მიუნხენის "ბაიერნმა" ზაფხულის პირველი დანამატი გააკეთა.
გამოცემა Sport1-ის ინფორმაციით, 17 წლის ტალანტმა, არმინდო სიებმა დღეს სამედიცინო შემოწმება გაიარა და სეზონის დასრულების შემდეგ "რეკორდმაისტერს" შეუერთდება.
ახალგაზრდა გერმანელი ვინგერი ბოლო ორი წლის განმავლობაში "ჰოფენჰაიმში" ასპარეზობდა. გარდა ამისა ის ნაკრების 19 წლამდელთა გუნდის წევრია.
სიები "ბაიერნის" რიგებში თავისუფალი აგენტის სტატუსით გადაბარგდება.