...

პრევიუ: გერმანია - ჩეხეთი

დღეს მსოფლიო ჩემპიონატის ევროპის ზონის შესარჩევი ეტაპის მეორე ტურის დასკვნითი მატჩები გაიმართება. თავის შეხვედრას იოახიმ ლიოვის გერმანიის ეროვნული ნაკრებიც ჩაატარებს. "ბუნდესნაკრები" ჰამბურგში ჩეხებს დაუპირისპირდება.

გერმანია - ჩეხეთი

ჩემპიონატი: მსოფლიო ჩემპიონატის შესარჩევი ეტაპი, III ტური
თარიღი: 22:45 საათი, 8 ოქტომბერი
სტადიონი: ვოლკსპარკშტადიონი, ჰამბურგი
მთავარი მსაჯი: ოვიდიუ ჰატეგანი (რუმინეთი)
პირდაპირი ტრანსლიაცია: Матч ТВ

გუნდების წინასამატჩო მდგომარეობა
პირველი საშემოდგომო პაუზის დროს გერმანიის ნაკრებმა ორი მატჩი ჩაატარა და ორივე მარტივად, დამაჯერებელი ანგარიშით მოიგო. "ბუნდესნაკრებმა" მსოფლიო ჩემპიონატის საკვალიფიკაციო ეტაპი ნორვეგიის სტუმრად 3:0 დამარცხებით დაიწყო. იმ შეხვედრაში დიდებულად იასპარეზა ტომას მიულერმა, უნიჭიერესმა ჯოშუა კიმიხმა კი სადებიუტო გოლი გაიტანა. 21 წლის უნივერსალური ტალანტი საუცხოო ფორმაშია და "ბაიერნის" მაისურითაც ბრწყინავს. ჯოშუა დღეს, სავარაუდოდ, მარჯვენა მცველის პოზიციაზე იმოქმედებს და სასტარტო შემადგენლობაში იქნება. შეხვედრის წინ ლიოვმა განაცხადა, რომ ტონი კროოსი და სემი ხედირა ძირითადში დაიწყებენ, რაც სავსებით ლოგიკურია. გერმანიის ნაკრების მთავარი პრობლემა კვლავ ცენტრალური თავდამსხმელის არყოლაა, ამჯერად ლიოვს ნომინალური ცხრიანიც კი არ ჰყავს გამოცხადებული. ტომას მიულერი ფლანგზე ითამაშებს, წინ კი მარიო გიოტცე ან კევინ ფოლანდი იმოქმედებენ. სიურპრიზები ნაკლებად არის მოსალოდნელი, მაგრამ "ბუნდესთიმს" რამდენიმე ნიჭიერი მოთამაშე ჰყავს, რომელთა ხილვაც საინტერესო იქნებოდა. მაგალითად, მაქს მაიერი, იულიან ვაიგლი და იულიან ბრანდტი.

წინა ორ შეხვედრაში ჩეხეთის ნაკრებმაც კარი მშრალად შეინახა, მაგრამ შესარჩევი ციკლი ჩრდილოეთ ირლანდიასთან რთული შეხვედრით დაიწყო, რომელიც ფრედ 0:0 დასრულდა. ეროვნულ ნაკრებს ახალი მთავარი მწვრთნელი ჰყავს, კარელ იაროლიმი, რომელიც უფრო პრაგმატული ფეხბურთის მოყვარულია, ამიტომ დღეს ჩეხები მაქსიმალურ სიფრთხილეს გამოიჩინენ და სავარაუდოდ, დაცვაში ღრმად ჩაჯდებიან. ტომაშ როსიცკიმ სანაკრებო კარიერა უკვე დაასრულა, მაგრამ ჩეხეთს საკმაოდ კარგი გუნდი ჰყავს, რამდენიმე ჩინებულ ფორმაში მყოფი მოთამაშით. ძალიან კარგი და ნიჭიერი შემტევია 24 წლის ლადისლავ კრეიჩი, აგრეთვე, გამოსარჩევია განაპირა მცველი, თეოდორ გებრე სელასიე და თავდამსხმელი ვაცლავ კადლეცი. თუმცა, იაროლიმის გუნდს ერთ-ერთი ლიდერი, ბერლინის "ჰერატს" ცენტრალური ნახევარმცველი, ვალდიმერ დარიდა აკლია, რომელმაც ტერფის დაზიანება მიიღო და ეს საკმაოდ სერიოზული დანაკლისი იქნება. ჩეხეთის ნაკრები კლასიკური 4-4-2 ტაქტიკით თამაშობს, მაგრამ გერმანელებთან უფრო ფრთხილი, 4-2-3-1 სქემით თამაშია მოსალოდნელი.

მიუხედავად იმისა, რომ ჩეხეთი საკმაოდ ორგანიზებული და კარგი გუნდია, მშვენიერი დაცვის ხაზით, გერმანიის ნაკრები ფავორიტია და ალბათ მორიგ სამ ქულას მოიპოვებს. ოახიმ ლიოვის გუნდს, ევროპის ჩემპიონატის საკვალიფიკაციო ეტაპის მსგავსად, ქულების გაფლანგვის უფლება აღარ აქვს.

სავარაუდო შემადგენლობები
გერმანია: ნოიერი - კიმიხი, ბოატენგი, ჰუმელსი, ექტორი - ხედირა, კროოსი - მიულერი, იოზილი, დრაქსლერი - გიოტცე.

ჩეხეთი: ვაცლიკი - გებრე სელასიე, სივოკი, სუხი, კადრჟაბეკი - სკალაკი, პაველკა - შიკორა, დოცკალი, კრეიჩი - შიკი.

საინტერესო ფაქტები
  • გერმანიისა და ჩეხეთის ეროვნული ნაკრებები აქამდე ერთმანეთს 12-ჯერ დაუპირისპირდნენ, მაგრამ ეს მათი პირველი შეხვედრა იქნება 2007 წლის შემდეგ.

  • 2007 წლის 17 ოქტომბერს, როდესაც ეს გუნდები ერთმანეთს ბოლოჯერ შეხვდნენ, ევროპის ჩემპიონატის შესარჩევი ეტაპის ეგიდით, იოახიმ ლიოვის გუნდმა მიუნხენში ჩეხეთის ნაკრებთან 0:3 წააგო. მანამდე კი გერმანელებმა პრაღაში 2:1 იმარჯვეს.

  • სამი წლით ადრე, 2004 წლის ევროპის ჩემპიონათზე, ჯგუფური ეტაპის მესამე ტურში, ჩეხეთის ნაკრებმა გერმანია გადახალისებული შემადგენლობით 2:1 დაამარცხა და ჯგუფში ჩატოვა.

  • თუმცა, ამ გუნდების მთავარი დაპირისპირება 1996 წლის ევრო პირველობაზე გაიმართა. "ბუნდესნაკრებმა" ჩეხეთი ჯერ ჯგუფურ ეტაპზე დაამარცხა - 2:0. შემდეგ კი მათი გზები ფინალში გადაიკვეთა. ძირითადი დრო ფრედ 1:1 დასრულდა, დამატებით დროში კი "ოქროს გოლი" ოლივერ ბირხოფმა შეაგდო და გერმანიას ევროპის ჩემპიონის ტიტული მოუპოვა.

  • მსოფლიო ჩემპიონატის საკვალიფიკაციო ეტაპზე გერმანიის ეროვნულ ნაკრებს ისტორიაში ერთადერთი თამაში აქვს წაგებული (37მ, 11ფ). ეს 2001 წლის 1 სექტემბერს მოხდა, როდესაც "ბუნდესთიმი" მიუნხენში ინგლისის ნაკრებთან სამარცხვინოდ დამარცხდა - 1:5.

  • იოახიმ ლიოვის გუნდს მუნდიალის შესარჩევ ციკლში ზედიზედ შვიდი თამაში აქვს მოგებული, ბურთების შეფარდებით - 24:4.

  • ჩეხეთის ნაკრებს მსოფლიო ჩემპიონატის საკვალიფიკაციო ეტაპის ბოლო რვა გასვლითი თამაშიდან მხოლოდ ერთი აქვს წაგებული (4მ, 3ფ), ეგეც იტალიასთან 1:2.

მწვრთნელების წინასამატჩო კომენტარები
იოახიმ ლიოვი: "ჩეხეთის ნაკრები თავს კარგად იცავს და კონტრშეტევებზეც ძალიან სახიფათოა. ამიტომ, ძალიან მნიშვნელოვანი იქნება მოთმინება და ეფექტურობა. შესაძლოა თავიდანვე ვერ დავწინაურდეთ, მაგრამ თამაშზე კონტროლი არ უნდა დავკარგოთ და შეტევები გავაგრძელოთ".

კარელ იაროლიმი: "ვთამაშობთ იმ გუნდის წინააღმდეგ, რომელიც მხოლოდ განსაკუთრებული გარემოებების ფონზე თუ დამარცხდება. ჩვენ მცირე სასწაულის იმედი გვაქვს".скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ გერმანიის ნაკრები
მსგავსი სიახლეები
კომენტარები
Olga Y.neump
Olga Y.neump | 1 ოქტომბერი 2017 11:33
Публикующий верен делу, перспективная мысль сюжета, хотя я бы рекомендовал здесь обратиться к Каширская BELTRATTO мастер холодильник
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა