...

ანჩელოტი Vs ვენგერი - დიდი მწვრთნელების შედარება

დღეს საღამოს ჩემპიონთა ლიგის მერვედფინალური ეტაპის ერთ-ერთი ყველაზე საინტერესო დაპირისპირება გაიმართება. მიუნხენის "ბაიერნი" საკუთარ მოედანზე ლონდონის "არსენალს" მიიღებს.

ამ შეხვედრის ერთ-ერთი მთავარი ინტრიგა ორი ძალიან გამოცდილი, ლეგენდარული სპეციალისტის დაპირისპირებაა, რომელთაც საკუთარი ღვაწლის გამო ყველა დიდ პატივს სცემს.

რა თქმა უნდა, ფეხბურთში მთავარი მოთამაშეები არიან, რომლებიც მინდორზე საქმეს აკეთებენ, მაგრამ მწვრთნელების როლიც უაღრესად მნიშვნელოვანია. კარლო ანჩელოტი თუ არსენ ვენგერი? ამ კითხვაზე პასუხის გაცემა მარტივი არ არის, მაგრამ გთავაზობთ ამ ორი ბრწყინვალე თავკაცის შედარებას.

ტიტულები

ამ მხრივ კარლო ანჩელოტის უპირატესობა ნამდვილად აქვს და მას მისტერ ჩემპიონთა ლიგასაც კი ეძახიან. ლეგენდარული ბობ პეისლის შემდეგ, რომელმაც "ლივერპულში" 70-იანი წლების ბოლოს ეპოქა შექმნა, პაპა კარლო გახდა პირველი სპეციალისტი, რომელმაც ევროპის ყველაზე პრესტიჟული საკლუბო ტურნირი სამჯერ მოიგო. კარლომ 2003 და 2007 წლებში ეს ტურნირი "მილანს" მოაგებინა, 2014 წელს კი მადრიდის "რეალს" ისტორიაში მეათე ჩემპიონთა ლიგის თასი მოაგებინა. არსენ ვენგერს კი ევროარენაზე ტიტული ჯერ არ მოუპოვებია, მაგრამ მისი ბრწყინვალე "არსენალი" ერთხელ ამასთან ძალიან ახლოს იყო. 2006 წელს "მეთოფეები" ფინალში იყვნენ, სადაც კატალონიის "ბარსელონასთან" დრამატულ ბრძოლაში დამარცხდნენ - 1:2. რაც შეეხება წარმატებებს ეროვნულ ჩემპიონატში, ამ მხრივ, ფრანგი იტალიელს არ ჩამოუვარდება. ვენგერმა "არსენალს" სამი პრემიერ ლიგის ტიტული (1998, 2002 და 2004) მოაგებინა. ანჩელოტის კი ერთი სერია ა ("მილანში", 2004 წელი), ერთი პრემიერ ლიგა ("ჩელსიში", 2010 წელი) და ერთი ლიგა 1 ("პსჟ-ში", 2013 წელი) აქვს მოგებული.

საერთო ჯამში, 67 წლის ფრანგ სპეციალისტს, კარიერაში 18 ტიტული აქვს მოპოვებული, აქედან 15 ლონდონის "არსენალთან" ერთად. 57 წლის ანჩელოტის ანგარიშზეც 18 ტიტულია, მათ შორის გერმანიის სუპერთასი.

ერთგულება

არსენ ვენგერი ლონდონის "არსენალის" ნამდვილი სიმბოლოა, რომელიც ამ კლუბში 1996 წლიდან მოყოლებული მუშაობს. ფრანგმა "მეთოფეებისათვის" მართლაც უდიდესი სამუშაო შეასრულა, გუნდს თავის დროზე დიდი წარმატებები მოუტანა და 2003/04 წლების სეზონში პრემიერ ლიგა დაუმარცხებლად მოიგო, რაც დღემდე უნიკალური შემთხვევაა. რა თქმა უნდა, ვენგერი გათავისუფლების პირას რამდენჯერმე იყო, მაგრამ საბოლოოდ კონტრაქტს მაინც ახანგრძლივებდა. შესაძლოა, ბოლო ათი წლის განმავლობაში "არსენალი" ვერც ეროვნულ ჩემპიონატში და ვერც ჩემპიონთა ლიგაზე უძლიერესი გუნდების კონკურენტი ვერ არის, მაგრამ სტაბილურად მაღალ დონესა და ფანტასტიკურ სათამაშო სტილს ინარჩუნებს, რისი წყალობითაც ევროპის მთავარ საკლუბო ტურნირზე მუდმივად ასპარეზობს. მას უკვე დიდი ხანია აკრიტიკებენ და "არსენალის" ქომაგები ახალ სახეს ითხოვენ, მაგრამ ბაბუ ვენგერი წასვლას არ ჩქარობს.

რაც შეეხება კარლო ანჩელოტის, ის რადიკალურად განსხვავებული ტიპია. იტალიელს ახალ-ახალი გამოწვევები და მოგზაურობა უყვარს. მან პარმადან დაიწყო, შემდეგ ტურინში წავიდა, მილანიც მოიარა, ლონდონი, პარიზი, მადრიდი და ახლა მიუნხენს ათვალიერებს. "რეკორდმაისტერთან მისი კონტრაქტი 2019 წლამდეა გათვლილი და არ არის გამორიცხული, რომ ანჩელოტიმ "ბაიერნის" შემდეგ კიდევ ახალი კლუბი იპოვნოს.

ფილოსოფია

ამ მხრივაც ვენგერი და ანჩელოტი განსხვავებული მწვრთნელები არიან. ფრანგ სპეციალისტს ერთი გამოკვეთილი იდეოლოგია აქვს, რომელსაც არასოდეს ღალატობს. მისი "არსენალი" უკვე ოც წელიწადზე მეტია ულამაზეს ფეხბურთს თამაშობს, რომელიც პირველ რიგში სიამოვნებას ქომაგებს ანიჭებს. ლონდონური კლუბი არცერთ მეტოქეს არ დაუხრის თავს და დაცვაში არ ჩაჯდება, უფრო მეტიც, ნებისმიერ შემთხვევაში, შეუტევს და კომბინაციური ფეხბურთის ჩვენებას ეცდება. სწორედ ამიტომ იმსახურებს არსენ ვენგერი და მისი გუნდი დიდ პატივისცემას. ფეხბურთი გულშემატკივრების სპორტია, "არსენალი" კი ქომაგებს ყოველთვის დიდ სიამოვნებას ანიჭებს, რაც ძალიან სასიამოვნოა. შედეგები შესაძლოა არც ისე კარგია, მაგრამ ვენგერის ფილოსოფიას ბევრი ეტრფის, მათ შორის პაპა კარლო.

ანჩელოტი კი იტალიური სკოლის ღირსეული წარმომადგენელია, რომლის მთავარი მიზანი შედეგის დადებაა. რა თქმა უნდა, ანჩელოტის გუნდები კატენაჩოს და დაცვით ფეხბურთს არასოდეს თამაშობდნენ, მაგრამ მისი ფილოსოფია უფრო პრაგმატიზმზეა აგებული, ვიდრე შემოქმედებითობაზე. კარლო საქმეს სტრატეგიულად უდგება, უყვარს დეტალების განხილვა და მათი გამოყენება. აშკარაა, რომ ახლა "ბაიერნს" კრეატივი აკლია, მაგრამ დღევანდელ შეხვედრაში ეს პრობლემა შესაძლოა გაქრეს, რადგან იტალიელმა კონკრეტულად "არსენალს" მოუძებნოს რაიმე გასაღები, რომელსაც "რეკორდმაისტერი" ნაყოფიერად გამოიყენებს. კარლო ანჩელოტი უფრო სათასო მწვრთნელია და ამიტომ ეროვნულ ჩემპიონატებში ყოველთვის უჭირდა. სამაგიეროდ, ზუსტად იცის როგორ მოამზადოს და განაწყოს გუნდი ერთი კონკრეტული თამაშისათვის, ჩემპიონთა ლიგაზე კი მთავარი სწორედ ეს არის.

მენტალიტეტი

რვაწლიანი უტიტულო სერიისა და ჩემპიონთა ლიგაზე ბოლო პერიოდში მუდმივი წარუმატებლობის ფონზე არსენ ვენგერის რეპუტაციასთან ერთად მისი შინაგანი მენტალიტეტიც შეირყა. ის აღარ არის გენიალური ბაბუ ვენგერი, რომელმაც თავის გუნდს პრემიერ ლიგა დაუმარცხებლად მოაგებინა, ეს უფრო მუდმივად დამარცხებული არსენ ვენგერია, რომელსაც სამწუხაროდ ე.წ. "ლუზერის" მენტალიტეტი ჩამოუყალიბდა. ძალიან რთულია ზედიზედ ექვსჯერ გამოვარდე ჩემპიონთა ლიგის მერვედფინალიდან, ყველაზე მტკივნეული კი ალბათ "მონაკოსთან" მარცხი იყო, როდესაც "მეთოფეებს" იდეალური შესაძლებლობა მიეცათ, მაგრამ ვერ გამოიყენეს. დანარჩენ ხუთ შემთხვევაში კი "არსენალს" უბრალოდ არ გაუმართლა - სამჯერ "ბარსელონა", ორჯერ "ბაიერნი" და ახლა ისევ მიუნხენური გრანდი. მიუხედავად ამისა, ამ ტურნირზე სწორედ დიდ გუნდებს უნდა ებრძოლო და როდესაც ამ ბარიერს ვერ ლახავ, ესეიგი ჩემპიონობისთვის მზად არ ხარ. ვენგერი შესაძლოა კვლავ ისეთივე ლეგენდარული პერსონა იყოს, როგორც წლების წინ, მაგრამ მისი მენტალიტეტი ნამდვილად შეიცვალა და შესუსტდა.

კარლო ანჩელოტის შემთხვევაში კი ყველაფერი პირიქით არის, რადგან მან რამდენიმე ტოპ-კლუბში იმუშავა და ყველგან წარმატებას მიაღწია. მადრიდის "რეალთან" ერთად მოგებულმა ჩემპიონთა ლიგამ კი მას დამატებითი ენერგია და თვითრწმენა შემატა. ვენგერისგან განსხვავებით, ის ნამდვილი გამარჯვებულია, რომელსაც ევროპის ყველაზე პრესტიჟული საკლუბო ტურნირი სამჯერ აქვს მოგებული. ამ მხრივ, რა თქმა უნდა, უპირატესობა იტალიელის მხარესაა, რომელსაც უდავოდ ჩემპიონის მენტალიტეტი აქვს და ვენგერს ამ თვალსაზრისით სერიოზულად აღემატება.

ვინ უფრო კარგ მდგომარეობაშია?

ერთი შეხედვით, კარლო ანჩელოტის საკმაოდ რთული მისია აქვს, რადგან თუ დღეს მისი გუნდი სუსტად ითამაშებს და შედეგს ვერ დადებს, კრიტიკა გაძლიერდება, უფრო სერიოზული გახდება და იტალიელის წინააღმდეგ მაყურებელს, პრესას ძლიერი არგუმენტები ექნება. თუმცა მოდი ამ საკითხს უფრო დეტალურად ჩავწვდეთ. რა მოხდება თუ "რეკორდმაისტერი" "არსენალს" დამაჯერებლად, კარგი თამაშის ფონზე, დაამარცხებს? ყველა ერთხმად აღიარებს, რომ "ბაიერნი" მართლაც ჩემპიონთა ლიგის მოგებისთვის იბრძვის და კარლო გენიოსია, რომელიც ბუნდესლიგაში უბრალოდ ასკინკილით მიიწევს წინ. გამარჯვების მოსაპოვებლად კი "რეკორდმაისტერს" მშვენიერი შანსი აქვს. მიუნხენურ კლუბს უჭირს ისეთი გუნდების წინააღმდეგ, რომლებიც დროის დიდ ნაწილს საკუთარ საჯარიმოში ატარებენ და უკნიდან მოქმედებენ, "არსენალი" კი სრულიად საპირისპირო სტილის გუნდია, რომელიც "ბაიერნს" თავისუფლად თამაშის საშუალებას მისცემს. ასე, რომ ანჩელოტის კიდევ ერთი ისეთი მატჩი სჭირდება, როგორიც წლის ბოლოს იყო "ლაიფციგთან" და სიტუაცია რადიკალურად შეიცვლება - პრესა დაშოშმინდება, ქომაგები ბედიერები იქნებიან, კარლო კი თავის სამუშაოს მშვიდად გააგრძელებს.

არსენ ვენგერზე შედარებით ნაკლები ზეწოლა ხორციელდება, ამიტომ ფრანგი უდავოდ უკეთეს მდგომარეობაშია. თუ "არსენალი" მიუნხენურ კლუბს ბოლო-ბოლო დაამარცხებს, ეს დიდებული წარმატება იქნება და ფრანგი რწმენას დაიბრუნებს, წინააღმდეგ შემთხვევაში კი ახალი არაფერი მოხდება და "მეთოფეები" ცხოვრებას გააგრძელებენ. ასე, რომ ცუდ სიტუაციაში არცერთი მათგანი არ არის, მაგრამ უფრო მეტი კარლო ანჩელოტის მოეთხოვება, რომელსაც ბეწვის ხიდზე უწევს გავლა, რომლის ბოლოშიც საკმაოდ მშვიდი გარემოა, ქვევით კი - ხმაურიანი ტალღები.

საერთო ჯამში კი შეიძლება ითქვას, რომ ანჩელოტიც და ვენგერის გენიალური სპეციალისტები არიან. რა თქმა უნდა, იტალიელმა უფრო მეტს მიაღწია და უფრო მაღალ დონეზე დგას, მაგრამ ვენგერის ღვაწლიც იმსახურებს დაფასებას. დღეისათვის ვინ უფრო ძლიერი აღმოჩნდება ამას საღამოს გავიგებთ, როდესაც "მიუნხენ არენაზე" უკვე მონატრებული ჩემპიონთა ლიგის უნიკალური ჰიმნი აჟღერდება.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
zaza asanidze
zaza asanidze | 15 თებერვალი 2017 15:37
პაპა კარლო მე ჯერა შენი მსოფლიოში საუკეთესო მწვრთნელი ხარ და იქნები alonso2
Guest Mapa T.Dig
Guest Mapa T.Dig | 16 აპრილი 2017 04:33
He stands out in any group of people.
ремонт холодильников
Not bad , I would say. Has anybody ever interrupted your speech?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა