...

ბაიერნი 117 წლისაა

მიუნხენური კლუბის ფორმირება


ერთხელ თერთმეტი წევრი მიუნხენის ტანვარჯიშის საზოგადოებიდან, სადაც ფეხბურთს საკმარის ყურადღებას არ აქცევდნენ, შეიკრიბა რესტორანში და გადაწყვიტა, რომ დაეარსებინა საფეხბურთო კლუბი. ასე 1900 წლის 27 თებერვალს შეიქმნა კლუბი „ბაიერნი“. „ბაიერნის“ არსებობის პირველ წლებში კლუბი მონაწილეობას იღებდა ყველა შესაძლო სამოყვარულო ტურნირსა და ჩემპიონატში, თუმცა სერიოზულ წარმატებას ვერ აღწევდა, რადგან იმ პერიოდში გერმანული ფეხბურთი არ იყო ისე ორგანიზებული, როგორც საჭიროა.


კლუბის აღმავლობა დაიწყო 1907 წელს, როცა ბავარიელები მიუნხენში გადავიდნენ. ადგილობრივმა გუნდმა, „ვაკერმა“, პირველად გამოსცადა საკუთარ თავზე „ბაიერნის“ ბინძური ძალა, როცა დამარცხდა ანგარიშით 1:8. „ბაიერნის“ პირველი წარმატება მიუნხენურ ფეხბურთში უმაღლესი ადგილი იყო, თუმცა პირველ არსებით მიღწევას კლუბისთვის 1910 წელს აღმოსავლურ რეგიონში ჩემპიონობა წარმოადგენდა. მომავალ წელს „ბაიერნმა“ დაიცვა თავისი ტიტული. იმ დროისათვის კლუბში თამაშობდა ეროვნული ნაკრების ფეხბურთელი, მაქს გაბლონსკი. 1920 წლისთვის „ბაიერნის“  განკარგულებაში 700-მდე კლუბის წევრი იყო და კლუბი გახდა ის, რასაც დღეს წარმოადგენს - მიუნხენის უმსხვილესი საფეხბურთო კლუბი.




1926 წელს გუნდმა სამხრეთ გერმანიის ჩემპიონატში გამარჯვება მოიპოვა, ხოლო 1932 წელს  დაამარცხა ფრანკფურტის „აინტრახტი“ და ქვეყნის ჩემპიონობა მოიპოვა. „ბაიერნი“ გახდა მთელს გერმანიაში ცნობილი კლუბი. მალე დაიწყო მეორე მსოფლიო ომი და გერმანული სპორტი მრავალი წლით უმოქმედო გახდა.


ოქროს წლები „ბაიერნის“ ისტორიაში


„ბაიერნის“ ისტორიაში გარდამტეხი პერიოდი 1968 წელს დაიწყო, როცა მიუნხენურმა კლუბმა პირველად ისტორიაში გააკეთა „ ოქროს დუბლი“ - გახდა ბუნდესლიგის გამარჯვებული და, ასევე, მოუგო ქვეყნის თასი „შალკეს“. მომავალში ჩემპიონის ტიტულისთვის ბრძოლა „ბაიერნს“ მოუწია მენხენგლადბახის „ბორუსიასთან“ – 1970 და 1971 წლებში. ძლიერები აღმოჩნდნენ „ბორუსიის“ ფეხბურთელები, თუმცა მიუნხენელებმა მაინც შეძლეს ტიტულის დაბრუნება 1972 წელს. ამასთანავე, 1972 წელს გერდ მიულერი გახდა ბუნდესლიგის საუკეთესო ბომბარდირი, რომლის ანგარიშზეც 40 გოლი იყო, ხოლო „ბაიერნმა“ გერმანიის რეკორდი მოხსნა, სეზონში დააგროვა 55 ქულა ( იმ დროს გამარჯვებისთვის კლუბებს ეწერებოდათ არა სამი, არამედ ორი ქულა). ამასთან, ისევ 1972 წელს „ბაიერნმა“ გერმანიის თასის მოგებაც შეძლო, სადაც ფინალში „კიოლნი“ დაამარცხა. იმ დროს კლუბის მწვრთნელი უდო ლატეკი იყო.


ლატეკის ხელმძღვანელობით მიუნხენელებმა შეძლეს გერმანიის ჩემპიონის ტიტულის აღება, ხოლო შემდგომ საერთაშორისო წარმატებასაც მიაღწიეს. 1974 წელს „ბაიერნმა“ მოიგო ევროპის ჩემპიონატის თასი. ფინალში მიუნხენელები დაუპირისპირდნენ მადრიდის „ატლეტიკოს“. ესპანელები უკეთ თამშობდნენ, იმსახურებდნენ კიდეც ოქროს მედლებს, თუმცა, თამაშის ბოლო წუთზე მიუნხენელებმა მოახერხეს ანგარიშის გათანაბრება და მიაღწიეს გადათამაშებას. მეორე მატჩში კი უსიტყვოდ ძლიერები აღმოჩნდნენ მიუნხენელები - მიულერმა და ჰიონესმა დუბლები გაიტანეს და „ბაიერნმა“ შეძლო „ატლეტიკოს“ დამარცხება ანგარიშით 4:0. მიუნხენელებს ევროპის უძლიერესი გუნდის ტიტული ჯიბეში ჰქონდათ.



70-იანი წლების ბოლოს, ამდენი ტროფეის მოგებით, გუნდმა ამოწურა თავისი პოტენციალი. 1977 წელს „ბაიერნი“ პირველად ბოლო შვიდი წლის განმავლობაში ტროფეების გარეშე დარჩა, ხოლო კლუბის ლიდერი, ფრანც ბეკენბაუერი, ამერიკულ „კოსპოსში“ გადავიდა. მის კვალს გაყვა გერდ მიულერიც. „ბაიერნში“ ცვლილებების დრო დადგა - კლუბის ახალი პრეზიდენტი გახდა ვილი ჰოფმანი.


ტროფეების დაბრუნება „ბაიერნმა“ 80-იან წლებში შეძლო. 1980 წელს ბოლო 6 წლის განმავლობაში მიუნხენელები პირველად იგებენ ბუნდესლიგას, 1981-ში გერმანიის ჩემპიონის ტიტულის მფლობელნი გახდნენ. მაშინ „ბაიერნს“ ხშირად საფეხბურთო კლუბ „ბრაიტნიგეს“ ეძახდნენ - მთელი კლუბის თამაში აეწყო ნიჭიერი ფეხბურთელების, პოლ ბრაიტნერისა და კარლ-ჰაინც რუმენიგეს წყალობით. 1982 წელს „ბაიერნმა“ გერმანიის თასი მოიგო, ფინალში დაამარცხა „ნიუბერგი“ ანგარიშით - 4:2, მიუხედავად იმისა, რომ მიუნხენელები პირველი ტაიმის ბოლოს აგებდნენ 0:2-ს.


1983 წელს „ბაიერნის“ მწვრთნელი კვლავ ლატეკი ხდება. ერთი წლის შემდეგ მიუნხენელები გერმანიის თასს იგებენ, „ბაიერნის“ შემადგენლობაში კი ჩნდება ისეთი ფეხბურთელი, როგორიც ლოთარ მათეუსია. 1985 და 1987 წლებში „ბაიერნი“ გერმანიის უძლიერესი კლუბი ხდება, 1987 წელს მიუნხენელები ჩემპიონთა ლიგის ფინალისტობას ახერხებენ, თუმცა გამარჯვებას „პორტუს“ უთმობენ.


ჰიცფელდის ეპოქა


ჰიცფელდმა შეძლო დაემტკიცებინა, რომ „ბაიერნის“ მთავარი მწვრთნელის პოსტს შემთხვევით არ იკავებდა და კლუბში ის 6 წლის განმავლობაში გაჩერდა. 2001 წელს „ბაიერნმა“ მოიგო ჩემპიონთა ლიგა, ფინალში „ვალენსია“ დაამარცხა. ასევე, საკონტინენთშორისო თასის, ბუნდესლიგისა და გერმანიის თასის მოგებით „ბაიერნმა“ ოთხი ტროფეის მოპოვება შეძლო. საინტერესოა, რომ ბუნდესლიგის იმ სეზონის ოქრო „ბაიერნმა“ მხოლოდ ბოლო ტურში მოიგო.

სეზონის ბოლო თამაშზე „ჰამბურგის“ წინააღმდეგ მიუნხენს ფრეც ჰყოფნიდა, მაგრამ „ბაიერნი“ აგებდა 0:1-ს და გელზენკირხენის „შალკეს“ გულშემატკივრები უკვე აღნიშნავდნენ თავიანთი კლუბის ჩემპიონობას, როცა მატჩის ბოლო წუთზე პატრიკ ანდერსონმა გოლი გაიტანა და, ფაქტობრივად, „მოიპარა“ „შალკეს“ ჩემპიონის ტიტული. ანდერსონის პარალელურად „ბაიერნში“ ბრწყინავდნენ ისეთი ფეხბურთელები, როგორიც ოლივერ კანი, ჯოვანი ელბერი და შტეფან ეფენბერგია.


“ალიანს არენა“ - ახალი გვერდი „ბაიერნის“ ისტორიაში


გერმანიის კიდევ ერთი ჩემპიონატისა და თასის მოგების შემდეგ, 2004 წელს, ოტმარ ჰიცფელდი ტოვებს გუნდს, მის ადგილს კი იკავებს ფელიქს მაგათი. პირველივე სეზონში მაგათის „ბაიერნმა“ შეძლო ბუნდესლიგისა და გერმანიის თასის მოგება, თუმცა საერთაშორისო არენაზე „ბაიერნი“ ვეღარ ბრწყინავდა - ჩემპიონთა ლიგაზე - 04/05 მიუნხენელები გამოეთიშნენ თამაშს უკვე მეოთხედფინალზე.



2005 წლის მაისში სხვა მნიშვნელოვანი მოვლენა მოხდა „ბაიერნის“ ისტორიაში - „ოლიმპიაშტადიონზე“ 33 სეზონის ჩატარების შემდეგ, მიუნხენელები „ალიანს არენაზე“ გადავიდნენ, რომელიც 69 ათას მაყურებელს იტევს. ახალი სტადიონი იღბლიანი აღმოჩნდა მიუნხენელებისთვის, მათ მოახერხეს 2005 და 2006 წლებში ბუნდესლიგის მოგება და, ამასთან, პრაქტიკულად ქულები არც დაუკარგავთ სახლში შეხვედრებზე, თუმცა 2006/07 წლების სეზონი „ბაიერნმა“ ჩააგდო, ფელიქს მაგათს „ბაიერნის“ ხელმძღვანელობა აღარ ენდობოდა. მთავარი მწვრთნელის პოსტზე კვლავ ოტმარ ჰიცფელდი მიიწვიეს.

ნდობით აღჭურვილმა ჰიცფელდმა, პირველივე საერთაშორისო სეზონზე, კლუბში მოიყვანა ისეთი ფეხბურთელები, როგორებიც არიან მსოფლიო ჩემპიონი - ლუკა ტონი, ნიჭიერი ფრანგი - ფრანკ რიბერი და გამოცდილი ბომბარდირი მიროსლავ კლოზე. „ბაიერნის“ ლეგენდარული მეკარის, ოლივერ კანის, ბოლო სეზონზე მიუნხენელებმა მოიგეს ბუნდესლიგა, გერმანიის თასი, თუმცა ვერ შეძლეს ევროპული წარმატებების მიღწევა - უეფას თასის ფინალზე პეტერბურგის „ზენიტმა“ არ დაუშვა „ბაიერნი“.


2008/09 სეზონზე „ბაიერნმა“ ყველა ფრონტზე სრული მარცხი განიცადა. ბუნდესლიგაზე კლუბმა ჩემპიონობის დათმობა სეზონის ბოლოს შეძლო, სულ რაღაც ორი ქულით ჩამორჩა „ვოლფბურგს“, ხოლო ჩემპიონთა ლიგაზე „ბაიერნი“ დამარცხდა „ბარსელონასთან“ მეოთხედფინალში.ტროფეების არქონამ ვერ გაახარა „ბაიერნის“ უფროსობა და მალე ახალი მწვრთნელის ამპლუაში გვევლინება - ლუი ვან გალი.


ჰოლანდიელმა მწვრთნელმა შეიძინა ისეთი ფეხბურთელები, როგორებიც არიან არიენ რობენი, მარიო გომესი, ივიცა ოლიჩი, ანატოლი ტიმოშუკი და სხვები. ამაში ბევრი ფული დახარჯა მიუნხენურმა კლუბმა, თუმცა, უნდა ითქვას, რომ მილიონები ტყუილად არ დახარჯულა. „ბაიერნმა“ დაიბრუნა გერმანიის ჩემპიონის ტიტული, მოიგო გერმანიის თასი და სუპერთასი, ასევე, მიაღწია ჩემპიონთა ლიგის ფინალამდე, სადაც მოურიონიოს „ინტერს“ დაუთმო გამარჯვება.


მალე „ბაიერნის“ ახალგაზრდა ფეხბურთელებიც ახერხებენ წარმატების მიღწევას. ლევერკუზენის „ბაიერში“ მიღებული გამოცდილებით, ტონი კროოსი თამაშობს მსოფლიო ჩემპიონატზე და მზად არის, რომ სარგებელი მოუტანოს „ბაიერნს“. მცველი, ჰოლგემ ბადშტუბერი, ასევე, გახდა 2010 წლის  მსოფლიო ჩემპიონატის  ბრინჯაოს პრიზიორი, ხოლო თომას მიულერი, 20 წლის ასაკში გახდა მუნდიალის საუკეთესო ბომბარდირი. აქედან გამომდინარე, „ბაიერნს“ დიდი წარმატება ელოდა წინ.


დღეს „ბაიერნი“ ყველზე ტიტულოვანი კლუბია გერმანიაში, 26–ჯერ გახდა გერმანიის ჩემპიონი, 18–ჯერ მოიგო გერმანიის თასი, 5–ჯერ – სუპერთასი, 6–ჯერ ლიგის თასი. რაც შეეხება საერთაშორისო ტიტულებს, ხუთჯერ გახდა ჩემპიონთა ლიგის გამარჯვებული, თითო–თითოჯერ აიღო უეფასა და უეფას თასების მფლობელთა თასი, მოიგო მსოფლიო საკლუბო ჩემპიონატი,უეფას სუპერთასი და ორჯერ საკონტინენტთაშირისო თასის მფლობელი გახდა.


скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
kloze..18
kloze..18 | 27 თებერვალი 2017 20:57
ვულოცავ ჩემს გუნდს <3 მრავალი თასები,
nuca
nuca | 27 თებერვალი 2017 22:10
მადლობთ სტატიისთვის heart_eyes მრავლჯერ მოგველოცოს smile
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა