დღეს გერმანიის ბუნდესლიგის 25-ე ტურში მიუნხენის "ბაიერნი" შინ "ვოლფსბურგს" მიიღებს.
ამ გუნდების დაპირისპირების ხსენებაზე ცხადია ყველას რობერტ ლევანდოვსკი და მისი ისტორიული 9 წუთიანი სასწაული ახსენდება.
2015/16 წლების სეზონში, 22 სექტემბერს, მიუნხენურმა გრანდმა ბუნდესლიგის ეგიდით შინ "ვოლფსბურგი" მიიღო და პირველი ტაიმი 0:1 წააგო.
შესვენებაზე პეპ გვარდიოლამ თამაშში რობერტ ლევანდოვსკი ჩართო და პოლონელმა არანორმალური რაღაცები დაატრიალა - ლევიმ 9 წუთში 5 ბურთის გატანა მოახერხა და გინესის რეკორდები დაამყარა.
განსაკუთრებით ლამაზი გამოდგა რობერტის მე-5 ბურთი. ამ ლეგენდარულ მომენტს უკვე 4 წელი შეუსრულდა, მაგრამ ლევის პენტა-ტრიკი, კომენტატორის გიჟური ემოციები და გვარდიოლას რეაქცია - ისტორიაში სამუდამოდ შევიდა!