ფლიკის მატჩისწინა პრესკონფერენცია

ლონდონის "ჩელსისთან" დაპირისპირებამდე მიუნხენის "ბაიერნის" მთავარმა მწვრთნელმა, ჰანს ფლიკმა პრესკონფერენციაზე ისაუბრა.

"კოუტინიო ძალიან ნიჭიერი ფეხბურთელია. ზოგჯერ ის დიდი წნეხის ქვეშაა, თუმცა, ცდილობს, რომ ყოველთვის მაქსიმუმი გაიღოს გუნდისთვის."

"ლეონ გორეცკამ სრული დატვირთვით ივარჯიშა და ის შეხვედრის ჩასატარებლად მზადაა."

"რაც შეეხება ლევანდოვსკის, ის თავისი კარიერის საუკეთესო ფორმაში იმყოფება. მსგავსი ლიდერის ყოლა გუნდისთვის ძალიან ბევრ რამეს ნიშნავს."

"გასული თვეების განმავლობაში ვაჩვენეთ, რომ ლამაზი ფეხბურთის თამაში შეგვიძლია. ჩვენი სიძლიერე ბევრმა გუნდმა ნახა, "ჩელსისთან" კი კიდევ ერთხელ უნდა დავამტკიცოთ ეს. იმედი გვაქვს, რომ შემდეგ ეტაპზე გავალთ." - აცხადებს ფლიკი.