ბოატენგმა თავის მომავალზე საბოლოო გადაწყვეტილება მიიღო

გასული სეზონის განმავლობაში აქტიურად იწერებოდა იმის შესახებ, რომ მიუნხენის "ბაიერნის" ცენტრალური მცველი, ჟერომ ბოატენგი სულ მალე კლუბს დატოვებდა. თუმცა, როგორც ჩანს, სიტუაცია რადიკალურად შეიცვალა.

გუნდში ჰანს ფლიკის მოსვლის შემდეგ 31 წლის ფეხბურთელს სათამაშო დრო მიეცა და მანაც შეძლო თავის გამოჩენა. სწორედ ამიტომ, ვეტერანმა მცველმა საბოლოოდ "რეკორდმაისტერის" რიგებში დარჩენა გადაწყვიტა.

მოგეხსენებათ, ბოატენგს "ბაიერნთან" კონტრაქტი 2021 წელს ეწურება და ამ დრომდე ის კლუბის დატოვებას არ აპირებს. იმ შემთხვევაში, თუ მხარეები შეთანხმებას მიაღწევენ, მაშინ 31 წლის მოთამაშე ახალ კონტრაქტსაც გააფორმებს.