ბუნდესლიგის განახლებამდე მცირე დროით ადრე მიუნხენის "ბაიერნის" ლაზარეთი იცლება.
რობერტ ლევანდოვსკიმ და ივან პერიშიჩმა აღდგენითი კურსები უკვე ბოლომდე გაიარეს და დღეს სრული დატვირთვით შეძლეს გუნდთან ერთად ვარჯიში. ორივე ხსენებული ფეხბურთელი ბუნდესლიგის განახლების პირველი მატჩისთვის სრულ მზადყოფნაში იქნება.
ფილიპე კოუტინიოს აღდგენითი კურსები იმაზე უფრო სწრაფად მიმდინარეობს, ვიდრე ვარაუდობდნენ და ჰანს ფლიკის განცხადებით, არ არის გამორიცხული, ბრაზილიელი ნახევარმცველი მაისის ბოლოს დაბრუნდეს.
რაც შეეხება კორენტინ ტოლისოს, სამწუხაროდ მისი ტრავმა საკმაოდ სერიოზული აღმოჩნდა და დიდი ალბათობით, ფეხბურთელი "ბაიერნს" მიმდინარე სეზონში ვეღარ დაეხმარება.