მიუნხენის "ბაიერნის" კაპიტანმა და გოლკიპერმა, მანუელ ნოიერმა, გუშინდელ პრესკონფერენციაზე საკუთარი გუნდი გაამხნევა.
"ვფიქრობ, ახლა გაცილებით შემტევი ფეხბურთი გველის, ვიდრე "ენფილდზე" ვიხილეთ.
პენალტების სერია? ეს საკმაოდ დაძაბული სიტუაციაა, რომლის წინასწარ ვარჯიშსაც უბრალოდ აზრი არ აქვს, ამიტომ ამაზე ნამდვილად არ გვაქვს ნამუშევარი.
ჩვენ საკუთარ მოედანზე ვითამაშებთ და მხოლოდ გამარჯვებისთვის ვიბრძოლებთ! ეს თამაში უნდა მოვიგოთ!", - განაცხადა მანუ ნოიერმა.
ჩემპიონთა ლიგის პირველი 1/8 ფინალური მატჩი ლივერპულში უგოლოდ დასრულდა, ამიტომ "ბაიერნს" დღეს საღამოს სახლში მხოლოდ გამარჯვება აწყობს.