ბაიერნი სერია ას ვარსკვლავის ტრანსფერზე მუშაობს

მიუნხენის "ბაიერნის" რადარზე ამჯერად იტალიური "რომას" ახალგაზრდა ვინგერი, ჩენგიზ უნდერი გამოჩნდა.

გამოცემა La Gazzetta Dello Sport-ის ინფორმაციით, "რეკორდმაისტერის" ხელმძღვანელობამ უკვე გამოთქვა ინტერესი 22 წლის ფეხბურთელის დამატებაზე და შანსის შემთხვევაში, არაა გამორიცხული ტრანსფერი ზაფხულშივე განხორციელდეს.

წყაროს ცნობით, რომაელები ახალგაზრდა ფეხბურთელს 30 მილიონ ევროდ აფასებენ და "ბაიერნის" გარდა მისი დამატება ასევე "ევერტონსა" და "ლაიფციგსაც" სურთ.

შეგახსენებთ, რომ უნდერი "რომას" ღირსებას 2017 წლიდან იცავს და ის ძირითადი შემადგენლობის უცვლელი წევრია.