...

რა კუთხით აქვს სამუშაო კარლო ანჩელოტის?

ახალი 2016/17 წლების სეზონი სულ რაღაც ორი თვეა დაიწყო, მიუნხენის "ბაიერნმა" ახალი მთავარი მწვრთნელის ხელმძღვანელობით ჯერ მხოლოდ ათი ოფიციალური თამაში ჩაატარა, ამიტომ რაიმე სერიოზული დასკვნების გამოტანა და კარლო ანჩელოტის სამუშაოს ანალიზი - ძალიან ნაადრევი და არასწორია. თუმცა, სექტემბრის გადატვირთული თვე მშვენიერი ტესტი გამოდგა, რათა იტალიელ სპეციალისტს თავისი მუშაობის პირველი შედეგები დაენახა და შეეფასებინა სწორ გზას დაადგა თუ არა.

სეზონის სტარტი კლუბის ისტორიაში საუკეთესო იყო - რვიდან რვა გამარჯვება, მხოლოდ ერთი გაშვებული გოლი და საკმაოდ კარგი ატმოსფერო. თუმცა, სანაკრებო პაუზამდე "ბაიერნმა" ორი თამაში ჩაატარა, რომელმაც განწყობა გააფუჭა. "რეკორდმაისტერი" ჯერ "ვისენტე კალდერონზე", ჩემპიონთა ლიგის ჯგუფური ეტაპის ეგიდით, "ატლეტიკოსთან" დამარცხდა, შემდეგ კი საკუთარ მოედანზე "კიოლნთან" ფრედ ითამაშა და ბუნდესლიგაში პირველი ქულებიც დაკარგა. ამ შედეგებმა კი კრიტიკოსებს გაუხსნა პირი, მაგრამ დაიწყო შესვენება და "ბაიერნის" მოთამაშეებიც ცოტა გულს გადააყოლებენ.

როგორც უკვე აღვნიშნეთ, პირველი ორი არასრული თვის შემდეგ რაიმე სერიოზული დასკვნების გამოტანა შეუძლებელია, მაგრამ "ბაიერნმა" წინ ნელ-ნელა უნდა იაროს, შესაბამისად გუნდის თამაშიც ეტაპობრივად უნდა გაუმჯობესდეს. სწორედ ამიტომ, Bayern.ge გთავაზობთ საინტერესო სტატიას, სადაც წარმოგიდგენთ იმ მთავარ პრობლემებს, რომლებიც ანჩელოტის გუნდს აქამდე ჰქონდა და რაზეც იტალიელმა სპეციალისტმა აუცილებლად უნდა იმუშავოს.

არადამაჯერებელი თამაში
მიუნხენურმა კლუბმა პირველი ათი თამაშიდან რვა მოიგო, მაგრამ მხოლოდ ორ შეხვედრაში (შინ ბრემენის "ვერდერთან" 6:0 და შინ ბერლინის "ჰერტასთან" 3:0) ფლობდა სრულ უპირატესობას და დომინირებდა მთელი 90 წუთის განმავლობაში. დანარჩენ შეხვედრებში კი "ბაიერნმა" მეტოქეებს საკმაოდ ბევრის უფლება მისცა. დორტმუნდის "ბორუსიასთან" და მადრიდის "ატლეტიკოსთან" დაძაბული, თანაბარი დაპირისპირება გასაკვირი სულაც არ არის, მაგრამ როდესაც "შალკე", "ინგოლშტადტი", "ჰამბურგი" და "კიოლნი" თანაბრად, ლაღად გეთამაშებიან და სერიოზულ პრობლემებს გიქმნიან, ეს უკვე საგანგაშოა. ისე, როგორც გელზენკირხენში, "ინგოლშტადტთან" საშინაო შეხვედრაშიც მანუელ ნოიერი თამაშში არა ერთხელ ჩაერთო და საკუთარი გუნდი რეალური საფრთხისგან იხსნა. მსგავსი რამ იუპ ჰაინკესისა და პეპ გვარდიოლას დროს ძალიან იშვიათად ხდებოდა, მით უმეტეს საშუალო ან უფრო დაბალი დონის გუნდებთან.

კარლო ანჩელოტის გუნდის თამაშები ძალიან კარგი სანახავი და მომხიბვლელია, მაგრამ მხოლოდ ნეიტრალური ქომაგებისთვის. "ბაიერნი", რომელიც ახლა არასრულყოფილი, ჩამოუყალიბებელი ფილოსოფიით თამაშობს, ნებისმიერი მეტოქისათვის მისაღები კონკურენტია. მოწინააღმდეგეებს აქვთ ბურთ და აქვთ თავისუფალი ზონები, რათა შეტევები აწარმოონ. "ბაიერნმა" ახალ სეზონში ჯერ მხოლოდ ორი დამაჯერებელი გამარჯვება მოიპოვა, როდესაც მეტოქეს არანაირი შანსი არ ჰქონია. საჭიროა უფრო მეტი დამაჯერებლობა და დომინირება მოედანზე, რათა ბიჭებმა ძალები შეინახონ და ე.წ. "ეკოონომ რეჟიმში" თამაში ყოველთვის დამღუპველი არ იყოს.

ჩამოუყალიბებელი დაცვის ცენტრი
მიუნხენის "ბაიერნმა" ახალ სეზონში ჩატარებულ ათ შეხვედრაში მხოლოდ სამი გოლი გაუშვა, მაგრამ ეს უფრო მეტად მანუელ ნოიერის დამსახურებაა, ვიდრე ცენტრალური მცველების. მიუხედავად იმისა, რომ ხავი მარტინესი სეზონის სტარტზე შთამბეჭდავად გამოიყურება, მაგრამ დაცვის ცენტრში ჯერ კიდევ დიდი გაურკვევლობაა. როდესაც კლუბმა მატს ჰუმელსი დაიბრუნა, ეჭვი არავის ეპარებოდა, რომ ანჩელოტის დაცვაში დიდებული ოთხეული ეყოლებოდა: ლამი-ჰუმელსი-ბოატენგი-ალაბა. თუმცა, ჯერჯერობით ფლანგებზე ყველაფერი წესრიგშია, ცენტრი კი კვლავ ჩამოუყალიბებელია. ჟერომ ბოატენგს პირველი კვირეები ტრავმის გამო გაუცდა და დაბრუნების შემდეგაც დაზიანება აწუხებდა, რადგან 90 წუთი თამაში უჭირდა. მატს ჰუმელსი კი ჯერ კიდევ არ არის ოპტიმალურ ფორმაში, ამიტომ მისი თანდემი ხავი მარტინესთან არც ისე შთამბეჭდავად გამოიყურება. თამაშების უმეტესობა ანჩელოტიმ სწორედ ამ დაცვის ცენტრით დაიწყო და აშკარაა, რომ ესპანელი და გერმანელი შეთამაშებულნი არ არიან.

სანაკრებო პაუზის შემდეგ, წესითა და რიგით, უნდა ჩამოყალიბდეს ბოატენგისა და ჰუმელსის ნანატრი დუეტი, რომელიც წითელი მაისურით ჯერ არ გვინახავს საქმეში. ისინი სწორედ იმ ტიპის ცენტრალური მცველები არიან, რომლებიც პეპ გვარდიოლას გაწვრთნილ გუნდს იდეალურად მოერგებიან. "ბაიერნის" ხასიათში გრძელი ვერტიკალურ-ჰორიზონტალური გადაცემები ყოველთვის იჯდა, ჰუმელსი და ბოატენგი კი ამის ნამდვილი ოსტატები არიან. თეორიულად მიუნხენურ გუნდს მსოფლიოში ერთ-ერთი საუკეთესო დაცვის ცენტრი ჰყავს, პრაქტიკულად კი - დაულაგებელი და არასტაბილური. თუმცა, ამ შემთხვევაში, ანჩელოტისადმი პრეტენზიები მოკრძალებულია, რადგან მას ამ თანდემის შექმნაში მოთამაშეების ჯანმრთელობა უშლიდა ხელს.

მოშლილი ცენტრი
ამ ეტაპზე "ბაიერნის" ერთ-ერთი მთავარი პრობლემა ნახევარდაცვის ცენტრია და ამაში დასარწმუნებლად მადრიდის "ატლეტიკოსთან" თამაში იდეალური მაგალითია. გოლი, რომელიც მიუნხენელებმა მადრიდში გაუშვეს, სწორედ იმ ცენტრის ჩავარდნის ბრალია, რომელიც სრულიად მოშლილია. შეიძლება ითქვას, რომ "ბაიერნი" ახალ სეზონში ცენტრის გარეშე თამაშობს. ბურთის ტოტალური კონტროლი უკვე წარსულს ჩაბარდა, პრესინგიც იშვიათია, მეტოქეები კი ჩვენს ნახევარზე უპრობლემოდ გადმოდიან, შეტევებსაც ლაღად აწარმოებენ. მაშ რას აკეთებენ საყრდენი ნახევარმცველები? მეტოქის მაღალი პრესინგის დროს დაცვის ცენტრს ეხმარებიან, ბურთის ფლობის დროს კი შემტევებს. ეს პოზიციური, შეიძლება ითქვას, შავი სამუშაოა, რომელიც აუცილებელია, მაგრამ ჯოშუა კიმიხის გარდა "ბაიერნის" ცენტრალურ ნახევარმცველებს უბრალოდ სძინავთ.

ხაბი ალონსო, მიუხედავად მაღალი კლასისა და უნიკალური მოედნის ხედვისა, "ბაიერნის" თამაშს სერიოზულად აფერხებს, არტურო ვიდალი საერთოდ ჩაკარგულია, ტიაგო ალკანტარა კი უჩვეულო პოზიციაზე მოქმედებს. რენატო სანჩეში ჯერ ახალბედაა და ბევრს ვერაფერს მოვთხოვთ, კიმიხი კი უდავოდ ნათელი წერტილია, რომელიც შავ სამუშაოსაც ასრულებს და ცენტრში თავის მოვალეობასაც. თუმცა, 21 წლის გერმანელი სასტარტო შემადგენლობის წევრად ჯერ მაინც არ განიხილება.

კარლო ანჩელოტის "მილანი", რომელიც წლების განმავლობაში ევროპის ერთ-ერთი უძლიერესი და ძალიან მიმზიდველი გუნდი იყო, ცენტრში ნამდვილი გიჟური თამაშით გამოირჩეოდა. ნებისმიერ მეტოქეს უჭირდა ბურთის მარტივად გაკონტროლება და მეტოქის ნახევარზე ლაღად მოქმედება. თუმცა, "ბაიერნში" იტალიელმა ჯერ ვერ შეარჩია ოპტიმალური ვარიანტი. ფაქტია, რომ ტიაგო-ალონსო-ვიდალის ტრიო თამაშიდან ამოვარდნილია. საჭიროა რაიმე რადიკალური ზომების მიღება ან უბრალოდ სხვა სისტემის მოფიქრება, რომელიც ცენტრს გააჯანსაღებს და ჩვეულ რითმში აამოქმედებს.

ტიაგოს როლი
მიუნხენური გრანდის რიგებში ევროპაში ერთ-ერთი ყველაზე თანამედროვე და დახვეწილი ცენტრალური ნახევარმცველი, ტიაგო ალკანტარა, ირიცხება, რომლის შესაძლებლობებსაც კარლო ანჩელოტი ჯერ ვერ იყენებს. ფაქტია, რომ კრეატიული ესპანელი, რომელსაც დიდებული ტექნიკა, მოედნის ხედვა, სხარტი აზროვნება და გამოზომილი პასი აქვს, არ თამაშობს თავის პოზიციაზე. ალკანტარა უფრო არის საყრდენი, ვიდრე შემოქმედი. გვარდიოლას დროს ტიაგო დროის უდიდეს ნაწილს მეტოქის ნახევარზე, ცენტრალური თავდამსხმელის უკან ატარებდა, ახლა კი უფრო უკნიდან მოქმედებს, რაც მისთვის სრულიად უჩვეულოა.

როგორც ჯოშუა კიმიხმა აღნიშნა, "ბაიერნი", ანჩელოტის ხელში, უფრო ფრთხილად თამაშობს, მაგრამ ტიაგოს ასეთი როლი მეტისმეტია. ის არ არის შავი სამუშაოს ფეხბურთელი, ალკანტარას სრული თავისუფლება და ბურთი სჭირდება. ეს კატალონიელი ბიჭუნა, რომელსაც მეტოქეების საჯარიმოში დაყენებული "ორსართულინი ავტობუსების" დანგრევაც კი შეუძლია, "ბაიერნს" შეტევაში სჭირდება და არა დაცვაში, რაც სეზონის სტარტზე კარგად გამოჩნდა. "რეკორდმაისტერს" წინა თამაშებში ცენტრიდან შეტევების ორგანიზება ძალიან უჭირდა და ამის ერთ-ერთი მიზეზი ტიაგოს არასწორი როლია.

კარლო ანჩელოტის ხელწერა
როგორც უკვე აღვნიშნეთ, "ბაიერნმა" ამ სეზონში ორი უნაკლო გამარჯვება მოიპოვა და პლიუს "როსტოვთან" საშინაო შეხვედრა, რომელიც გუნდმა 5:0 მოიგო. "ვერდერისა" და რუსული კლუბის წინააღმდეგ, მიუნხენელებმა ფლანგები აქტიურად დატვირთვეს და გოლების დიდი ნაწილი სწორედ ჩაწოდებების შემდეგ გავიდა. ამის დანახვაზე ალბათ ბევრს გაახსენდა იუპ ჰაინკესის ტრიუმფალური გუნდი, რომელიც ფრთებს უნაკლოდ იყენებდა. "ჰერტასთან" საშინაო შეხვედრაში კი მოედანზე პეპ გვარდიოლას "ბაიერნი" იყო, რომელმაც ბურთი თავიდანვე დაიჭირა და მეტოქეს ძალიან ბევრი არბენინა. დანარჩენი შეხვედრები კი იყო ქაოტური და "რეკორდმაისტერი" ერთ კონკრეტული ფილოსოფიას არ მისდევდა. ასე, რომ კარლო ანჩელოტის ხელი გუნდს ჯერ სრულიად არ ეტყობა, რაც ათი თამაშის შემდეგ ალბათ არც ისე საგანგაშოა, მაგრამ მაინც აღსანიშნავი. იტალიელმა სეზონის დაწყებამდე აღნიშნა, რომ ბევრი ცვლილების განხორციელებას არ აპირებდა, რაც სავსებით მისაღები და ლოგიკურია.

იმედი ვიქონიოთ, რომ ამ სანაკრებო პაუზის შემდეგ "ბაიერნის" თამაში უფრო მეტი ანჩელოტისეული დეტალი იქნება და უფრო მკაფიოდ დავინახავთ განსხვავებას მის და გვარდიოლას ფილოსოფიას შორის. ერთი მხრივ, კარლო ისეთივე თავისუფალი და პრაგმატული ფეხბურთის მოყვარულია, როგორც იუპ ჰაინკესი, მეორე მხრივ "ბაიერნმა" ბოლო სამი წლის განმავლობაში სრული რევოლუცია განიცადა და ტექნიკურ-ტაქტიკური თვალსაზრისით ახალ დონეზე ავიდა. შესაბამისად, მას გარკვეული დრო სჭირდება და იმედია, ნელ-ნელა "ბაიერნში" თავის იდეებსაც დანერგავს. მას უდიდესი გამოცდილება აქვს და ზუსტად იცის თუ როგორ შეიყვანოს გუნდი საუკეთესო ფორმაში სეზონის ყველაზე მნიშვნელოვანი ნაწილისთვის, რომელიც ჯერ კიდევ შორს არის.

მოამზადა დავით მაღრაძემ, სპეციალურად Bayern.ge-სთვის
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა