მიუნხენის "ბაიერნი" ჩემპიონთა ლიგის გადამწყვეტი სტადიისთვის მზადებას იწყებს.
"პადერბორნთან" გამარჯვების (3:2) შემდეგ "რეკორდმაისტერმა" ლონდონის "ჩელსისთან" პირველი 1/8 ფინალური თამაშისთვის დაიწყო მზადება.
"ჩელსი" ისევე, როგორც სხვა საერთაშორისო დონის გუნდები, პატივისცემით გვეპყრობა. მათ ნახეს თუ როგორ ვიასპარეზეთ ჯგუფურ ეტაპზე. გამარჯვების მოპოვება გვინდა!", - განაცხადა "ბაიერნის" კაპიტანმა, მანუელ ნოიერმა.
შემართებითა და პოზიტიური განწყობითაა მიუნხენური კლუბის ახალგაზრდა ლიდერი იოზუა კიმიხიც: "ჩელსის" ახალგაზრდა და გამოცდილი მოთამაშეების კარგი მიქსი ჰყავს, მაგრამ ჩვენ გამარჯვება გვინდა!".
"სტემფორდ ბრიჯზე" პირველი მატჩი 26 თებერვალს გაიმართება. "ბაიერნმა" ჯგუფში ყველა თამაში მოიგო და 24 გოლი გაიტანა.