მიუნხენური კლუბის ხელმძღვანელობამ ფრანკფურტის "აინტრახტის" სუპერ-ტალანტის, ლუკა იოვიჩის, ტრანსფერზე მუშაობა დაიწყო.
"Mundo Deportivo"-ს ჟურნალისტი მიგელ რიკო იტყობინება, რომ "რეკორდმაისტერმა" "აინტრახტის" ბოსებს პირველი ოფიციალური წინადადებით მიმართა.
მიუნხენური გრანდის ბოსებმა "არწივებს" ლუკას სანაცვლოდ 56 მილიონი ევრო შესთავაზეს.
"ბაიერნის" გარდა იოვიჩისთვის "ინტერი" და "ბარსელონა" იბრძვიან. ბოლო ინფორმაციით, კატალონიური გრანდი ლუკაში 60 მილიონს იხდის.
21 წლის უნიჭიერესი სერბი მიმდინარე სეზონში ფანტასტიკურად გამოიყურება - ყველა ტურნირზე ერთად ლუკა იოვიჩმა 36 თამაშში 22 გოლი გაიტანა და 5 ასისტი გააკეთა.