მიუნხენური გრანდის ბანაკში არასასიამოვნო სიახლეა - არიენ რობენმა ახალი ტრავმა მიიღო და გუნდს რამდენიმე კვირით გამოაკლდა.
"რეკორდმაისტერის" ერთ-ერთ ბოლო ვარჯიშზე არიენმა მიიღო დაზიანება და მოგვინებით გაირკვა, რომ კუნთის პრობლემები აქვს.
ცნობილი გერმანული გამოცემა "Bild" იტყობინება, რომ 34 წლის ჰოლანდიელს 2-3 კვირის გამოტოვება მოუწევს.
ეს კი იმას ნიშნავს, რომ რობენი გამოტოვებს ჩემპიონთა ლიგის საპასუხო მერვედფინალურ შეხვედრას "ლივერპულთან", რომელიც 13 მარტს გაიმართება.
არიენ რობენის გარდა მომდევნო კვირას გუნდს კინგსლი კომანიც დააკლდება, ამიტომ ნიკო კოვაჩს სხვა ალტერნატივის მოძებნა მოუწევს.