...

პრევიუ: ვერდერი - ბაიერნი

ხვალ მიუნხენის "ბაიერნი" გერმანიის ეროვნული ჩემპიონატის მეორე წრეს დაიწყებს და სტუმრად ბრემენის "ვერდერს" დაუპირისპირდება. კარლო ანჩელოტის გუნდი ზამთრის შესვენების შემდეგ მეორე მატჩს ჩაატარებს და ეცდება, რომ წარმატებული სერია გააგრძელოს.

ვერდერი - ბაიერნი
ჩემპიონატი: გერმანიის ბუნდესლიგა, XVIII ტური
თარიღი: 28 იანვარი, 18:30 საათი
სტადიონი: "ვეზერშტადიონი", ბრემენი
მთავარი მსაჯი: საშა შტეგერმანი
პირდაპირი ტრანსლიაცია: Silk სპორტ HD1; Eurosport 2 (North-East)
იხილეთ დღევანდელი მატჩის პროგნოზი

გუნდების წინასამატჩო მდგომარეობა
ბრემენის "ვერდერმა" ბუნდესლიგის პირველი წრე კარგად დაასრულა (ბოლო ექვსი თამაშიდან მხოლოდ ერთი წააგო და ცხრა ქულა დააგროვა), რაც 37 წლის გერმანელი სპეციალისტის, ალექსანდრ ნურის დამსახურებაა, რომელმაც სექტემბრის ბოლოს ვიქტორ სკრიპნიკი შეცვალა და საკმაოდ კარგი სამუშაო შეასრულა. ნურიმ ბუნდესლიგის ერთ-ერთ აუტსაიდერს ახალი მუხლი შემატა და მოთამაშეები სულ სხვა მოტივაციით აათამაშა. ბრემენელთა მთავარი ნათელი წერტილი 21 წლის გერმანელი ვინგერი სერჟ გნაბრია, რომელიც შვიდი გატანილი ბურთით გუნდის საუკეთესო ბომბარდირია. გარდა ამისა, "ვერდერს" ძალიან გამოცდილი კაპიტანი - კლემენს ფრიტცი, ტექნიკური და სასარგებლო ფინ ბარტელსი, ნიჭიერი ზლატკო იუნუზოვიჩი და უბრალოდ ლეგენდარული კლაუდიო პისარო ჰყავს. ნური თავდაპირველად 4-4-2 სქემით თამაშობდა და თავდასხმაში პისარო-კრუზეს დუეტს იყენებდა, მაგრამ ბოლო თამაშებში 5-2-1-2 სქემაზე გადავიდა. გასულ უქმეებზე, შინ დორტმუნდის "ბორუსიას" წინააღმდეგ, "ვერდერმა" სწორედ ასეთ განლაგებით ითამაშა და საკმაოდ კარგი შთაბეჭდილებაც დატოვა. ბრემენელები პირველი ტაიმის ბოლოს უმცირესობაში დარჩნენ, მაგრამ არ დანებდნენ და ანგარიშიც გათანაბრებაც კი მოახერხეს. საბოლოოდ ბრემენული კლუბი დამარცხდა, მაგრამ დაამტკიცა, რომ ხელწამოსაკრავი გუნდი არ არის. "ვერდერი" კარგ ფორმაშია, მოთამაშეები კი კარგ განწყობაზე არიან, ამიტომ "მწვანეები" საკუთარ მოედანზე მაქსიმუმს დადებენ. გუნდს 37 წლის ჩეხი გოლკიპერი, იაროსლავ დრობნი, დააკლდება, რომელმაც წინა ტურში წითელი ბარათი მიიღო და ოთხმატჩიანი დისკვალიფიკაციით დაისაჯა. მას ფელიქს ვიდვალდი შეცვლის. გარდა ამისა, "ვერდერს" ბარგფრედე, ჰაიროვიჩი, გრილიტში და იოჰანსონი დააკლდებიან. მოსალოდნელია, რომ ნური სამი ცენტრალური ნახევარმცველით ითამაშებს, რადგან მეტოქე "ბაიერნია" და საჭიროა სიფრთხილე.

მიუნხენურმა გრანდმა კი, ტრადიციულად, ზამთრის შესვენების შემდეგ მძიმედ დაიწყო და წინა ტურში, სტუმრად "ფრაიბურგის" წინააღმდეგ, საკმაოდ ცივი ამინდის ფონზე, ურთულესი ბრძოლა გადაიტანა. "რეკორდმაისტერმა" სუსტი თამაში ჩაატარა, სამაგიეროდ რობერტ ლევანდოვსკიმ გაიბრწყინა, დუბლი გაიფორმა და გამარჯვების მომტანი გოლი ბოლო წუთზე დიდებულ სტილში გაიტანა - 2:1. კარლო ანჩელოტის გუნდმა პირველი წრე პირველ ადგილზე დაასრულა, მაგრამ ეს მოდუნების საშუალებას არ იძლევა. მოულოდნელი მთავარი მდევარი "ლაიფციგი" იოლად დანებებას არ აპირებს და "ბაიერნს" კვლავ მხოლოდ სამი ქულით ჩამორჩება. ეს კი იმას ნიშნავს, რომ მიუნხენურმა გრანდმა მაქსიმალური კონცენტრაციით უნდა ითამაშოს და ქულები არ დაკარგოს. ფრაიბურგში რთული მატჩის შემდეგ ბავარიელები ქომაგების გახარებას ბრემენში ეცდებიან და ვნახოთ რა გამოუვათ. "რეკორდმაისტერს" ორი ცენტრალური ნახევარმცველი, არტურო ვიდალი და ტიაგო ალკანტარა, ვერ დაეხმრებიან. 29 წლის ჩილელს ნეკნების პრობლემები აქვს, 25 წლის ესპანელი კი ბარძაყის დაზიანების შემდეგ ვარჯიშებს ახლახანს დაუბრუნდა და ასი პროცენტით არ არის მზად. გარდა ამისა, ჟერომ ბოატენგი ჯერ კიდევ ლაზარეთშია. სამაგიეროდ, 20 წლის ფრანგი ვინგერი კინგსლი კომანი სრულ მზადყოფნაშია და სავარაუდოდ, დღეს მინდორსაც დაუბრუნდება. "ბაიერნი", ძალიან დიდი ალბათობით, კვლავ 4-2-3-1 განლაგებით იმოქმედებს და ეს თომას მიულერის მორიგი შანსია, რომელმაც "ფრაიბურგის" წინააღმდეგ სუსტად იასპარეზა. მოედნის ცენტრში ახალგაზრდა იოზუა კიმიხი და ვეტერანი ხაბი ალონსო იმოქმედებენ. პაპა კარლოს როტაცია უყვარს, ამიტომ არ არის გამორიცხული, რომ მარცხენა მცველის პოზიციაზე ხუან ბერნატი გამოჩნდეს ან ძირითადში რაფინია ვიხილოთ და მოედნის ცენტრი კაპიტანმა, ფილიპ ლამმა, გაამაგროს. ცვლილებები კი მაინც იქნება, რადგან ვიდალი ტრავმირებულია და აგრეთვე, დუგლას კოშტამ წინა თამაში ჩააგდო, ამიტომ მის ადგილს ფრანკ რიბერი დაიკავებს. თებერვლის შუარიცხვები ახლოვდება, ამიტომ "ბაიერნმა" ოპტიმალური ფორმის აკრეფვაზე უნდა იზრუნოს და თამაში ნელ-ნელა გააუმჯობესოს.

ბრემენის "ვერდერი" მიუნხენური კლუბისათვის ძალიან სასიამოვნო მოწინააღმდეგეა და ვნახოთ გაგრძელდება თუ არა ეს წარმატებული სერია. "ბაიერნი" ფავორიტია და მხოლოდ სამი ქულა იქნება მისაღები შედეგი.

სავარაუდო შემადგენლობები
ვერდერი: ვიდვალდი - ბარტელსი, ბაუერი, სანე, მოისანდერი, ს.გარსია - დელაინი, ფრიტცი, იუნუზოვიჩი - გნაბრი, კრუზე.

ბაიერნი: ნოიერი - ლამი, მარტინესი, ჰუმელსი, ალაბა - კიმიხი, ალონსო - რიბერი, მიულერი, რობენი - ლევანდოვსკი.

საინტერესო ფაქტები
  • მიუნხენის "ბაიერნს" ბუნდესლიგაში საუკეთესო შეტევა ჰყავს - 40 გოლი, ბრემენის "ვერდერს" კი ყველაზე სუსტი დაცვის ხაზი - 36 გაშვებული ბურთი.

  • "რეკორდმაისტერს" ბრემენული კლუბი ბუნდესლიგის ზედიზედ 12 შეხვედრაში ჰყავს დამარცხებული და დღეს "ბაიერნს" რეკორდის დამყარება შეუძლია, რადგან გერმანიის ჩემპიონატში ზედიზედ 13 მატჩი არავის არავისთვის არ მოუგია.

  • ერთმანეთს ბუნდესლიგის ისტორიაში ორი ყველაზე შედეგიანი ლეგიონერი დაუპირისპირდება: რობერტ ლევანდოვსკი (135 გოლი) და კლაუდიო პისარო (190 გოლი).

  • 28 წლის პოლონელი თავდამსხმელი ბრემენული კლუბის ნამდვილი რისხვაა და "ვერდერის" წინააღმდეგ ჩატარებულ ბოლო შვიდ შეხვედრაში ათი გოლის გატანა მოახერხა.

  • მიუხედავად სუსტი დაცვისა, "ვერდერს" შეტევაში კარგი მდგომარეობა აქვს და ბოლო მატჩი, როდესაც ბრემენელებმა გოლის გატანა ვერ მოახერხეს, ბუნდესლიგის პირველ ტურში, "ალიანს არენაზე" გაიმართა და "ბაიერნმა" 6:0 იმარჯვა.

  • "ბაიერნი" და "ვერდერი" ბუნდესლიგის ისტორიაში ყველაზე შედეგიანი კლუბები არიან. მიუნხენურმა გრანდმა ახლახანს 3000 ბურთიანი ზღვარი გადალახა, ბრემენელები კი 2997 გოლით ამ მიღწევასთან ძალიან ახლოს არიან.

  • "ვერდერს" "რეკორდმაისტერის" კარში გოლი უკვე ორწელიწად-ნახევარია არ გაუტანია. ბოლოს ეს 2014 წლის 26 აპრილს მოხდა, როდესაც "ბაიერნის" კარი აარონ ჰანტმა დალაშქრა. მას შემდეგ კი 594 წუთში "ბაიერნმა" ბრემენულ კლუბს 28 ბურთი გაუტანა და კარი ყოველ ჯერზე მშრალად შეინახა.

  • საშა შტეგერმანი მიმდინარე სზონში "ბაიერნის" მესამე მატჩს განსჯის. აქამდე მან "ვოლფსბურგთან" ბუნდესლიგის მე-14 ტურის შეხვედრაზე (5:0) იმუშავა და აგრეთვე, გერმანიის თასზე, "აუგსბურგთან" შეხვედრაში (3:1) იმსაჯა.

მწვრთნელების წინასამატჩო კომენტარები
კარლო ანჩელოტი: ​"არტურო ვიდალი და ტიაგო ალკანტარა ბრემენში ვერ დაგვეხმარებიან, მაგრამ ისინი "შალკესთან" თამაშისთვის ჩემს გეგმებში ნამდვილად შედიან.

ხვალ მიუნხენში გამართული თამაშისგან განსხვავებული მატჩი იქნება და ვფიქრობ, წინ რთული გამოცდა გველის. კინგსლი კომანი მწყობრშია და გუნდის დახმარება შეუძლია.

თომას მიულერი კარგ კონდინციებშია. ის მოტივირებულია, კონცენტრირებული და დარწმუნებული ვარ, ხვალ მორიგ კარგ გუნდურ თამაშს ჩაატარებს."

ალექსანდრ ნური: ​"ეს განსაკუთრებული გამოცდილება იქნება და ამ თამაშს სულმოუთმენლად ველი. გვინდა, რომ საკუთარი შესაძლებლობები ყველას დავანახოთ. მინდა, რომ დავინახო ჩემი მოთამაშეების თანადგომა ერთმანეთისადმი, კომფაქტური და ორგანიზებული ფეხბურთი."​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბუნდესლიგა პრევიუ
მსგავსი სიახლეები
კომენტარები
temo dadua
temo dadua | 27 იანვარი 2017 20:59
22 იანვარს ნარდში მოვიგე ფინალი და დამერიცხა ანგაიშზე 60 ლარი.დაახლოებით 1 წუთში დავდე 10 ლარი ტოტალიზატორის ბილეტზე და ისევ როცა ვაპირებდი დადებას დაახლოებით 1 წუთის შემდეგ დამეწერა ანგარიშზე არ გაკვთ საკმარი თანხაო ეს ხდება LIDER-BETZE. მეუბნებიან რომ ვიგაცამ გამიტეხა user-რი და ითანაშა 50 ლარის სლოტები წააგო და გავიდა
heineken
heineken | 27 იანვარი 2017 21:02
ციტატა: temo dadua
22 იანვარს ნარდში მოვიგე ფინალი და დამერიცხა ანგაიშზე 60 ლარი.დაახლოებით 1 წუთში დავდე 10 ლარი ტოტალიზატორის ბილეტზე და ისევ როცა ვაპირებდი დადებას დაახლოებით 1 წუთის შემდეგ დამეწერა ანგარიშზე არ გაკვთ საკმარი თანხაო ეს ხდება LIDER-BETZE. მეუბნებიან რომ ვიგაცამ გამიტეხა user-რი და ითანაშა 50 ლარის სლოტები წააგო და გავიდა

მასე მოუვიდა ძმაკაცს ოღონდ აჭარაზე მოგებული ქონდა 1000 ლარამდე და გაუტეხეს და ყველა მოხსნენ ცხრაას რარაცა სმს ავტორიზაცია დააყენე
temo dadua
temo dadua | 27 იანვარი 2017 21:09
მაქ მაგრამ არეშველა მაინც
goga456
goga456 | 28 იანვარი 2017 17:14
უნდა მოვიგოთ http://geosesxebi.ge
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა