სანე პასუხისმგებლობას ვგრძნობ მიუნხენში პროგრესისთვს და წარმატებისთვის გადმოვედი

ლეროი სანეპ მიუნხენის "ბაიერნში" პრეზენტაციის დროს პირველი კომენტარი გააკეთა.

"გუნდური ვარჯიშის დროს რამდენიმე ფეხბურთელს შევხვდი. ისინი თბილად დამხვდნენ. რამდენიმე თანაგუნდელს უკვე ვიცნობ ეროვნული ნაკრებიდან."

"ტრანსფერი საკმაოდ სწრაფად განხორციელდა. მე ჰასან სალიჰამიჯიჩს ვესაუბრე და ორივე შევთანხმდით, რომ მისი დასრულება მალევე გვსურდა."

"ჯერ კიდევ ბევრი კომპონენტის განვითარება მსურს. მაგალითად, ძალიან კარგად ვხმარობ მარცხენა ფეხს, თუმცა, ასევე მსურს, რომ ვივარჯიშო მარჯვენა ფეხით თამაშშიც. აქ პროგრესისთვის და წარმატებისთვის მოვედი."

"კლუბს თავიდანვე განვუცხადე, რომ პასუხისმგებლობას ვგრძნობ და მისი ჩემს თავზე აღების არ მეშინია. სწორედ ამიტომ ავირჩიე 10 ნომერი. თუმცა, ეს წნეხის ქვეშ არ მომაქცევს. მე ჩემი მიზნები მაქვს, რომლის შესრულებასაც ვეცდები."

"ჩემპიონთა ლიგა ურთულესი ტურნირია, რომელიც "ბაიერნს" არაერთხელ მოუგია. კლუბს კვლავ აქვს შანსი, ამ გათამაშების მოგების და იმედი მაქვს, წარმატებასაც მიაღწევენ." - აცხადებს სანე.