როგორ ეხმარებიან ბაიერნის ფეხბურთელები ხალხს კორონავირუსის დროს

კორონავირუსთან ბრძოლაში სპორტსმენებს შორის ერთ-ერთი ყველაზე გამორჩეული "ბაიერნის" ფეხბურთელები არიან.

გთავაზობთ გუნდის ფეხბურთელების მიერ ჩადენილი ქველმოქმედების მცირე ჩამონათვალს, რომელიც ამჟამად ჩვენთვის არის ცნობილი.

ლეონ გორეცკამ და იოზუა კიმიხმა WeKickCorona კამპანია წამოიწყეს, რომელმაც უკვე 3 მილიონ ევროზე მეტი თანხა მოაგროვა. თავად ზემოხსენებულმა მოთამაშეებმა 1 მილიონი ევრო გადარიცხეს ფონდში.

რობერტ ლევანდოვსკიმ პოლონეთის კლინიკების დასახმარებლად 4 მილიონი ევრო გადარიცხა.

კარლ ჰაინც რუმენიგემ ჯამში 250,000 ევრო გადარიცხა კორონავირუსთან საბრძოლო ფონდში.

მანუელ ნოიერმა, ბენჟამინ პავარმა და სვენ ულრაიხმა სხვადასხვა საავადმყოფოებში გარკვეული რაოდენობის თანხები გადარიცხეს მათ დასახმარებლად.

გერმანიის ეროვნული ნაკრების ყველა ფეხბურთელმა ჯამში 2.5 მილიონი ევრო გადარიცხა კორონავირუსთან საბრძოლველად.