...

პრევიუ: ბაიერნი - შალკე

დღეს საღამოს მიუნხენური გრანდი გერმანიის თასის მეოთხედფინალური ეტაპის მატჩს გამართავს და შინ გელზენკირხენის "შალკეს" უმასპინძლებს. "ალიანს არენაზე" საინტერესო მატჩი შედგება.

ბაიერნი - შალკე

ჩემპიონატი: გერმანიის თასი, მეოთხედფინალური ეტაპი
თარიღი: 1 მარტი, 23:45 საათი
სტადიონი: "ალიანს არენა", მიუნხენი
მთავარი მსაჯი: დანიელ ზიბერტი
პირდაპირი ტრანსლიაცია: Матч ТВ; МАТЧ ФУТБОЛ 3
აჭარაბეთის კოეფიციენტები: 1 - 1.31; X - 5.50; 2 - 11.00
იხილეთ დღევანდელი მატჩის პროგნოზი

გუნდების წინასამატჩო მდგომარეობა

ბერლინის "ჰერტასთან" მძიმე და ცოტათი სკანდალური მატჩის შემდეგ "ბაიერნმა" გასულ უქმეებზე საკუთარ ქომაგებს ნამდვილი სპექტაკლი აჩუქა და "ჰამბურგი" 8:0 გაანადგურა. "რეკორდმაისტერმა" ასეთი დიდი გამარჯვება მიმდინარე სეზონში პირველად მოიპოვა. "წითლებმა" დიდებულად იასპარეზეს, ულამაზესი კომბინაციები გაითამაშეს და მშვენიერი გოლები გაიტანეს. ყველაზე სასიამოვნო კი ახალგაზრდა ფრანგი ვინგერის, კინგსლი კონანის, წარმატებული თამაში იყო, რომელიც მინდორზე სათადარიგო სკამიდან შევიდა და დუბლის გაფორმება მოახერხა. რობერტ ლევანდოვსკი და არიენ რობენი კვლავ დიდებულ ფორმაში არიან, თომას მიულერი კი ნელ-ნელა უმატებს. უნივერსალური გერმანელი ძალიან სასარგებლო იყო და იმედია, მიულერი ოპტიმალურ კონდინციებს დაიბრუნებს. ბუნდესლიგაში "რეკორდმაისტერს" ხუთქულიანი უპირატესობა აქვს, ჩემპიონთა ლიგის მერვედფინალურ ეტაპზე კი თითქმის ყველაფერი მოაგვარა, ამიტომ კარლო ანჩელოტის გუნდი სრულიად დღევანდელ შეხვედრაზე იქნება კონცენტრირებული. ძირითად შემადგენლობაში ბევრი ცვლილება არ არის მოსალოდნელი, მაგრამ დავიდ ალაბას თამაში საეჭვოა, ამიტომ შესაძლოა, რომ ავსტრიელი იუბილარმა, ხუან ბერნატმა, შეცვალოს. ესპანელი მარცხენა მცველი მიმდინარე სეზონში ჩინებულად გამოიყურება და მას ალაბას დროებით შეცვლა თავისუფლად შეუძლია. ჟერომ ბოატენგი კვლავ რეაბილიტაციის პროცესს გადის, რენატუ სანჩეში კი გაციებულია. სხვა მხრივ, ყველა მწყობრშია და "შალკეს" წინააღმდეგ მიუნხენური კლუბი ოპტიმალური შემადგენლობით ითამაშებს.

მიუნხენში ჩატარებული კარგი თამაშის შემდეგ "შალკემ" ნორმალური ფორმა აკრიფა და დაუმარცხებელი სერია წამოიწყო, რომელიც უკვე შვიდ შეხვედრას ითვლის. გელზენკირხენულმა კლუბმა ევროპის ლიგის 1/16 ფინალური ეტაპი გადალახა და "პაოკი", ორი მატჩის ჯამში, 4:1 გაანადგურა. ბუნდესლიგაში კი "ლურჯებმა" ბოლო ორი მატჩი ფრედ 1:1 დაასრულეს, არადა ორივეს ალექსანდრ შიოპფის სწრაფი გოლით იგებდნენ. გასულ უქმეებზე "შალკემ" "ჰოფენჰაიმი" მიიღო და საკმაოდ სახასიათო მატჩი ჩაატარა. პირველ ნახევარში მარკუს ვაინცირლის გუნდმა იდეალურად იასპარეზა და მოიგო კიდეც, მაგრამ მეორე ნახევარში სრულიად გამოეთიშა ბრძოლას, რის გამოც დაისაჯა. "შალკე" მთელი სეზონია სწორედ ასეთი არასტაბილურობით გამოირჩევა, მაგრამ შეტევაში არსებული პრობლემები ნელ-ნელა გვარდება, რადგან ახალწვეულები, გვიდო ბურგშტალერი და დანიელ კალიჯური, მშვენივრად გამოიყურებიან. ჩინებულ ფორმაშია საკმაოდ ნიჭიერი გერმანელი ნახევარმცველი, ლეონ გორეცკა, რომელსაც ნაბილ ბენთალები იდეალურად ეხმარება. ვაინცირლს საკმაოდ საინტერესო გუნდი ჰყავს, რომელსაც უბრალოდ შეკვრა და სტაბილურად ათამაშება სჭირდება. უჩიდა, ბაბა, დი სანტო და ემბოლო გუნდს კვლავ ვერ ეხმრებიან, ბოლო პერიოდში კი გამოცდილი ბრაზილიელი მცველი, ნალდო, დაიმტვრა, რომელსაც კუნთის პრობლემები აქვს. ნალდოს სერბი მატია ნასტასიჩი შეცვლის. გელზენკირხენელები მიუნხენში მორიგი კარგი მატჩის ჩატარებას და "ბაიერნის" კიდევ ერთხელ გამწარებას ეცდებიან.

კარლო ანჩელოტის გუნდი ფავორიტია და მომდევნო ეტაპზე გასვლის საკმაოდ დიდი შანსი აქვს. "შალკე" ცუდ ფორმაში არ არის, მაგრამ "ბაიერნს" ეს მატჩი სჭირდება, ამიტომ ბოლომდე ჩაირთვება.

სავარაუდო შემადგენლობები

ბაიერნი: ნოიერი - ლამი, მარტინესი, ჰუმელსი, ბერნატი - ვიდალი, ტიაგო - რობენი, მიულერი, დუგლას კოშტა - ლევანდოვსკი.

შალკე: ფიარმანი - შიოპფი, ჰიოვედესი, ბადშტუბერი, ნასტასიჩი, კოლასინაჩი; გორეცკა, სტამბული, ბენთალები; კალიჯური, ბურგშტალერი.

საინტერესო ფაქტები

  • "ბაიერნი" და "შალკე" გერმანიის თასის ისტორიაში ყველაზე გამოცდილი კლუბები არიან. მიუნხენურ გრანდს ამ ტურნირზე 243 თამაში აქვს ჩატარებული, საიდანაც 183 მოიგო. გელზენკირხენელებმა კი თასზე 234-ჯერ იასპარეზეს და 152 გამარჯვება მოიპოვეს.

  • გერმანიის თასზე ეს ორი გუნდი აქამდე ერთმანეთს 11-ჯერ დაუპირისპირდა და "რეკორდმაისტერმა" გამარჯვება შვიდ შემთხვევაში მოახერხა.

  • მიუნხენური კლუბი გერმანიის თასის მეოთხედფინალში ზედიზედ ათი წელია გადის, რაც აბსოლუტური რეკორდია! "შალკე" კი ამ ეტაპზე 2010/11 წლების სეზონის შემდეგ არ ყოფილა. მაშინ "ლურჯებმა" ტურნირი საერთოდ მოიგეს.

  • "ბაიერნი" ეცდება, რომ გერმანიის თასის ნახევარფინალურ ეტაპზე ზედიზედ მერვედ გავიდეს, რაც ახალი რეკორდი იქნება.

  • "რეკორდმაისტერი" გერმანიის თასის ისტორიაში ყველაზე წარმატებული და ტიტულოვანი კლუბია - 21 ფინალი, 18 თასი. "შალკე" კი ხუთი პოკალით მესამე ადგილზეა და ბრემენის "ვერდერს" ერთით ჩამორჩება, მაგრამ ფინალში უფრო მეტჯერ (12-10) არის ნამყოფი.

  • "ბაიერნს" "შალკეს" წინააღმდეგ გამართული ბოლო 13 მატჩი არ წაუგია (10 მოგება, სამი ფრე), მაგრამ ყველა ბუნდესლიგაში გაიმართა. ამ პერიოდში მიუნხენელებმა 36 გოლი გაიტანეს და მხოლოდ ექვსი გაუშვეს.

  • ეს წარუმატებელი სერია კი 2011 წლის მარტიდან დაიწყო, როდესაც გერმანიის თასის ნახევარფინალში ფელიქს მაგათის "შალკემ" ლუი ვან გაალის "ბაიერნი" მიუნხენში რაულის ერთადერთი გოლით დაამარცხა.

  • დანიელ ზიბერტი "ბაიერნის" მესამე მატჩს განსჯის მიმდინარე სეზონში. 32 წლის ბერლინელმა მსაჯმა "კიოლნთან" მეექვსე ტურის შეხვედრაზე (1:1) და "მაინცთან" გასვლით მატჩზე (3:1) იმუშავა.
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ გერმანიის თასი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა