ლევანდოვსკი ახლა საუკეთესო ფორმაში ვარ

მიუნხენის "ბაიერნის" ლიდერმა, რობერტ ლევანდოვსკიმ ონლაინ ჩართვის მეშვეობით საინტერესო ინტერვიუ ჩაწერა.

"ფეხბურთის გარეშე ცხოვრება ძალიან რთულია, თუმცა, ვფიქრობ, რომ პირველ რიგში ჯანმრთელობაა ყველაზე მნიშვნელოვანი. ახლა უკვე გერმანიაში სიტუაცია დასტაბილურდა და შეიძლება, რომ ჩემპიონატები განახლდეს."

"ფორმის შენარჩუნების დროს ყველანაირი დეტალი მნიშვნელოვანია. ჯანსაღი საკვების მიღება, შენს სხეულზე ზრუნვა და სწორი ვარჯიში. ტრავმა უკან მოვიტოვე და ახლა საუკეთესო ფორმაში ვარ."

"არ ვიცი, კიდევ რამდენ ხანს ვითამაშებ ფეხბურთს, თუმცა, ჩემი სურვილია, რომ კარიერა რაც შეიძლება გვიან დავასრულო."

"მიროსლავ კლოზეს კარგად ვიცნობ. ის დიდებული ფეხბურთელია და ვარჯიშებზე მისგან რჩევების მიღება, გამოცდილების გაზიარება თითოეულ ჩვენგანს გამოადგება. მიროსგან ძალიან ბევრ რამეს ვისწავლი." - აცხადებს ლევანდოვსკი.