მწვრთნელი ადასტურებს ბაიერნი პრემიერლიგის სუპერვარსკვლავის ტრანსფერზე მუშაობს

ბრიტანული გამოცემა Mirror-ის ინფორმაციით, მიუნხენის "ბაიერნი" მსოფლიოს ერთ-ერთი საუკეთესო ნახევარმცველის, კევინ დე ბრუინის ტრანსფერზე მუშაობს.

წყაროს ცნობით, აღნიშნული ინფორმაცია ბელგიის ნაკრების მთავარმა მწვრთნელმა, რობერტო მარტინესმაც დაადასტურა, რომელმაც გასულ წელს ერთ-ერთმა პირველმა გაამხილა ედენ აზარის მადრიდის "რეალში" ტრანსფერი.

მოგეხსენებათ, "ქალაქელებს" ჩემპიონთა ლიგაზე გამოსვლა ორი წლით აეკრძალათ. ამის გამო კი ვარაუდობენ, რომ კლუბს არაერთი ლიდერი, მათ შორის 28 წლის ფეხბურთელიც დატოვებს.

ჯერ-ჯერობით უცნობია, რა თანხა დაუჯდება "რეკორდმაისტერს" დე ბრუინის შეძენა. მისი სატრანსფერო ღირებულება დაახლოებით 150 მილიონ ევროს შეადგენს.