ფლიკი გუნდმა ამ მატჩში ხასიათი და მენტალობა გამოავლინა

ბუნდესლიგის 30-ე ტურის შეხვედრაში მიუნხენის "ბაიერნი" ლევერკუზენის "ბაიერს" ესტუმრა და დამაჯერებელი სხვაობით, ანგარიშით 2:4 სძლია.

მატჩის დასრულების შემდგომ "რეკორდმაისტერის" დამრიგებელმა, ჰანს ფლიკმა პირველი კომენტარი გააკეთა.

"ფეხბურთში მთავარი მიზანი გამარჯვებაა. 2020 წელს გუნდი ძალიან კარგად გამოიყურება, რაც დღესაც გამოჩნდა. თავდაპირველად ცუდად დავიწყეთ, თუმცა, შემდგომ გუნდმა მენტალობა და ხასიათი გამოავლინა და გამარჯვებაც მოვიპოვეთ."

"სამწუხაროდ, დღევანდელ სამყაროში რასიზმი კვლავ არსებობს და ამის მიზეზი რამდენიმე იდიოტი ადამიანია, რომელსაც თავის განსაკუთრებულად წარმოჩენა სურს. დღევანდელი ჩვენი ჟესტი ნათელი გამოხატულებაა იმისა, რომ გუნდი და მისი ყველა წევრი რასიზმს და ძალადობას გმობს." - აცხადებს ფლიკი.