...

ჰერტა 1:1 ბაიერნი - მატჩის ანალიზი

ტრადიციულად, ყოველი თამაშის შემდეგ, გთავაზობთ დეტალურ განხილვასა და შეხვედრის ანალიზს. "ბაიერნმა" გუშინ ბერლინში იასპარეზა და ბოლო წუთზე გატანილი გოლით ქულა მოიპოვა - 1:1.

მატჩის მსვლელობა

პირველ რიგში აღსანიშნავია, რომ კარლო ანჩელოტიმ როტაციას მიმართა და სამი ცვლილება განახორციელა. მარცხენა ფრთაზე დავიდ ალაბა ხუან ბერნატმა შეცვალა, ავსტრიელი კი ცენტრში ხავი მარტინესის მაგივრად დადგა. ცენტრში ხაბი ალონსო იოზუა კიმიხმა და აგრეთვე, რობერტ ლევანდოვსკის მიეცა დასვენების საშუალება. პოლონელის ადგილი თომას მიულერმა დაიკავა. შეხვედრა ბერლინელებმა საკმაოდ აქტიურად, აგრესიულად დაიწყეს და თავიდანვე დაგვანახეს, რომ მარტივად "ბაიერნს" არაფერს გაატანდნენ. 21-ე წუთზე კი მიუნხენურმა კლუბმა მიმდინარე სეზონში სტანდარტულიდან მხოლოდ მეორე გოლი გაუშვა. მარვინ პლატენჰარდტმა საჯარიმოში ჩააწოდა, იქ კი ვედად იბიშევიჩი მიულერს გაექცა, ბურთზე პირველმა ითამაშა და მანუელ ნოიერის კარიც აიღო - 1:0! დედაქალაქელების 500-ზე მეტ წუთიანი მშრალი სერია "ბაიერნთან" ბოსნიელმა ფორვარდმა შეწყვიტა.


გაშვებული ბურთის შემდეგ სტუმრებმა ტერიტორიული უპირატესობა მოიპოვეს, მაგრამ ვერაფერს ქმნიდნენ. "ბაიერნი" მოედანზე უფრო დადიოდა, ვიდრე დარბოდა. შესაძლოა მხოლოდ ჰუმელსის თავურისა და რობენის დარტყმის გამოყოფა, მაგრამ ორივეჯერ "ჰერტას" მეკარემ, რენე იარსტეინმა, ბურთი ხელებში მარტივად დაიჭირა. შესვენების შემდეგაც არაფერი შეცვლილა, ვინაიდან "რეკორდმაისტერი" ტემპს არ უმატებდა. სამაგიეროდ სტუმრები წინ წავიდნენ და კონტრშეტევები გამოეპარათ. სოლომონ კალუს გარღვევის შემდეგ ჰარაგუჩი ჩინებულ პოზიციაზე დარჩა, მაგრამ დარტყა არ გამოუვიდა. "ბაიერნი" კი ნელ-ნელა შეტევებს ამწვავებდა, მაგრამ თავიდან რობენისა და ტიაგოს მსგავსი დარტყმები იყო, რომლებიც იარსტეინმა მარტივად უგულებელვყო. მოგვიანებით თამაშში ხაბი ალონსო, რობერტ ლევანდოვსკი და კინგსლი კომანი ჩაერთვნენ. ბოლოსკენ ალაბას საჯარიმო გამოდგა ძალიან სახიფათო და იარსტეინმა პირველი სერიოზული სეივი განახორციელა. ამას კი უკვე "Carlo time" მოჰყვა.

მატჩის მთავარმა არბიტრმა ხუთი წუთი დაამატა, რადგან "ჰერტამ" ორი ცვლილება განახორციელა და კიდევ დროის გაყვანას ცდილობდა. სწორედ ბოლო წამებზე კომანი მარცხენა ფრთაზე გაიჭრა და ახალგაზრდა ფრანგი პეკარიკმა წააქცია. უკვე მეექვსე წუთი დაიწყო, მაგრამ "ბაიერნს" საჯარიმო უნდა შეესრულებინა. ტიაგომ საჯარიმოში თავისუფლად მყოფი რობენი დაინახა და მალევე ჩაუწოდა, ჰოლანდიელის დარტყმა მასპინძლებს მოხვდათ, მაგრამ დამატებაზე რობერტ ლევანდოვსკიმ ივაჟკაცა და "რეკორდმაისტერმა" ქულა კვლავ დამატებით დროში მოიპოვა. ეს უკვე ხუმრობა არ არის და შეიძლება ითქვას, რომ ანჩელოტის უყვარს ბოლოს ემოციური მომენტებით დატკბობა.


მსაჯის საფინალო სასტვენის შემდეგ მინდორზე ვითარება ძალიან დაიძაბა, რადგან ყველა ყველას ეჩხუბებოდა - ალონსო იარსტეინს, პლატენჰარდტი ალონსოს, ნოიერი იბიშევიჩს, დარდაი მსაჯებს და ანჩელოტი "ჰერტას" ფანებს, მაგრამ ამაზე ცოტა მოგვიანებით. ფაქტია, რომ "ბაიერნმა" მორიგი სუსტი თამაში ჩაატარა და ბუნდესლიგაში ნახევარი ძალებით თამაშს აგრძელებს.

სეზონის ერთ-ერთი ყველაზე ცუდი თამაში

მიუნხენურმა კლუბმა ასეთ მძიმე და დაძაბულ შეხვედრებს მიგვაჩვია, მაგრამ ბერლინში სრული კატასტროფა იყო, რადგან რეალურად "ბაიერნი" ფეხბურთს არ თამაშობდა. "რეკორდმაისტერის" მოთამაშეები მინდორზე უბრალოდ დასეირნობდნენ, არ იგრძნობოდა არანაირი სურვილი, არანაირი ტემპი, კრეატივი და შთაბეჭდილება დარჩა, რომ "არსენალთა" დიდი გამარჯვების შემდეგ უბრალოდ ისვენებენ. რა თქმა უნდა, მატჩის ბოლო წუთებში გუნდმა მოუმატა, მაგრამ ისევე როგორც ფრაიბურგში უფრო გაუმართლა, ვიდრე დასაჩუქრდა. ნამდვილად ვერ ვიტყვით, რომ "ბაიერნმა" ბოლო წუთებში ნამდვილი შტურმი განახორციელა და ამის წყალობით მიზანს მიაღწია. ასე სულაც არ ყოფილა, უბრალოდ მიუნხენელებმა ბოლომდე იბრძოლეს, რაც აუცილებლად აღსანიშნავია და თავისი კბილებით გაიტანეს.

მიუხედავად ამისა, მთელი 90 წუთის განმავლობაში, კარლო ანჩელოტის გუნდს რეალური, რასაც ქვია ასპროცენტიანი საგოლე მომენტი არ შეუქმნია. ასეთი რამ ამ სეზონში მოხდა? არა, ეს პირველი შემთხვევაა, როდესაც "ბაიერნი" მინდორზე, სათამაშო თვალსაზრისით, ასე უმწეოდ გამოიურებოდა. ეროვნულ ჩემპიონატში ყველაზე პასიური თამაშები გუნდმა დორტმუნდში, დარმშტადტსა და ფრაიბურგში ჩაატარა. თუმცა "ბორუსიასთან" მეორე ნახევარი საკმაოდ სოლიდური იყო და ზეწოლა ნამდვილად იგრძნობოდა, ამას ხაბი ალონსოს დარტყმულის შემდეგ ხარიხაც დავუმატოთ; ფრაიბურგში სტუმრებს შანსი პირველ ნახევარში საკმაოდ ჰქონდათ; აი "დარმშტადტთან" გასვლით მატჩს კი ნამდვილად წააგავს გუშინდელი შეხვედრა, უბრალოდ იქ "რეკორდმაისტერმა" კლასის ხარჯზე უფრო მოიგო, ვიდრე იღბალის. ახლა კი პირიქითაა - უფრო იღბალი, ვიდრე კლასი. ასე, რომ თამამად შეიძლება ითქვას - ეს "ბაიერნის" ყველაზე ცუდი თამაში იყო ბუნდესლიგის მიმდინარე კამპანიაში!

მატჩის გმირი

გამომდინარე იქიდან, რომ "ბაიერნის" თამაშში გასარჩევი ბევრი არაფერია, უმჯობესი იქნება თუ ბერლინის "ჰერტას" ერთ-ერთ საუკეთესო მოთამაშეს და გერმანული ფეხბურთის ამომავალ ვარსკვლავს შევაქებთ, რომელიც გუშინ მართლაც ფენომენალურად გამოიყურება. დედაქალაქურ კლუბს ჰყავს საკუთარი სტარი და ის არის ნიკლას შტარკი...ამ 22 წლის უკანა ხაზელმა ბრწყინვალე თამაში ჩაატარა და დაამტკიცა, რომ მართლაც საკმაოდ ნიჭიერი ფეხბურთელია. შტარკმა უდიდესი სამუშაო შეასრულა, მოედნის ცენტრში არტურო ვიდალსა და იოზუა კიმიხს არაფერი დაუთმო და საოცარი მონდომებით ითამაშა. ნიკლასმა ათი ორთაბრძოლა მოიგო და მართლაც გამორჩეული ფიგურა იყო. ის გამოკვეთილი ჩამშლელის პოზიციაზე მოქმედებდა, ამიტომ შესაძლოა ხშირად არ ჩანდა, მაგრამ ძალიან დიდ სამუშაოს ასრულებდა, რომელიც ბერლინურ კლუბს "ბაიერნის" სრულიად განეიტრალებაში დაეხმარა.

ის მოთამაშე, რომელიც მატჩის ბოლოს მინდორზე იჯდა და ტირილამდე იყო მისული, სწორედ ნიკლას შტარკი გახლავთ, რომელსაც ძალიან უნდოდა გამარჯვება, მაგრამ სულ ცოტა დააკლდა. ეს მხოლოდ მის შემართებასა და ბრძოლისუნარიანობაზე მეტყველებს. შტარკი სხვების მსგავსად კონფლიქტში არ ჩაერთო, რადგან ის მხოლოდ თამაშზე ფიქრობდა. კარგია, რომ ბუნდესლიგაში მისნაირი მებრძოლები და ძლიერი საყრდენები არიან, თანაც ის "ჰერტას" ერთგულია.

ანჩელოტი მართლაც ძველ "ბაიერნს" გვახსენებს

ამ დღეებში კარლ-ჰაინც რუმენიგემ განაცხადა, რომ კარლო ანჩელოტი ოტმარ ჰიტცფელდს აგონებს და ეს სიტყვები გუშინდელ თამაშში გამართლდა. ძალიან რთული გასახსენებელია "ბაიერნის" თამაშში ასეთი არეულობა ბოლოს როდის შეიქმნა, რადგან პეპ გვარდიოლა დისციპლინის დიდი მოყვარული იყო და დორტმუნდის "ბორუსიასთან" თამაშებიც კი საკმაოდ მშვიდად მიმდინარეობდა. ბერლინში კი, რობერტ ლევანდოვსკის გატანილ გოლს, დიდი აღშფოთება და მოთამაშეებს შორის დაპირისპირება მოჰყვა. გერმანული პრესის ინფორმაციით, გაბრაზებულმა რენე იარსტეინმა ბურთს ძლიერად ამოსცხო ფეხი და პირდაპირ ხაბი ალონსოს გაარტყა, რასაც ესპანელის საპასუხო რეაქცია მოჰყვა. ალბათ გახსოვთ, რომ პირველები ერთმანეთს სწორედ ესპანელი საყრდენი და ნორვეგიელი კიპერი შეეჯახნენ. შემდეგ საქმეში მარვინ პლატენჰარდტი, კინგსლი კომანიც ჩაერთვნენ და წავიდა კინკლაობა.

შეხვედრის მთავარმა არბიტრმა "ჰერტას" ორი მოთამაშე გააფრთხილა, მაგრამ სიტუაცია კვლავ დაძაბული რჩებოდა. მოთამაშეების გასახდელში შესვლამდე აგრძელებდნენ კამათს, ბოლოს კი ნოიერი, რომელიც ძირითადად გამშველებელი იყო, იბიშევიჩს დაუპირისპირდა და გერმანული გაზეთების პირველი გვერდებისთვის კარგი მასალა დაიდო. ამას დაემატა კარლო ანჩელოტიზე გავრცელებული ინფორმაცია, რომ იტალიელმა გასახდელში შესვლამდე "ჰერტას" ქომაგებს შუა თითი უჩვენა. ეს პაპა კარლომ დაადასტურა და აღნიშნა, რომ შეაფურთხეს, რასაც მოჰყვა მისი ასეთი მძაფრი ჟესტი.

ვფიქრობ, ამ ეპიზოდებში ბევრს "გენერალის" დროინდელი გუნდი გაახსენდა, ოლივერ კანით, შტეფან ეფენბერგით, იენს იერემესით და სხვა ცივსისხლიანი მოთამაშეები, რომლებიც არავის არაფერს უთმობდნენ. შესაძლოა ბევრს გაახსენდა "ბორუსიასთან" დაძაბული პაექრობები, როდესაც მსაჯები ყვითელ და წითელ ბარათებს უპრობლემოდ აფრიალებდნენ. რა თქმა უნდა, ვერავინ იტყვის, რომ ეს კარგია და გვარდიოლას დისციპლინა ცუდი იყო, მაგრამ საქმე იმაშია, რომ მსგავსი დაძაბულობა, დაპირისპირება, ემოციური ხასიათის გამოვლენა, "ბაიერნის" ხასიათში ზის. ანჩელოტი კი, პეპისგან განსხვავებით, სრულიად გულწრფელი და პირდაპირია, რომლისთვისაც არანაირ პრობლემას არ წარმოადგენს მეტოქის ქომაგებს უჩვენოს შუა თითი და შემდეგ ეს დამაჯერებლად დაადასტუროს, რადგან იცის, რომ მართალია. სწორედ ეს არის ცივსისხლიანი გერმანული მენტალიტეტი, რის გამოც პაპა კარლოსადმი ქომაგების განწყობა უფრო თბილია და ამას აქვს ლოგიკური ახსნა.

ძალიან ლამაზი იყო ის, რასაც გვარდიოლას "ბაიერნი" აკეთებდა, მაგრამ "რეკორდმაისტერს" ის შეუვალი და უხეში ხასიათიც სჭირდება, რომელიც იუპ ჰაინკესის გუნდსაც კი გააჩნდა, დოზირებულად რა თქმა უნდა. კარლო ანჩელოტიმ გასულ სეზონში აღნიშნა, რომ ბუნდესლიგაში "რეკორდმაისტერის" თამაშების ყურება მისთვის საინტერესო არ იყო და ახლა ყველაფერს აკეთებს იმისათვის, რომ ეს სხვებმა არ იგძნონ. ჯერჯერობით "ბაიერნი" შედეგს დებს და თანაც ეროვნულ ჩემპიონატს დაძაბულობას მატებს. ბერლინში თამაშის შემდეგ ასეთი ნახევრად-ირონიული განხილვა შესაძლოა ბოლომდე სწორი არ იყოს, მაგრამ იმ თამაშის ფონზე, რომელიც გუნდმა ჩემპიონთა ლიგაზე აჩვენა, მოდი ცოტა ჩვენც მოვეშვათ, რადგან "ლაიფციგი" რვა ქულით უკან არის და შეამცირებს თუ არა სხვაობას ძალიან რთული სათქმელია. скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
მატჩის ანალიზი ბუნდესლიგა
მსგავსი სიახლეები
კომენტარები
Hansi
Hansi | 19 თებერვალი 2017 17:40
"კარლო თაიმი" ძალიან მომეწონა stuck_out_tongue_winking_eye smile blush
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა