მიუნხენის "ბაიერნის" აღმასრულებელი საბჭოს დირექტორმა, კარლ ჰაინც რუმენიგემ ბუნდესლიგის მოპოვების შემდეგ პირველი განცხადება გააკეთა.
"ძალიან უცნაური და კურიოზული ჩემპიონობა მოვიპოვეთ. შემოდგომაზე 7 ქულით ჩამოვრჩებოდით ლიდერს და სუსტადაც გამოვიყურებოდით."
"შემდეგ კი მოვიდა ფლიკი და ყველაფერი თავის ადგილზე დაალაგა. ჩვენ ვადაზე ადრე გავინაღდეთ ტიტული. ყველას გილოცავთ." - აცხადებს რუმენიგე.
შეგახსენებთ, რომ "ბაიერნმა" სტუმრად ბრემენის "ვერდერს" სძლია და ბუნდესლიგის ჩემპიონის ტიტული ზედიზედ მერვედ მოიპოვა.