ბაიერნის დაცვის გაძლიერებას ლა ლიგის ვარსკვლავით გეგმავს

მიუნხენის "ბაიერნი" ზაფხულის სატრანსფერო ფანჯრის დროს დაცვის ცენტრალური ხაზის გაძლიერებას გეგმავს და სავარაუდო კანდიდატებიც უკვე არჩეული ჰყავს.

გერმანული გამოცემა Kicker-ის ინფორმაციით, ამჯერად "რეკორდმაისტერის" რადარზე ანდალუსიური "სევილიას" 27 წლის მცველი, დიეგო კარლოსი გამოჩნდა.

ბრაზილიელი ფეხბურთელი "დალაქებს" 2019 წელს შეუერთდა სერიოზულ პროგრესსაც განიცდის. მისმა სატრანსფერო ფასმა სეზონის განმავლობაში 15 მილიონი ევროდან უკვე 40 მილიონ ევრომდე აიწია.

როგორც ცნობილია, "რეკორდმაისტერი" კარლოსს ალაბას პოტენციურ შემცვლელად განიხილავს და იმ შემთხვევაში, თუ ავსტრიელი კლუბს დატოვებს, მას სწორედ ბრაზილიელი მცველით ჩაანაცვლებენ.