ჩემპიონთა ლიგის განახლებამდე ორი კვირით ადრე მიუნხენის "ბაიერნის" რიგებში ტრავმიანობა კვლავ გრძელდება.
დღეს "რეკორდმაისტერმა" მორიგი გუნდური ვარჯიში ჩაატარა, თუმცა, სამწუხაროდ მარჯვენა მცველმა, ბენჟამინ პავარმა დაზიანება მიიღო, რის გამოც საწვრთნელი ბაზა დროზე ადრე დატოვა.
კლუბის ოფიციალური საიტის ცნობით, საქმე მყესის დაზიანებასთან გვაქვს. ჯერ-ჯერობით უცნობია, ზუსტად რა დრო გაუცდება ფრანგ მცველს, თუმცა, პირველადი დაკვირვებით ტრავმა საკმაოდ სერიოზულია.
გერმანული გამოცემების ინფორმაციით, არ არის გამორიცხული, პავარმა გუნდის დახმარება ჩემპიონთა ლიგის დარჩენილ ეტაპზე ვერ მოახერხოს.