ბაიერნი და მიულერი ახალ კონტრაქტზე შეთანხმდნენ

როგორც ჩანს, თომას მიულერის ირგვლივ ატეხილი სატრანსფერო აჟიოტაჟი საბოლოოდ დასრულდა.

გერმანული გამოცემა BILD-ის ინფორმაციით, მიუნხენის "ბაიერნსა" და ვეტერან შემტევს შორის შეთანხმება შედგა და თომასი სულ მალე ახალ კონტრაქტს მოაწერს ხელს.

წყაროს ცნობით, კონტრაქტი მიულერს კლუბთან 2023 წლამდე დააკავშირებს. გარდა ამისა, მხარეთა შეთანხმების შემთხვევაში ის კიდევ 1 წლით გახანგრძლივდება.

შეგახსენებთ, რომ მიულერს ამჟამინდელი კონტრაქტი კლუბთან 2021 წელს ეწურება.