...

ნიკოლას ზიულეს ინტერვიუ

მიუნხენის "ბაიერნის" მომავალმა ცენტრალურმა მცველმა, ნიკოლას ზიულემ, რომელიც "რეკორდმაისტერს" ზაფხულიდან შეუერთდება, "TZ-Online-ს" საინტერესო ინტერვიუ მისცა, რომელშიც მიუნხენურ გრანდში გადასვლის მიზეზებზეც ისაუბრა.

21 წლის გერმანელი ახლა "ჰოფენჰაიმის" ღირსებას იცავს და ივნისის ბოლოს "ბაიერნთან" ხუთწლიან კონტრაქტს გააფორმებს. მისი ტრანსფერი "ბაიერნს" 20 მილიონი ევრო დაუჯდება.

ჰერ ზიულე, რატომ აირჩიეთ "ბაიერნი" და არა ლონდონის "ჩელსი?"

"ორივე შემოთავაზება თითქმის ერთდროულად მივიღე და რა თქმა უნდა სასიამოვნო იყო, რომ პრემიერ ლიგის ლიდერი ჩემით ინტერესდებოდა. თუმცა ჩემთვის უკეთესი ბუნდესლიგაში დარჩენაა, რადგან აქ თავს კარგად ვგრძნობ. "ბაიერნი" კი უბრალოდ პიკია, ამაზე მაღალი დონე მსოფლიოში ნამდვილად არ არსებობს."

მიუნხენურ კლუბში როგორ აპირებ ჟერომ ბოატენგთან და მატს ჰუმელსთან ბრძოლას ძირითადში ადგილის მოსაპოვებლად? მათი სახელები არ გაშინებს?

"პირიქით, ვფიქრობ, ორივესგან ბევრს ვისწავლი. თუ მატსისგან და ჟერომისგან ყოველდღიურად რაიმე ახალს ვისწავლი, საფეხბურთო თვალსაზრისით ახალ დონეზე ავალ."

რას აკეთებენ ისინი შენზე უკეთ?

"ორივე მათგანი ძალიან გამოცდილი მოთამაშეა და ბურთს დიდებულად ფლობენ. როდესაც უყურებ თუ როგორ იწყებს შეტევებს მატსი მარცხენა ან მარჯვენა ფეხით, უბრალოდ აღფრთოვანებული ვრჩები. ჟერომი კი ძალიან დინამიური მცველია, ფიზიკურად ძლიერი და ერთი-ერთზე თამაშის ნამდვილი ოსტატი. როდესაც ვითამაშებ, ერთ-ერთი მათგანის გვერდით ვიქნები და იმედი მაქვს, ეს დამეხმარება."

როგორც ვიცით, თქვენთვის სამაგალითო მცველი ბოატენგია.

"რეალურად კერპი არ მყავს, უბრალოდ ვცდილობ, რომ მსოფლიოს საუკეთესო მცველებს დავაკვირდე და მივბაძო. სერხიო რამოსი, მაგალითად, არის თავით თამაშის ნამდვილი ოსტატი. ჟერომს კი 2014 წლიდან ვაკვირდები, როდესაც ის უმაღლესი კლასის ცენტრალურ მცველად ჩამოყალიბდა."

თქვენ უკვე სამომავლოდ როგორც "ბაიერნის", ისე გერმანიის ნაკრების წევრი ხართ. როგორ აპირებთ ამხელა კონკურენციის გაძლებას?

"მე არანაირ ბრძოლას არ ვიღებ. მიხარია, რომ გერმანიის ეროვნული ნაკრების ღირსებას მეორედ დავიცავ. სიმართლე გითხრათ, როდესაც მოწვევა მივიღე ძალიან გამიკვირდა, მაგრამ ამავდროულად, უაღრესად ბედნიერი ვიყავი. ვეცდები, რომ თავი საუკეთესოდ წარმოვაჩინო, მაგრამ არ ვაპირებ იმ ფეხბურთელებთან ბრძოლას, რომელთაც გაცილებით მეტი გააკეთეს. ამავდროულად, ეროვნულ გუნდში ადგილის მოპოვებას და მოძლიერებას ვეცდები. ამ მომენტისათვის კი ჩემი მთავარი მიზანი მუშაობა და მწვრთნელებზე კარგი შთაბეჭდილების მოხდენაა."

რა როლი ითამაშა კარლო ანჩელოტიმ თქვენი არჩევნის გაკეთებაში?

"ანჩელოტისთან საუბარი არ მქონია. მე კარლ-ჰაინც რუმენიგესა და მიხაელ რეშკეს შევხვდი. მათ დიდებული პერსპექტივა მაჩვენეს. "ბაიერნს" სეზონში 50-ზე მეტი თამაშის ჩატარება უწევს, მაგრამ შემადგენლობაში მხოლოდ 20 ფეხბურთელი ჰყავს. როდესაც გავიგე ეს ამბავი, "ჰოფენჰაიმს" ეგრევე შევატყობინე, რომ კლუბს ვტოვებ."

თქვენ "ბაიერნის" ბურთის მფლობლური სტილისთვის კარგად ხართ მომზადებული. "ბაიერის" წინააღმდეგ 145 პასიდან 140 ზუსტად გააკეთეთ.

"ეს სიგიჟეა. არ ვიცოდი თუ ამ თამაშში ასეთი შთამბეჭდავი სტატისტიკა მქონდა. ვგრძნობდი, რომ მატჩი კარგად მიმდიოდა, მაგრამ რიცხვებმა გამაოცა."

მართალია, რომ ყოფილ მწვრთნელ მარკუს გისდოლთან მცირე პრობლემა გქონდათ, რადგან ის თქვენი წონით უკმაყოფილო იყო ?

"დიახ. ჩვენ თამაში წავაგეთ და გოლი ჩემი უნებლიე შეცდომის გამო გავუშვით. გისდოლი გაბრაზებული იყო და მითხრა, რომ თავი მომეწესრიგებინა. როდესაც შედეგი ნახა, აღარაფერი უთქვამს."

შემდეგ?

"მან ასეთი რამ გვითხრა: "დღეს სამი სავარჯიშო ჯგუფი გვექნება. ნიკოლას შენ მესამე ჯგუფთან ერთად იქნები და ირბენ, რადგან ფეხბურთს 100 კილოთი ვერ ითამაშებ." იმ მომენტისათვის საკუთარ სხეულზე მართაც არ ვზრუნავდი, ბევრ არაჯანსაღ საკვებს მივირთმევდი და ამის გამო ვიყავი მსუქანი."

შეცვალეთ კვება?

"ვერ ვიტყოდი, რომ იდეალურად ვიცავ დიეტას, მაგრამ ამდენ ფასთ-ფუდს აღარ ვიღებ, უფრო მეტ წყალს ვსვამ, დარბაზში უფრო ხშირად მივდივარ და ბევრს ვვარჯიშობ. ვიცი, რომ ახლა კიდევ უფრო მეტი უნდა ვიმუშავო, რადგან "ბაიერნში" მაღალი მოთხოვნებია. იქ პირველივე დღეს ფიზიკურად იდეალურ ფორმაში უნდა ვიყო."скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
Hansi
Hansi | 25 მარტი 2017 17:07
ზიულე მემგონი მაინც 98 კილოა, სმაღლე ზოგან 1,94 წერია, ზოგან 1.95 და ჯერ 21 წლისაა. ეს კიდე მოიმატებს სიმაღლეშიც და წონაშიც მემგონი ჰამბურგერებს თუ არ დაანებებს თავს smiley smiley
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა