ლივერპული ბაიერნს ორ ფეხბურთელს ართმევს

გერმანული გამოცემა Bild-ის ინფორმაციით, სატრანსფერო ბაზარზე მიუნხენის "ბაიერნს" სერიოზული პრობლემები შეექმნება.

მოგეხსენებათ, მერსისაიდული "ლივერპული" ტიმო ვერნერის შეძენას ცდილობს, რომელიც "რეკორდმაისტერის" სამიზნეა. ახლა კი ინგლისელებმა კიდევ ერთი მოთამაშე ამოიღეს მიზანში.

კერძოდ, საუბარია მანჩესტერ "სიტის" ვინგერ ლეროი სანეზე. წყაროს ცნობით, კლოპს შეტევის სერიოზულად გაძლიერება სურს და მზადაა რომ ახალგაზრდა გერმანელის ტრანსფერი განახორციელოს.

შესაბამისად, "ლივერპული" ზაფხულში "ბაიერნის" ორი სამიზნის შეძენას ეცდებიან.