიური კლუბის, "პსვ-ს", თავდასხმაში და იმდენად წარმატებული იყო მათი თამაში, რომ გულშემატკივრები ამ წყვილს „ბეტმენსა და რობენს“ უწოდებდნენ.


ლ – ლონდონი - ქალაქი, რომელმაც დიდი როლი ითამაშა რობენის კარიერაში. ის ზუსტად დიდ ბრიტანეთში გახდა მთელი საფეხბურთო სამყაროსთვის ცნობილი ადამიანი, ფინტებისა და გოლების წყალობით, როცა ლონდონის „ჩელსიში“ თამაშობდა. სწორედ ლონდონში, თუმცა უკვე მიუნხენის „ბაიერნის“ შემადგენლობაში არიენმა უდიდეს წარმატებას მიაღწია კლუბური დონის ფეხბურთელისთვის: მოიგო ჩემპიონთა ლიგის გადამწყვეტი თამაში. ფინალის შემდეგ „უემბლის“ სტადიონზე რობენი სიხარულისგან ტიროდა.


მ – მემარცხენე –  ჰოლანდიელის ერთ–ერთი მთავარი იარაღი ბუნებრივობაა. ის რომ არიენი მემარცხენეა და შემთხვევათა 99%–ით კარში დარტყმამდე ბურთს რომ მარცხნივ წაიღებს, იცის ყველამ. მაგრამ, როცა რობენი საჯარიმოში იმყოფება, ის ისე ბუნებრივად იტყუება, თითქოს მარჯვნივ უნდა წასვლა, რომ მის ფინტებს შეუძლია მსოფლიოს საუკეთესო მცველებიც კი გააცუროს.

 ნ – ნიდერლანდები –  რობენის სამშობლო, სადაც ის ეროვნულ საფეხბურთო ნაკრებში თამაშობს. ერთ–ერთი დასამახსოვრებელი მატჩი კი ისაა, სადაც არიენმა ვერ გაუტანა ერთი ერთზე ბურთი იკერ კასილასს, რის გამოც, ჰოლანდია სამხრეთაფრიკულ ფინალში დამაცხდა ესპანეთთან. „როგორ მოახერხა მაშინ კასილასმა ბურთის აღება? ალბათ, ნეკით! ორი სანტიმეტრით მაღლა რომ მეცადა ბურთის სროლა, ჩვენ ჩემპიონები გავხდებოდით, მაგრამ ეს ფეხბურთია...“, – თქვა რობენმა.


ო – "ოსკარი" - ცნობილი ამერიკული კინოპრემია ელოდება რობენს!  ჰოლანდიელის ერთ–ერთი უარყოფითი თვისება არის ის, რომ  ხანდახან კარგი სიმულანტია ფეხბურთის მოედანზე. ერთხელ „ლივერპულის“ გოლკიპერმა, რომელიც გააგდეს საფეხბურთო მოედნიდან რობენის ხელოვნური წაქცევის შემდეგ, მატჩის შემდეგ განაცხადა: „რობენმა უკვე იმდენი მოასწრო სამსახიობო ოსტატობაში,  რომ შეუძლია მიიღოს „ოსკარი“.“

პ –პსვ – „გრონინგენიდან“ რობენი „პსვ–ში“ გადავიდა, სადაც ორი წელი დაჰყო. პირველი სეზონის 33 მატჩში მან 12 გოლის გატანა შეძლო. ის დაეხმარა „პსვ–ს“ ჰოლანდიის ჩემპიონატის მოგებაში, რის შემდეგაც „ჰოლანდიის წლის საფეხბურთო ტალანტის“ წოდება და „ იოჰან კროიფის პრიზი“ მიიღო. სანამ „ჩელსიში“ გადავიდოდა, მისი საბოლოო სეზონი „პსვ–ში“ უიღბლო აღმოჩნდა: მან მიიღო მუხლის ტრავმა, რის გამოც რამდენიმე თამაშის გამოტოვება მოუწია. სულ ჩემპიონატზე ჰოლანდიელმა 23 მატჩი ჩაატარა და 5 გოლი გაიტანა.


ჟ – ჟოზე მოურინიო. „მოურინიოს განსაკუთრებულობა იმაშია, რომ ის მზადაა მოიგოს ნებისმიერ ფასად – არა აქვს მნიშვნელობა როგორ, მას უბრალოდ სურს გამარჯვება“, – ასე ახასიათებს არიენ რობენი მოურინოს. თავად მოურინიომ კი, 2014 წელს მსოფლიო ჩემპიონატის საკუთესო მოთამაშედ, არიენ რობენი აღიარა.

რ – "რეალი". 2007 წლის 22 აგვისტოს რობენი „ჩელსიდან“ ესპანეთში, „რეალში“, გადავიდა 36 მილიონ ევროდ. იმ დროისათვის ეს გრანდიოზული შენაძენი მეხუთე ადგილზე იყო თავისი საფასურით მადრიდული კლუბის ისტორიაში ზიდანის, ფიგუს, ბექჰემისა და რონალდოს მერე.


ს – სერგეი ალეინიკოვი –  „ბაიერნში“ თანაგუნდელები არიენ რობენს ალეინიკოვს ეძახიან, რაც იმით არის განპირობებული, რომ ჰოლანდიელს გარეგნულად ამსგავსებენ 80–იანი წლების სსრკ–ს ფეხბურთელს, სერგეი ალეინიკოვს. ამასთანავე, არიენის მეტსახელს თანაგუნდელები გერმანული სტილით მოიხსენიებენ – "ALLEINikow", რაც ითარგმნება როგორც ინდივიდუალისტი ან მარტოსული.


ტ –ტრავმები.   შეიძლება ითქვას, რომ რობენი საკმაოდ იტანჯება ტრავმებით. დაზიანებებმა გაურთულა ცხოვრება ფეხბურთელს და შეუმცირა რაოდენობა იმ მატჩებისა, რომელშიც უნდა ეთამაშა. მხოლოდ ერთ სეზონში, რომელიც მადრიდის „რეალში“ ჩაატარა 2007–2008 წლებში, ხუთი სხვადასხვაგვარი ტრავმა მიიღო ჰოლანდიელმა. არც არის გასაკვირი, რომ სამშობლოში არიენს De Man van Glas–ს ანუ ბროლის კაცს უწოდებენ.

უ – უსწრაფესი.  ფეხბურთის დაუწერელი კანონი ამბობს: 30 წელს როცა უახლოვდება ფეხბურთელი,  მისი სიჩქარე მცირდება. სანამ 30 წლის გახდებოდა, არიენი ამბობდა: „მე ჯერ არ ვარ ოცდაათის! ყველაფერი დაიწყება ამ ასაკიდან. ახლა არაფერს ვუჩივი – ფეხები კარგად დარბიან!“  დღესდღეისობით, ფაქტია, 33 წლის ჰოლანდიელი ზემოხსენებულ კანონს თავისუფლად არღვევს.


ფ – ფენტეზი. ლიტერატურული ჟანრი იმ წიგნისა, რომელიც დაიწერა რობენზე, თავად ფეხბურთელის მოფიქრებულია. თავად არიენი ამტკიცებს: „მე უფრო ამ პროექტის ელჩი ვარ. 12 ჰოლანდიური სკოლის 12–მა კლასმა დაწერა თითო თავი და გამოვიდა საბავშვო „ფენტეზი“. მაგრამ წიგნი მთავრდება ჩემპიონთა ლიგაზე ჩემი გამარჯვებით. იდეის ავტორს და მეც, სურვილი გვაქვს, რომ ბავშვებს კითხვისა და წერის სტიმული მივცეთ. ჰოლანდიაში ეს ახლა ძალიან დიდი პრობლემაა...“

 ქ – ქარის მოტანილს ქარი წაიღებს.   მართალია, არაერთი ტრავმა მიიღო "მფრინავმა ჰოლანდიელმა", თუმცა ეს ტრავმები არაფერი იყო იმასთან შედარებით, რომ არიენს სიკვდილი დაემუქრა.  "პსვ-ში" თამაშისას ექიმებმა რობენს კიბოს დიაგნოზი  დაუსვეს. თავიდან ექიმები ვერ სვამდნენ იმედისმომცემ დიაგნოზს, თუმცა, საბოლოოდ, რობენს გაუმართლა, რომ სიმსივნე კეთილთვისებიანი აღმოჩნდა. სწორედ ამ პერიოდიდან მოყოლებული, რობენმა თმები დაკარგა. თუმცა, ასე უკეთესია, ვიდრე ყოველ წამს იმის შიში, რომ შენი ცხოვრება მალე დასრულდება...  


ღ – ღირებული შენაძენი.  როდესაც რობენი ლონდონის „ჩელსიდან“  მადრიდის „რეალში“ გადავიდა, ამბობდა: „მე არ ვარ ბროლის!“ მან დიდი კვალი დატოვა „რეალის“ ისტორიაში, თუმცა, როცა რეალის პრეზიდენტი ფლორენტინო პერესი გახდა და კონტრაქტი გააფორმა ისეთ ფეხბურთელებთან, როგორებიც არიან კაკა და კრიშტიანუ რონალდუ, რობენი აღარ აღმოჩნდა საჭირო, სამეფო კლუბმა თანხმობა განაცხადა „ბაიერნის“ შეთავაზებაზე. საბოლოოდ, როგორც აღმოჩნდა, მიუნხენურ კლუბს ძალიან გაუმართლა, რადგან რობენი უდავოდ ღირებული შენაძენია.

ყ – ყოვლისშემძლე.  არიენი არ არის ერთ პოზიციაზე მიჯაჭვული, მას შეუძლია „ბაიერნში“ ითამაშოს ყველგან – მარცხნივაც, მარჯვნივაც. ამასთანავე, შეუძლია, იყოს თავდამსხმელი, როგორც – ჰოლანდიაში. თუმცა კონკრეტული ვალდებულება ამ ნახევარმცველს არცერთ პოზიციაზე არ გააჩნია. ამაშიც არის მისი დიდი პლუსი.


შ – „შრამიანი სახე“ –  ასე ეძახიან რიბერის, რომლის თამაშიც „ბაიერნში“ , ფაქტობრივად, წარმოუდგენელია რობენის გარეშე და, პირიქით...  ამ საფეხბურთო წყვილს Robbery-ს უწოდებენ, რაც ითარგმნება, როგორც – ძარცვა ძალის გამოყენებით. რობენი და რიბერი ძლიერი, სახიფათო მძარცველები არიან.


ჩ – ჩემპიონი. რობენის კლუბური კარიერა მრავალფეროვანია ტიტულებით. მან მოახერხა გამარჯვების მოპოვებება თავის კლუბებში: ჰოლანდიაში ტიტულები "პსვ-ს" მაისურით მოიგო, ინგლისში – ლონდონურ „ჩელსიში“, ესპანეთში – მადრიდის „რეალში“, ხოლო გერმანიაში – მიუნხენის „ბაიერნში“.


ც – ცოლი.  არიენმა და ბერნადენმა მეგობრობა ჯერ კიდევ გრონინგენის სკოლაში დაიწყეს. 2007 წლის 9 ივნისს კი დაქორწინდნენ – რა თქმა უნდა, მშობლიურ ქალაქში. მათ სამი შვილი ჰყავთ: ლუკა, კაი და ლინი.

ძ – ძვირადღირებული ფეხბურთელი.   „პსვ–მ“ რობენში  3,9 მილიონი  ევრო გადაიხადა, ჩელსიმ – 18 მილიონი ევრო, რეალმა – 35 მილიონი ევრო, ხოლო „ბაირნმა“ – 25 მილიონი ევრო.  უცნობია, რას გადაიხდიდა "ზენიტი" რობენში, ჭორი რომ არ ყოფილიყო, მაგრამ, ფაქტია, რომ "მფრინავი ჰოლანდიელი" დროთა განმავლობაში უფრო შეუფასებელი ხდება.


წ – წითელი ეშმაკები . რობენს არასდროს უთამაშია „მანჩესტერ იუნაიტედში“, თუმცა ამის შანსი ჰქონდა. 20 წლის ასაკში ჰოლანდიიდან ინგლისშიც კი წავიდა, რათა შეხვედროდა ცნობილ მწვრთნელს, ალექს ფერგიუსონს. თუმცა „მანჩესტერ იუნაიტედის“ უფროსობამ ფეხბურთელში მხოლოდ 7 მილიონი ევრო შესთავაზეს "პსვ-ს", ამან იმდენად შეურაცხყოფილად აგრძნობინა თავი კლუბის პრეზიდენტს, ჰარი ვან რაის, რომ შემდეგნაირი კომენტარი გააკეთა: „ასეთი თანხით „მანჩესტერ იუნაიტედს“ მხოლოდ რობენის მაიკის ყიდვა შეუძლია, თავისი ავტოგრაფით.“


ჭ – ჭორები –  თუ დავუჯერებთ ჭორებს, მაშინ რობენი „ბაიერნიდან“ დიდი ხნის წასული უნდა იყოს. მას ჰქონია შეთავაზება „იუვენტუსისგან“, ასევე, გვარდიოლას სურდა „მანჩესტერ სიტიში“ წაეყვანა არიენი, ეს ჭორი ჰოლანდიელმა უარყო: „ მიწვევდა თუ არა პეპი მასთან? არა, ის მე არ მიწვევდა. ის ამას არ გააკეთებს. არ დამიძახებს არც მე და არც – სხვა მოთამაშეს.“ რაც შეეხება ჭორებს იმის შესახებ, რომ რობენი „ბაიერნიდან“ მიდიოდა, ის შემდეგნაირად პასუხობს: „ ყოველწლიურად მეორდება ეს ისტორია,მ ე მხოლოდ შემიძლია გავიცინო ჭორებთან დაკავშირებით, სადაც ამბობენ, რომ მე „ბაიერნიდან“ მივდივარ. კლუბში ყველასთან კარგი ურთიერთობა მაქვს. „ბაიერნმა“ იცის, სად უნდა მიპოვოს, თუ ჩემთან დალაპარაკება სურთ, მე ყოველთვის მზად ვარ.“


ხ – ხოსეპ გვარდიოლა –  რობენს ბაიერნის ყოფილ მწვრთნელთან, პეპ გვარდიოლასთან, კარგი ურთიერთობა ჰქონდა. „პეპი მე ძალიან მეხმარება. ჩვენ არაჩვეულებრივი კონტაქტი გვაქვს. მწვრთნელი მეხმარება საკუთარი თავის რწმენის გაუმჯობესებაში,“– ამბობდა ჰოლანდიელი.

ჯ – ჯერ ოჯახი.  არიენისთვის წინა პლანზე ოჯახი დგას. ფიფას ოფიციალურ საიტთან მიცემულ ერთ–ერთ ინტერვიუში, ჰოლანდიელმა განაცხადა: „ ჩემთვის ოჯახი დიდ როლს თამაშობს ცხოვრებაში. ჩემი საფეხბურთო კარიერის მანძილზე რამდენჯერმე გადავდიოდი ერთი კლუბიდან მეორეში, ჩემს ოჯახს უწევდა ჩემთან ერთად წამოსვლა სხვადასხვა მხარეში, რაც არ იყო ადვილი. როდესაც სახლის ზღურბლს გადავლახავ, ვივიწყებ სამსახურს, სრულიად ვითიშები ფეხბურთისგან. სახლში მე ვარ არა ფეხბურთელი არიენ რობენი, არამედ, მეუღლე და მამა და ჩემთვის არაფერია მნიშვნელოვანი ოჯახის წევრების გარდა.“


ჰ – ჰანსი –  ფეხბურთელის მამის სახელი, რომელმაც დიდი როლი ითამაშა არიენის ცხოვრებაში. სწორედ ჰანს რობენი არის საკუთარი შვილის აგენტი, მას მიჰყავს არიენის ყველა საფეხბურთო საქმე, წყვეტს, სად და როგორ პირობებში უნდა ითამაშოს. ჯერჯერობით უფროსი და უმცროსი რობენიც კმაყოფილნი არიან მიუნხენით.

скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
არიენ რობენი ბლოგი
მსგავსი სიახლეები
კომენტარები
Olga Y.neump
Olga Y.neump | 24 აპრილი 2017 05:03
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა