...

პრევიუ: მ.ბორუსია - ბაიერნი

დღეს მიუნხენის "ბაიერნი" მარტში თავის ბოლო თამაშს ჩაატარებს და ორი კვირით დაისვენებს.

კარლო ანჩელოტის გუნდი სტუმრად მიუნხენგლადბახის "ბორუსიას" დაუპირისპირდება და საკმაოდ რთული გასვლა ელოდება. თუმცა მიუნხენელები ჩინებულ ფორმაში არიან და ამ დიდებული განწყობის გაფუჭებას არ აპირებენ.

მ.ბორუსია - ბაიერნი

ჩემპიონატი: გერმანიის ბუნდესლიგა, XXV ტური
თარიღი: 19 მარტი, 20:30 საათი
სტადიონი: "ბორუსია პარკი", მიუნხენგლადბახი
მთავარი მსაჯი: ტობიას შტილერი
პირდაპირი ტრანსლიაცია: Silk სპორტ HD1

გუნდების წინასამატჩო მდგომარეობა

მიუნხენგლადბახის "ბორუსიამ" დიტერ ჰეკინგის მოსვლის შემდეგ სერიოზულად მოუმატა და ჩინებული ფორმა აკრიფა, მაგრამ ევროპის ლიგაზე განწყობა ძალიან გაიფუჭა. გელზენკირხენში ფრის (1:1) შემდეგ მიუნხენგლადბახელები "შალკეს" შინ 2:0 ამარცხებდნენ, მაგრამ უპირატესობას დაკარგეს და საბოლოოდ ფრეს დასჯერდნენ, რომელმაც მომდევნო ეტაპზე მოწინააღმდეგე გაიყვანა. ახლა კი "ბორუსია" სრულიად ბუნდესლიგაზე გადმოერთვება და ეცდება, რომ ოთხეულს მაქსიმალურად მიუახლოვდეს. "ჰოფენჰაიმთან" ჩამორჩენა უკვე 13 ქულას შეადგენს, ამიტომ ჰეკინგის გუნდმა ქულები ხშირად არ უნდა დაკარგოს, მაგრამ "ბაიერნთან" გამარჯვება ძალიან რთული მისიაა. გასულ უქმეებზე "მ.ბორუსია" სტუმრად "ჰამბურგთან" დამარცხდა და საკუთარი ქომაგების თვალწინ სრული რეაბილიტაცია მართებს. სწორედ ამიტომ, მასპინძლები განსაკუთრებული მონდომებითა და მოტივაციით იქნებიან. მიუნხენგლადბახურ კლუბს საკმაოდ სერიოზული დანაკლისი აქვს, რადგან გუნდს ერთბაშად რამდენიმე წამყვანი მოთამაშე დააკლდება. კრისტოფ კრამერს კვლავ მუხლის ტრავმა აქვს, ფაბიან ჯონსონმა "შალკესთან" ბოლო შეხვედრაში კუნთის დაზიანება მიიღო და მატჩს ისიც გამოტოვებს. ჰეკინგის განცხადებით, თორგან აზარიც არ არის ბოლომდე მზად, ბელგიელს მუხლის პრობლემები აწუხებს. აგრეთვე, საეჭვოა მაჰმუდ დაუდისა და ლარს შტინდლის თამაში. ზემოთ დასახელებული ხუთი მოთამაშიდან ყველა ძირითადის ფეხბურთელია, შტინდლი, დაუდი და ფაბიან ჯონსონი კი ბოლო პერიოდში წამყვანი ფიგურები იყვნენ. ასე, რომ "ბორუსიას" სერიოზული დანაკლისი აქვს, ამიტომ ჰეკინგს ბევრი მუშაობა მოუწევს

მიუნხენური კლუბი ფანტასტიკურ ფორმაშია და ეცდება, რომ მარტი 100%-იანი შედეგით დაასრულოს. ლონდონში ბრწყინვალე გამარჯვების შემდეგ "ბაიერნმა" გასულ უქმეებზე შინ ფრანკფურტის "აინტრახტი" მიიღო, საწყისი ნახევარი საათი დაიძინა, შემდეგ კი საქმეში ჩაერთო, სამი ბურთი გაიტანა და ყველაფერი კარგად გააკეთა. "რეკორდმაისტერმა" ბუნდესლიგაში ზედიზედ მესამე მშრალი თამაში მოიგო, რაც ძალიან სასიამოვნოა, რადგან სეზონის გადამწყეტი ეტაპი ახლოვდება, გუნდი კი რწმენას ნელ-ნელა იძენს, განსაკუთრებით დაცვის ხაზი. ხანგრძლივი პაუზის შემდეგ გასულ უქმეებზე ჟერომ ბოატენგიც დაბრუნდა და ის ახლა უფრო კარგ ფიზიკურ ფორმაშია. თუმცა მას კვლავ სკამზე ჯდობა მოუწევს, რადგან ხავი მარტინესისა და მატს ჰუმელსის თანდემი დიდებულად გამოიყურება. "ბაიერნს" დისკვალიფიკაცირებული არტურო ვიდალი, რომელმაც წინა ტურში მეხუთე გაფრთხილება მიიღო და დუგლას კოშტა ვერ დაეხმარებიან. ბრაზილიელმა პარასკევის ვარჯიშზე მუხლის დაზიანება მიიღო და უკვე ცნობილია ისიც, რომ დუგლასი ბრაზილიის ნაკრებსაც ვერ დაეხმარება. იმედია, კოშტას ტრავმა მსუბუქია და მას დიდი ხნის გამოტოვება არ მოუწევს. სხვა მხრივ კი ყველაფერი რიგზეა, რითიც კარლო ანჩელოტი ძალიან ბედნიერია. გუნდში საკმაოდ მაღალი კონკურენციაა, ამიტომ იტალიელ სპეიალისტს სასტარტო თერთმეტეულის შერჩევა ყოველ ტურში უჭირს. დღეისთვის სერიოზული ცვლილებები მოსალოდნელი არ არის, მაგრამ როტაცია ალბათ მაინც იქნება და შესაძლოა შანსი ახალგაზრდებმაც მიიღონ.

"ბაიერნს" სტუმრად "მ.ბორუსიასთან" ყოველთვის უჭირდა, მაგრამ ახლა ეს იდეალური შანსია, რათა კარლო ანჩელოტიმ ნავსი გატეხოს - "რეკორდმაისტერი" ყველაფერს გააკეთებს, რათა კვლავ გაიმარჯვოს.

სავარაუდო შემადგენლობები

მ.ბორუსია: ზომერი - იანშკე, კრისტენსენი, ვესტერგორი, ვენდტი - ჰერმანი, შტრიობლი, დაუდი, ჰოფმანი; შტინდლი, რაფაელი.

ბაიერნი: ნოიერი - ლამი, მარტინესი, ჰუმელსი, ბერნატი - ალონსო, ტიაგო - რობენი, მიულერი, რიბერი - ლევანდოვსკი.

საინტერესო ფაქტები

  • უბრალოდ კლასიკა: 1969 წლიდან 1977 წლამდე ბუნდესლიგას მხოლოდ მიუნხენის "ბაიერნი" (1969, 1972, 1973, 1974) და მიუნხენგლადბახის "ბორუსია" (1970, 1971, 1975, 1976, 1977) იგებდნენ.

  • "ბაიერნს" "მ.ბორუსიასთან" სტუმრად თამაში ისტორიულად უჭირს - 48 მატჩიდან მხოლოდ 11 გამარჯვება, რაც მათთვის ბუნდესლიგაში ყველაზე ცუდი შედეგია.

  • ბუნდესლიგის ისტორიაში "რეკორდმაისტერმა" ყველაზე მეტი ბურთი (121) სწორედ "მ.ბორუსიასგან" გაუშვა.

  • "მიუნხენურმა გრანდმა ბოლო 14 მატჩიდან "ბორუსია პარკზე" მხოლოდ სამი მოიგო (7 ფრე, 4 წაგება).

  • "ბაიერნის" ცენტრალურ მცველ ხავი მარტინესს ბუნდესლიგაში ზედიზედ 14 გასვლითი მატჩი აქვს მოგებული და ფრანკ რიბერის რეკორდამდე მხოლოდ ერთი გამარჯვება აშორებს.

  • "რეკორდმაისტერს" "ბორუსია პარკზე" 2014 წლის იანვრის შემდეგ არ მოუგია. მაშინ პეპ გვარდიოლას გუნდმა მარიო გიოტცესა და თომას მიულერის გოლებით 2:0 იმარჯვა.

მწვრთნელების წინასამატჩო კომენტარები

დიტერ ჰეკინგი: ​"ხუთშაბათს ძალიან არ გაგვიმართლა​​​, როდესაც ევროპის ლიგიდან გამოვვარდით. თუმცა ეს ფეხბურთია, ამიტომ უნდა შევეგუოთ და მუშაობა გავაგრძელოთ. შესაძლოა "ბაიერნის" წინააღმდეგ ბრწყინვალედ ითამაშო და მაინც წააგო. ჩვენ აუტსაიდერები ვართ."

კარლო ანჩელოტი: ​"​​​მეტოქემ ხუთშაბათს ითამაშა და შესაძლოა, ეს ჩვენთვის უპირატესობა იყოს, მაგრამ მხოლოდ იმ შემთხვევაში თუ ინტენსიურად ვიმოქმედებთ. მაღალ ტემპში, ჩვენ სტილში უნდა ვითამაშოთ და ინტენსიურობა 90 წუთის განმავლობაში შევინარჩუნოთ.

დუგლას კოშტას გარდა ყველა მწყობრშია და სათამაშოდ მზად არის. პირადად ჩემთვის ყველაზე რთული გადაწყვეტილება სასტარტო თერთმეტეულის შერჩევაა, რადგან კონკურენცია საკმაოდ მაღალია.

"მ.ბორუსიამ" ბოლო ორ თვეში ძალიან კარგად იმუშავა. ისინი დაცვაში საკმაოდ ორგანიზებულად მოქმედებენ და კონტრშეტევებზე სწრაფად გადადიან. ვფიქრობ, დიტერ ჰეკინგი კარგ სამუშაოს ასრულებს. 

თუმცა ჩვენ კარგ ფორმაში ვართ და ჩვენი მოთამაშეები კონცენტრირებულნი არიან. იმედი მაქვს, კარგად ვიასპარეზებთ."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
Mapa T.Dig
Mapa T.Dig | 12 აპრილი 2017 03:12
Mike came up with a brilliant idea.
Ремонт холодильников Dako круглосуточно
Just gone crazy or something. The Browns have lived in this house for many years.
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა