მიუნხენის "ბაიერნს" გერმანიის ეროვნული ჩემპიონატის 27-ე ტურში შესაძლოა ორი წამყვანი მოთამაშე დააკლდეს.
ავტორიტეტული გერმანული გამოცემა "Bild" იტყობინება, რომ "ფრაიბურგის" წინააღმდეგ კინგსლი კომანისა და დავიდ ალაბას თამაში საეჭვოა.
ორივე მათგანმა საერთაშორისო პაუზის დროს ეროვნული ნაკრების ბანაკში მიიღო დაზიანება და ახლა მათი მდგომარეობა არაოპტიმალურია.
"ბაიერნი", რომელმაც ბუნდესლიგის ბოლო სამ თამაშში 17 გოლი გაიტანა და მშვენიერ ფორმაშია, "ფრაიბურგს" 30 მარტს გასვლაზე შეხვდება.
26 ტურის შემდეგ ბუნდესლიგაში ორხელისუფლებიანობაა - "ბაიერნსა" და დორტმუნდის "ბორუსიას" თანაბარი 60-60 ქულა აქვთ, მაგრამ მიუნხენელები უკეთების ბურთების სხვაობის გამო წინ არიან.