...

პრევიუ: გერმანია - ინგლისი

დღეს ევროპულ ფეხბურთში სანაკრებო თამაშები იწყება. გერმანიის ეროვნული გუნდი დორტმუნდში, ამხანააგურ პაექრობაში, ინგლისის ეროვნულ გუნდს მიიღებს და ეცდება, რომ ბრწყინვალე სერია გააგრძელოს.

გერმანია - ინგლისი

ჩემპიონატი: ამხანაგური მატჩი
თარიღი: 22 მარტი, 23:45 საათი
სტადიონი: "სიგნალ იდუნა პარკი", დორტმუნდი
მთავარი მსაჯი: დამირ სკომინა (სლოვენია)
პირდაპირი ტრანსლიაცია: Матч ТВ

გუნდების წინასამატჩო მდგომარეობა


გერმანიის ეროვნულმა ნაკრებმა შემოდგომის პერიოდი ჩინებულად ჩაატარა და მსოფლიო ჩემპიონატის საკვალიფიკაციო ეტაპი კარგად დაიწყო. "ბუნდესნაკრებმა" პირველ ოთხ ტურში ოთხი მშრალი გამარჯვება მოიპოვა და ბოლოს მილანში იტალიის ეროვნულ ნაკრებს ამხანაგურად გაეჯიბრა. ახლა იოახიმ ლიოვის გუნდი მორიგ სერიოზულ ამხანაგურ პაექრობას გამართავს და ინგლისთან შეხვედრა საკმაოდ დიდ ინტერესს იწვევს. გერმანიას ევროპის ჩემპიონატის შემდეგ გოლი არ გაუშვია, მაგრამ დღეს კარში მანუელ ნოიერი არ იქნება. 30 წლის კარის დარაჯს ბარძაყის პრობლემები აქვს, ამიტომ ის მიუნხენში დარჩა. ლიოვის განკარგულებაში კი ახალგაზრდა ბერნდ ლენო, მარკ-ანდრე ტერ შტეგენი და კევინ ტრაპი არიან. სავარაუდოდ, ნოიერს "ბარსელონას" მეკარე შეცვლის. გერმანიის ეროვნული გუნდი კარგ განწყობაზეა და ეცდება, რომ წლის პირველი მატჩი წარმატებით ჩაატაროს, თანაც ეს ლუკაშ პოდოლსკის გაცილებაც იქნება. 31 წლის შემტევმა კარიერა 2016 წლის ზაფხულში დაასრულა, მაგრამ ლიოვმა იმისათვის გამოიძახა, რომ ეროვნული გუნდის მაისურით 130-ე და უკანასკნელი შეხვედრა ჩაატაროს. პოდოლსკი გუნდს უკაპიტნებს და სასტარტო შემადგენლობაშიც იქნება. გარდა ამისა, მოსალოდნელია, რომ ლიოვი შანსს სხვა ახლგაზრდებსაც მისცემს, მათ შორის იოზუა კიმიხს, რომელიც მარჯვენა მცველის ადგილზე იმოქმედებს. ყველაზე საინტერესო კი "ლაიფციგის" ახალგაზრდა თავდამსხმელის, ტიმო ვერნერის, სასტარტოში ხილვა იქნება. გერმანიას საკმაოდ დიდი არჩევანი აქვს, რადგან შემადგენლობაში ბევრი ნიჭიერი მოთამაშეა. ნოიერის გარდა ეროვნულ ნაკრებს მესუტ იოზილი, იულიან დრაქსლერი და მარიო გომესიც დააკლდებიან.


მსოფლიო ჩემპიონატის შესარჩევ ციკლში გოლს არც ინგლისის ნაკრები უშვებს, მაგრამ "სამმა ლომმა" ოთხ თამაშში ათი ქულა დააგროვა და ბოლოს ესპანეთთან ამხანაგურ თამაშში დასანანი გამარჯვება გაუშვა ხელიდან. ინგლისელები "უემბლიზე" 2:0 იგებდნენ, მაგრამ ბოლო წუთებზე ორი ბურთი გაუშვეს და საბოლოოდ, ფრეს დასჯერდნენ. სემ ელერდაისის სკანდალის შემდეგ მთავარი მწვრთნელის პოსტს გარეთ საუთგეითი იკავებს და ჯერჯერობით საკუთარ მოვალეობას კარგად ასრულებს. ინგლისის ნაკრებს ამ შეკრებაზე მთავარი ვარსკვლავი, ჰარი კეინი, არ ჰყავს, სამაგიეროდ დეილი ალი და ადამ ლალანა არიან ჩინებულ ფორმაში. კეინის არყოფნაში კი ცენტრალური თავდამსხმელის პოზიციაზე "ლესტერ სიტის" ფორვარდი, ჯეიმი ვარდი, იმოქმედებს, რომელსაც გერმანიაში უკვე აქვს გატანილი. ინგლისს საკმაოდ პერსპექტიული შემადგენლობა ჰყავს, რამდენიმე გამორჩეული ტალანტით, რომელთაც თავის წარმოჩენის შანსი მიეცემათ. საუთგეითმა ახალგაზრდა ცენტრალური მცველი მაიკლ კინი, შემტევი ნათან რედმონდი, მარკუს რეშფორდი გამოიძახა. გარდა ამისა, რამდენიმე წლიანი პაუზის შედმეგ, ეროვნული გუნდის განაცხადში ვეტერანი ჯერმეინ დეფო დაბრუნდა, რომელიც სწორედ ტრავმირებული კეინის მაგივრად გამოიძახეს. განაცხადში მყოფ ფეხბურთელებს შორის კი ტრავმირებულნი მხოლოდ ფილ ჯონსი და მაიკლ ანტონიო არიან. ინგლისი, საუთგეითის ხელმძღვანელობით, შემტევ და კომბინაციურ ფეხბურთს თამაშობს, ამიტომ მათი ხილვა დორტმუნდში საინტერესო იქნება.

გერმანიისა და ინგლისის ნაკრებები მაყურებელს კარგ სანახაობას შესთავაზებენ. სავარაუდოდ, "სიგნალ იდუნა პარკზე" კარგი მატჩი გაიმართება, ბევრი მომენტითა და დაძაბული ორთაბრძოლით.

სავარაუდო შემადგენლობები

გერმანია: ტერ შტეგენი - კიმიხი, რუდიგერი, ზიულე, ექტორი - ჩანი, ვაიგლი - სანე, მიულერი, პოდოლსკი - ტიმო ვერნერი.

ინგლისი: ჰარტი - უოლქერი, კეტილი, სტოუნსი, ბერტრანი - ჩემბერლეინი, დაიერი - ლალანა, ალი, სტერლინგი - ვარდი.

საინტერესო ფაქტები

  • გერმანიისა და ინგლისის ნაკრებების ბოლო პაექრობა გასული წლის მარტში გაიმართა. მაშინ "ბუნდესთიმმა" "სამ ლომს" ბერლინში უმასპინძლა და საოცარი მატჩი გაიმართა, რომელიც სტუმრების გამარჯვებით დასრულდა - 3:2. გერმანია 2:0 იგებდა, მაგრამ საბოლოოდ დამარცხდა.
  • ბოლო ხუთი ამხანაგური მატჩიდან გერმანიის ეროვნულ გუნდს სამი მოგებული აქვს, ერთი კი საკუთარ მოედანზე სლოვაკეთთან - წაგებული (1:3).

  • საკუთარ მოედანზე ჩატარებული ბოლო რვა ამხანაგური თამაშიდან "ბუნდესნაკრებმა" მხოლოდ ორი მოიგო (ერთი ფრე, ხუთი წაგება).

  • გერმანიის ნაკრების მაისურით ჩატარებულ ბოლო 5 შეხვედრაში თომას მიულერმა 4 გოლი გაიტანა და 3 საგოლე გადაცემა გააკეთა.
  • ინგლისის ნაკრებს ბოლო ექვსი ამხანაგური თამაშიდან ოთხი აქვს მოგებული, ერთი კი შინ ჰოლანდიასთან (1:2) - წაგებული.

  • სტუმრად კი "სამ ლომს" ბოლო შვიდი ამხანაგური პაექრობიდან მხოლოდ ერთი (ესპანეთთან 0:1) აქვს წაგებული, მაგრამ თავადაც მხოლოდ ორჯერ იმარჯვა.

  • ეს გერმანიისა და ინგლისის ნაკრებების მეათე ამხანაგური დაპირისპირებაა ისტორიაში. სტატისტიკა დაბალანსებულია: ოთხი მოგება ინგლისს, ოთხი - გერმანიას და ერთი ფრე.

  • "ბუნდესნაკრებმა" ინგლისელებს, ყველა ტურნიზე ერთად, ხუთჯერ უმასპინძლა, ერთხელ ფრედ ითამაშა, მას შემდეგ კი ოთხიდან ოთხივე მატჩი წააგო. 
  • "სამმა ლომმა" გერმანიაში, ბოლო ოთხ თამაშში, სულ 16 ბურთი გაიტანა და თავად 7 გაუშვა.

მწვრთნელების წინასამატჩო კომენტარები


იოახიმ ლიოვი: ​"ყველას ესმის, რომ ინგლისის ეროვნულ ნაკრებს გარდამტეხი პერიოდი აქვს. "სამი ლომის" მთავარმა მწვრთნელმა პირობა დადო, რომ გუნდი უფრო თანამედროვე ფეხბურთს ითამაშებდა და უფრო მეტ ყურადღებას ბურთის ფლობაზე გაამახვილებდა.

ინგლისსს ჰყავს მოთამაშეები, რომლებიც ინდივიდუალურად მშვენიერ დონეზე ასპარეზობენ. ისინი ძალიან სწრაფები არიან და მინდორზე რისკავენ. თუ ვინმე მთხოვს, რომ ამ გუნდის ერთი განსაკუთრებული თვისება გამოვყო, ვიტყოდი, რომ ეს არის გუნდი, რომელიც მუდმივად იცვლება."

გარეთ საუთგეითი: ​"ჩვენ უნდა შევცვალოთ მიდგომა, ჩვენ უნდა შევცვალოთ საკუთარი ფილოსოფია, თამაშის სტილი, რადგან ფაქტია, რომ ამ ყველაფერმა წარსულში ვერ მოგვიტანა წარმატება. ინგლისის ეროვნულ ნაკრებში ცვლილებების დროა.

სწორედ ამიტომ, გერმანია ჩვენთვის შეიძლება სამაგალითო მოდელი იყოს. რა თქმა უნდა, არაფრის კოპირებას არ ვაპირებთ, მაგრამ უნდა დააფასო ის მიდგომა და ფილოსოფია, რომლის წყალობითაც გერმანელები მუდმივად ნახევარფინალს თამაშობენ, ფინალებშიც გადიან და ტიტულებსაც იგებენ."​​​​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ გერმანიის ნაკრები
მსგავსი სიახლეები
კომენტარები
Mapa T.Dig
Mapa T.Dig | 12 აპრილი 2017 11:59
He killed her in cold blood.
http://www.gorodservis.ru/nazvan-bosch.html
Okay, here's what I think. Are you happy with your weight?
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა