ბაიერნი და სიტი ინგლისელი ტალანტისთვის იბრძვიან

მიუნხენის "ბაიერნი" კიდევ ერთი ტალანტით დაინტერესდა.

ევროპული გამოცემების ინფორმაციით, ამჯერად "რეკორდმაისტერის" რადარზე "ასტონ ვილას" ამომავალი ვარსკვლავი, ჟადენ ბიდასი გამოჩნდა.

17 წლის ფეხბურთელი პოზიციით მარცხენა ვინგერია და მას ინგლისში უდიდეს მომავალს უწინასწარმეტყველებენ.

ბიდასის კლუბთან კონტრაქტი მიმდინარე სეზონის დასრულების შემდეგ ეწურება და მის გახანგრძლივებას არ აპირებს. წყაროს ცნობით, ფეხბურთელის დამატებით ასევე "სიტი" და "აიაქსი" არიან დაინტერესებული.