...

ბაიერი 0:0 ბაიერნი - მატჩის ანალიზი

მატჩის მსვლელობა

კარლო ანჩელოტიმ მადრიდის "რეალთან" საპასუხო მატჩის წინ რამდენიმე ლიდერი, ფილიპ ლამი, ხაბი ალონსო, ფრანკ რიბერი და არიენ რობენი დაასვენა. დაცვის ცენტრში მარტინესი და ალაბა მოქმედებდნენ, მოედნის ცენტრში კიმიხი და ვიდალი, შეტევის ფლანგებზე კი კომანი და დუგლას კოშტა. საწყისი 20-30 წუთი არც თუ ისე სანახაობრივი გამოდგა, რადგან "ბაიერნი" დაბალ ტემპში მოქმედებდა, ლევერკუზენის "ბაიერი" კი ცდილობდა, მაგრამ ბევრი არაფერი გამოსდიოდა. "რეკორდმაისტერმა" მეორე წუთზევე კარგი კომბინაცია გაითამაშა, როდესაც იოზუა კიმიხის კარგი პასით ტიაგო საჯარიმოში შეიჭრა, მაგრამ მისი გადაცემა უკვე იომერ თოფრაქმა ჩაჭრა. მოგვიანებით მარცხენა ფლანგიდან ბერნატმა დუგლას კოშტასთან გაითამაშა კედელი და საჯარიმოში შევიდა, მაგრამ იჩქარა, მოუმზადებლად დაარტყა და ბურთი ბერნდ ლენომ მარტივად დააფიქსირა ხელებში. თავისი მომენტები მასპინძლებსაც ჰქონდათ და პირველი რეალური ხიფათიც სწორედ მათ შექმნეს. კევინ კამპლმა საჯარიმოში ფოლანდს ეფექტურად შეუგდო, რომელმაც ცენტრისკენ იულიან ბრანდტს დაუგორა და ახალგაზრდა გერმანელს, იმის მაგივრად რომ ბურთი კარში გაეშვა, მოეჭრა და ააცილა.

ამის შემდეგ უკვე "ბაიერნი" რეალურად ჩაირთო, ტემპს მოუმატა და თანაც კინგსლი კომანის მარცხენა ფრთაზე გამოდსვლამ თავისი შედეგი გამოიღო. "ბაიერის" მარჯვენა მცველი ჰილბერტი საკმაოდ სუსტად მოქმედებდა, რითიც ახალგაზრდა ფრანგმა და ბერნატმა კარგად ისარგებლეს. კომანის გარღვევის შემდეგ დავიდ ალაბამ მეკარეც ჩამოიტოვა და ცარიელი კარისკენ დაარტყა, მაგრამ ბურთს ჯერ ტინ იედვაი გადაეღობა, შემდეგ კი ვენდელმა კარის ხაზიდან გამოიტანა. თუმცა ცენტრში კიმიხმა ბურთი მალევე დაიბრუნა და ხავი მარტინესმა საჯარიმოს ხაზიდან ყუმბარისებულად გაისროლა, მაგრამ თოფრაქმა დაუბლოკა. შეტევა გაგრძელდა, ვიდალმა ლენოს გადაუგდო, საჰაერო ორთაბრძოლაც მოიგო და ბურთ კარისკენ გაუშვა, მაგრამ "ბაიერი" კვლავ თურქმა კაპიტანმა იხსნა - თოფრაქმა ბურთი კარის ხაზიდან გამოიტანა და სიტუაცია განიმუხტა. ერთ ეპიზოდში "ბაიერნს" გოლის გატანა სამჯერ შეეძლო, მაგრამ ძალიან არ გაუმართლა.


ტაიმის ბოლოს "ბაიერნმა" კიდევ ორი რეალური საგოლე მომენტი შექმნა. რაფინიას შესანიშნავი პასის შემდეგ შეტევა კარგად გაიშალა და მიულერმა საჯარიმოში მარტო დარჩენილ კომანს გამოზომილი პასი გაუკეთა, მაგრამ ფრანგს ლენომ საოცარ ნახტომში აუღო და ბურთზე რეაგირება მოასწრო. დაახლოებით ორ წუთში ბერნატმა მარცხენა ფრთაზე ჩინებული სოლორეიდი განახორციელა და საჯარიმოში კარგად ჩააწოდა. ტიაგო ალკანტარამ პოზიცია მოიგო, დაარტყა, მაგრამ ბურთი კარს ცოტათი გადასცდა. ამას მოჰყვა დუგლას კოშტასა და არტურო ვიდალის ძლიერი შორეული დარტყმები, მაგრამ მიზანს სამხრეთ ამერიკელებმაც ააცილეს. საბოლოოდ, შეხვედრის პირველი ნახევარი უგოლოდ დასრულდა.

მეორე ტაიმში "ბაიერმა" უკან დაიხია და დაცვაში ორგანიზებულად, კომპაქტურად ჩაჯდა. "ბაიერნის" უპირატესობა კი კიდევ უფრო დამაჯერებელი იყო, მაგრამ მიუნხენელებს მეტოქის დაცვის ხაზის გარღვევა ძალიან უჭირდათ. პირველი ხიფათი დუგლას კოშტას გარღვევას მოჰყვა, რომლის ჩაწოდებას თომას მიულერი ვარდნაში გამოეხმაურა, მაგრამ კარისკენ ზუსტად ვერ დაარტყა. მალევე ძალიან კარგი შანსი მიულერმა მიიღო, როდესაც ტიაგომ მეტოქეს ბურთი აართვა და გარმანელი მეკარესთან თითქმის პირისპირ დატოვა, მაგრამ მიულერმა საქმე გაირთულა, მცველის მოტყუებაში დრო დაკარგა, უკან დაიხია და საბოლოოდ მომენტი გააფუჭა. რამდენიმე წუთში მოედნიდან ტინ იედვაი გააძევეს, რომელმაც სახიფათო შეტევა ჩაშალა და მეორე ყვითელი ბარათი მიიღო. ამის შემდეგ "ფარმაცევტები" უკვე მთელი გუნდით დადგნენ საკუთარ საჯარიმოში. ანჩელოტიმ ლამი და რობენი ჩართო თამაშში, მაგრამ "ბაიერნმა" დარჩენილ დროში მხოლოდ ერთი მომენტი შექმნა - მიულერის ჩაწოდების შემდეგ იდეალური შანსი ფილიპ ლამს ჰქონდა, მაგრამ კაპიტანმა ხელსაყრელი პოზიციიდან ბურთი კარს მილიმეტრებით ააცილა.

მიუნხენურ კლუბს ლევერკუზენში არ გაუმართლა და უგოლო ფრეს დასჯერდა, მაგრამ ახლა მთავარი მატჩი წინ არის. კარლო ანჩელოტიმ და მისმა გუნდმა მადრიდში ყველაფერი უნდა გააკეთონ იმისათვის, რომ ჩემპიონთა ლიგის ნახევარფინალში გავიდნენ. "ბაიერთან" ქულების დაკარგვა კი ბევრს გუნდს არაფერს დააკლებს. უბრალოდ გეტყვით, რომ "ლაიფციგთან" უპირატესობა უკვე არა 10, არამედ 8 ქულა გახლავთ.

შესანიშნავი დაცვის ფლანგები


საჭიროების შემთხვევაში, ბუნდესლიგის დონეზე, ფილიპ ლამსა და დავიდ ალაბას მართლაც ღირსეული შემცვლელები ჰყავთ. რაფინიას შესაძლოა ბევრი აკრიტიკებს, მაგრამ ფაქტია, რომ ბრაზილიელმა ძალიან მოუმატა და ბოლო ორი მატჩი ("ჰოფენჰაიმისა" და "ბაიერის" წინააღმდეგ) შესანიშნავად ჩაატარა. პირველ ტაიმში რაფინია გაუვალი იყო და თანაც რამდენიმეჯერ პარტნიორებიც კი დაზღვია და მეტოქე გუნდის შემტევებს ბურთი ფეხიდან სახიფათო სიტუაციებში ააცალა. მეორე ნახევარში კი რაფინია შეტევაშიც კარგად ერთვებოდა და საკმაოდ კარგი შთაბეჭდილება დატოვა. აგრეთვე ქების ღირსია ესპანელი ხუან ბერნატი, რომელიც თავიდან დაცვაში მცირე შეცდომებს უშვებდა, სამაგიეროდ, შეტევაში საოცრად სასარგებლო იყო. ბერნატმა ალბათ მარტომ უფრო მეტი ხიფათი შექმნა, ვიდრე კომანმა და დუგლას კოშტამ ერთად. თუმცა აქვე ისიც აღსანიშნავია, რომ მან მეორე ტაიმში ცოტათი მოუკლო, მაგრამ ეს იმითაც არის განპირობებული, რომ "ბაიერმა" დაცვა გაამაგრა და მარჯვენა ფრთაზე უფრო ყურადღებით მოქმედებდა.

გუშინ გამოჩნდა, რომ გერმანიის ეროვნულ ჩემპიონატში რაფინია და ბერნატი საკმაოდ კარგი მცველები არიან, რომელთა ნდობაც თავისუფლად შეიძლება. ასე, რომ თუ გუნდს სეზონის ბოლომდე კიდევ ექნება მნიშვნელოვანი თამაშები, ანჩელოტის ეცოდინება როგორ უნდა დაასვენოს ლამი და ალაბა, თუ რა თქმა უნდა, საკადრო პრობლემები არ დაემატა.

მაესტრო იოზუა


ლევერკუზენის "ბაიერთა" შეხვედრაში კარგად გამოჩნდა, რომ იოზუა კიმიხი შესანიშნავი ცენტრალური ნახევარმცველია, კარგი მოედნის ხედვითა და პასის კულტურით, ამიტომ მისი დაცვაში დაყენება უბრალოდ საცოდაობა იქნება. ამას პაპა კარლო ანჩელოტი ძალიან კარგად ხედავს, რადგან თავადაც კრეატიული და ტექნიკური ცენტრი იყო და იოზუას შესაძლებლობებს ძალიან კარგად ხედავს. კიმიხმა რამდენიმე ძალიან ჭკვიანური გამჭოლი პასი გააკეთა და დაამტკიცა, რომ ამ პოზიციაზე ძალიან სასარგებლოა. ამის ფონზე კი "ბაიერნის" ბოსები აცხადებენ, რომ ფილიპ ლამის შემცვლელად სწორედ კიმიხს მოიაზრებენ, მაგრამ ფაქტია, რომ კიმიხს მიმდინარე სეზონში ლამის პოზიციაზე არცერთი თამაში არ ჩაუტარებია, მოედნის ცენტრში კი ყოველ ჯერზე ძალიან დამაჯერებლად და ორგანულად გამოიყურება. ჩანს, რომ სწორედ ეს არის მისი ადგილი მოედანზე და კიმიხი ხაბი ალონსოს იდეალური შემცვლელი იქნებოდა. იოც ხაბივით მებრძოლია, კარგი პასი და მოედნის ხედვა აქვს, ამიტომ დავარქვით კიმიხს მაესტრო იოზუა, რომელმაც ალონსოს არყოფნაში სწორედ მისი ფუნქციები ითავა და ყველაფერი იდეალურად გააკეთა. "ბაიერნის" 32-ე ნომერი გუშინ მინდორზე ერთ-ერთი საუკეთესო იყო.

"ბაიარენა" აუღებელ ციხესიმაგრედ იქცა


მიუნხენური გრანდისათვის ბოლო პერიოდში ყველაზე უხერხული სტადიონი სწორედ "ბაიარენა", სადაც "ბაიერნმა" ბოლო რვა წლის განმავლობაში მხოლოდ ერთი გამარჯვება მოიპოვა. უფრო მეტიც "რეკორდმაისტერს" უკვე სამი წელია ლევერკუზენში გოლიც კი ვერ გააქვს. გასულ სეზონში "ბაიერისა" და "ბაიერნის" დაპირისპირება ასევე უგოლოდ დასრულდა, მანამდე კი "ფარმაცევტებმა" შინ 2:0 იმარჯვეს. ის ერთადერთი გამარჯვება "ბაიერნმა" ლევერკუზენში 2012/13 წლების კამპანიაში მოიპოვა, როდესაც იუპ ჰაინკესის გუნდმა ფილიპ ვოლშაიდის ბოლო წუთზე გატანილი ავტოგოლის წყალობით იმარჯვა. მართალია ბოლო წლებში "ბაიერი" საკმაოდ კარგი, კონკურენტუნარიანი, სიმპათიური გუნდია, მაგრამ ეს არანაირად არ ითქმის ტაიფუნ ქორქუთის გუნდზე, რომელიც ძალიან არეულად და არასტაბილურად თამაშობს. მიუხედავად იმისა, რომ ლევერკუზენული კლუბი "ბაიერნისთვის" ერთ-ერთი ყველაზე მისაღები მეტოქეა, "რეკორდმაისტერისთვის" "ბაიარენა" აუღებელ ციხესიმაგრედ იქცა, რომელიც პეპ გვარდიოლას სამი სეზონი უძლებდა და ახლა კარლო ანჩელოტიც შეაკავა. ვნახოთ რა მოხდება მომდევნო სეზონში.

სრული სვლით წინ!

ესეც ასე, ლევერკუზენის "ბაიერთნ" თამაშმაც ჩაიარა და იწყება ყველაზე ნერვიული დღეები. სულ რაღაც 2 დღე და მიუნხენური გრანდი სეზონის გადამწყვეტ თამაშს ჩაატარებს. წინ მადრიდია, "სანტიაგო ბერნაბეუ", სადაც კარლო ანჩელოტის გუნდი უნდა ჩავიდეს და ერთი მისია შეასრულოს - მეტოქეზე ბევრი გოლი გაიტანოს. დიახ, შესაძლოა "რეკორდმაისტერმა" საერთოდ ნომინალური ცენტრალური მცველების გარეშე ითამაშოს, მაგრამ "ბაიერნს" მცველები არც სჭირდება, რადგან ანჩელოტი უბრალოდ გიჟური თამაშის ჩასატარებლად უნდ ჩავიდეს. მადრიდში 2:0-ზე თამაში სრული სისულელე იქნება, ამიტომ გერმანელები თავიდანვე წინ უნდა წავიდნენ და ძირძველი ბრაზილიური პრინციპი გამოიყენონ: "გაგვიტანეთ რამდენიც შეგიძლიათ, ჩვენ გაგიტანთ რამდენიც მოგვინდება!". 3:2, 4:3, 5:4, 6:5 და ა.შ. ყველა ანგარიში "ბაიერნს" აწყობს, ამიტომ რა აზრი აქვს სიფრთხილეს და სწრაფი გოლის არგაშვებას? თუნდაც თავიდანვე გავუშვათ, მისია იგივე იქნება - ორი ბურთის გატანა. სწორედ ამიტომ ახლა სულ ცოტა დასვენება და ხვალიდან სრული სვლით წინ! ანჩელოტის პირველივე სეზონში შეუძლია გააკეთოს ის, რასაც გვარდიოლამ მხოლოდ მესამე წელს მიაღწია - მოიგოს ქომაგების გული არანორმალური გამარჯვებით ( ეს პეპმა ტურინის "იუვენტუსის" დამარცხებით მოახერხა). ჩვენ გვჯერა! MIA SAN MIA!скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბუნდესლიგა მატჩის ანალიზი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა