...

ტიაგო: "უკეთ თამაშიც შემიძლია"

მიუნხენური კლუბის პრესსამსახურმა "ბაიერნის" ცენტრალურ ნახევარმცველთან, ტიაგო ალკანტარასთან, ინტერვიუ ჩაწერა და ესპანელმა რამდენიმე საკითხზე ისაუბრა.

8:0 "ჰამბურგის" წინააღმდეგ, 3:0 "შალკეს" წინააღმდეგ - ზედიზედ ორი საოცარი თამაში ხუთდღიანი ინტერვალით. "ბაიერნმა" საბოლოოდ აკრიფა ფორმა?
"არასოდეს არის მარტივი ახალი მთავარი მწვრთნელის მიერ შემოღებული სტილის მინდორზე მალევე გადატანა. პირველ რიგში, საკუთარი ადგილი უნდა იპოვნო და ბევრი იმუშავო, მაგრამ ახლა ანჩელოტის მოთხოვნებს უკეთ ვასრულებთ. ჩვენ მაღალი დონის გუნდი გვყავს, რომელსაც ბურთს დაჭერა და სწრაფი შეტევების განხორციელება უყვარს."

შენ ამ გუნდის სათამაშო ფილოსოფიის უმნიშვნელოვანესი ნაწილი ხარ. არის ეს საუკეთესო ტიაგო?
"არ ვიცი, მაგრამ ახლა მინდორზე თავს ძალიან კარგად ვგრძნობ. თუმცა, ამავდროულად, ვგრძნობ, რომ უკეთ თამაშიც შემიძლია. გუნდში რამდენიმე დიდებული ფეხბურთელი გვყავს. მათგან და მთავარი მწვრთნელისგან ყოველდღე ძალიან ბევრს ვსწავლობ."

"შალკესთან" ბოლო შეხვედრაში მიმდინარე სეზონში თქვენი მეექვსე გოლი გაიტანეთ, რაც თქვენთვის კარიერული რეკორდია. საიდან მოვიდა ასეთი შედეგიანობა?
"ამაზე საუბრით დროის დაკარგვა არ მსურს. ჩვენ ასე უნდა გავაგრძელოთ და მაღალი დონის თამაში შევინარჩუნოთ. როდესაც გოლი გამაქვს ძალიან ბედნიერი ვარ, მაგრამ მთავარი გუნდის გამარჯვებაა."

თქვენ უფრო სერიოზული და სრულყოფილი გახდით?
"ვფიქრობ, ეს სავსებით ნორმალურია. ყოველი სავარჯიშო პროცესის, ყოველი თამაშის, ყოველი წლის შემდეგ უფრო გამოცდილი ხდები. ჩემი ტრავმების წყალობით ისიც გავიგე, რომ საკუთარ თავს უნდა მოვუარო. ახლა ვარჯიშებზე უფრო ყურადღებით ვარ, ვაკონტროლებ კვებას და ძილსაც კი."

რა როლი ითამაშა კარლო ანჩელოტიმ თქვენს განვითარებაში?
"კარლო დიდებული მწვრთნელია. მან სხვადასხვა გუნდებთან ერთად ყველაფერი მოიგო. მან ათასზე მეტ შეხვედრაში მიიღო მონაწილეობა, როგორც მთავარმა მწვრთნელმა. ის რწმენას გვაძლევს და მასთან მუშაობა ჩემთვის ძალიან სასიამოვნოა. კარლოს ვენდობი, რაც ჩემთვის ძალიან ფასეულია."

მომდევნო თამაში შაბათს კიოლნში გაიმართება. რამდენად რთული იქნება იქ ამჟამინდელი მაღალი დონის თამაშის ჩვენება?
"ეს რთული მატჩი იქნება. "კიოლნმა" სატურნირო ცხრილში პოზიციები ცოტათი დაკარგა, მაგრამ ისინი კვლავ მოწინავე ადგილებისათვის იბრძვიან. მათ, ენტონი მოდესტეს სახით, საუცხოო ფორმაში მყოფი ფორვარდი ჰყავთ, ამიტომ ფრთხილად უნდა ვიმოქმედოთ და გამარჯვების მოსაპოვებლად მართლაც საუკეთესოდ ვიასპარეზოთ."

რა განსხვავებაა თქვენთვის შინ და სტუმრად თამაშს შორის?
"საკუთარი ქომაგების თვალწინ თამაში ყოველთვის დიდებული შეგრძნებაა. "ალიანს არენაზე" ყოველთვის ანშლაგია და ქომაგები მუდმივად საოცარ მხარდაჭერას გვიწევენ. თუმცა აგრეთვე ვიტყოდი, რომ რთულ მეტოქესთან სტუმრად, ძლიერი ატმოსფეროს ფონზე, თამაში ასევე სასიამოვნო და საინტერესო გამოწვევაა."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ტიაგო ალკანტარა
მსგავსი სიახლეები
კომენტარები
Guest giorgi
Guest giorgi | 2 მარტი 2017 22:39
ეს რაც დაწია ანჩელოტმა უფრო მეტიც უნდა გაეტანა. რა 6 გოლი ფაქტიურად 10იანზე თამაშობს და საგოლე გადაცემებიც ნაკლები აქვს და გოლებიც, იმასთან შედარებით რაც უნდა ქონდეს.
Mapa T.Dig
Mapa T.Dig | 12 აპრილი 2017 18:52
I can’t give you a lift to the bank, it’s out of my way today.
Качественный выгодный холодильников ремонт не дорого в Таганском
Okay, here's what I think. Are you happy with your weight?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა