კიმიხი საშინაო ევრო 2024ზე ნაკრების კაპიტნობა ძალიან ამაყი ვიქნები

გერმანიის ეროვნული ნაკრების ცენტრალურმა ნახევარმცველმა, იოზუა კიმიხმა, თავის სამომავლო ამბიციებზე ისაუბრა.

"საშინაო ევრო 2024-ზე ეროვნული გუნდის კაპიტნობა? ამ კითხვაზე პასუხის გაცემა შეუძლებელია. თუ მართლაც ასე მოხდება, რა თქმა უნდა, ძალიან ამაყი ვიქნები.

თუმცა მნიშვნელობა არ აქვს ვიქნები თუ არა კაპიტანი. ჩემი მიზანი ერთია - საშინაო ევროპის ჩემპიონატისთვის ეროვნული გუნდის წევრობა.

თავადაც ხედავთ, რომ გუნდში ცვლილებები ხორციელდება. მნიშვნელოვანია, რომ თითოეულმა ჩვენგანმა აიღოს საკუთარ თავზე პასუხისმგებლობა და მომავლის გუნდის შენებაზე იზრუნოს", - განაცხადა კიმიხმა.

უეფას გადაწყვეტილებით, 2024 წელს ევროპის ჩემპიონატს გერმანია უმასპინძლებს, ხოლო 24 წლის იოზუა კიმიხი უკვე ეროვნული გუნდის რეგულარული წევრია და ლიდერის თვისებებით გამოირჩევა.

ამჟამად ეროვნული გუნდის კაპიტანი მანუელ ნოიერია.