...

პრევიუ: ბაიერნი - მაინცი

სამწუხაროდ, შუაკვირას მიუნხენის "ბაიერნი" ჩემპიონთა ლიგის გათამაშებას მეოთხედფინალურ ეტაპზე გამოეთიშა, მაგრამ ცხოვრება გრძელდება, სეზონი გრძელდება და წინ კიდევ რამდენიმე მნიშვნელოვანი თამაშია.

დღეს "რეკორდმაისტერი" გერმანიის ეროვნულ ჩემპიონატში თავის მორიგ თამაშს ჩაატარებს. მიუნხენელები 30-ე ტურში "მაინცს" უმასპინძლებენ და ეცდებიან, რომ ხასიათი ცოტათი მაინც გამოისწორონ.

ბაიერნი - მაინცი

ჩემპიონატი: გერმანიის ბუნდესლიგა, XXX ტური
თარიღი: 22 აპრილი, 17:30 საათი
სტადიონი: "ალიანს არენა", მიუნხენი
მთავარი მსაჯი: ფრანკ ვილენბორგი
პირდაპირი ტრანსლიაცია: Setanta sports georgia+
იხილეთ მატჩის პროგნოზი
აჭარაბეთის კოეფიციენტები: 1 - 1.23; X - 6.50; 2 - 16.00

გუნდების წინასამატჩო მდგომარეობა


"ბაიერნმა" სამშაბათს მადრიდში არანორმალური ბრძოლა გადაიტანა და "რეალის" წინააღმდეგ მინდორზე ყველაფერი დატოვა. "რეკორდმაისტერის" გულშემატკივრები და მოთამაშეები საშინლად იმედგაცრუებულნი დარჩნენ, რადგან "ბაიერნს" თამაში მთავარმა მსაჯმა გაუფუჭა, თანაც მაშინ, როდესაც გუნდი 2:1 იგებდა და მომდევნო ეტაპზე გასასვლელად კიდევ ერთი გოლი სჭირდებოდა. საბოლოოდ კი, გერმანული გრანდი დამატებით დროში 2:4 დამარცხდა და ტურნირს სკანდალურად, მაგრამ თავაწეულად დაემშვიდობა. კარლო ანჩელოტიმ და მისმა გუნდმა მეტოქეს 10 კაცითაც კი შეუტიეს, მანუელ ნოიერი 10 წუთი საერთოდ მოტეხილობით თამაშობდა, მაგრამ მაინც მარცხი, რაც ძალიან მტკივნეულია. "ბაიერნმა" ყველაფერი ჩადო ამ თამაშში, მაგრამ ბედმა საშინლად გაწირა. თუმცა ასეთები ფეხბურთში ხდება და რთული სიტუაციიდან გამოსვლა ყოველთვის უნდა შეგეძლოს, რაც მიუნხენურ კლუბს ნამდვილად არ ესწავლება. რაც მოხდა, მოხდა, ამას ვეღარავინ შეცვლის, ახლა "ბაიერნმა" წინ უნდა გაიხედოს და გერმანიაში დუბლი დაიცვას. ბუნდესლიგაში გასულ უქმეებზე "რეკორდმაისტერს" ლევერკუზენში ძალიან არ გაუმართლა და მხოლოდ უგოლო ფრეს დასჯერდა, ამიტომ დღეს მხოლოდ გამარჯვებისთვის იბრძოლებს. როგორც კარლო ანჩელოტიმ განაცხადა, "ბაიერნმა" საჩემპიონო ტიტული რაც შეიძლება სწრაფად უნდა გაიფორმოს, ამიტომ დღეს სამი ქულა სავალდებულოა. ნოიერი ტერფის სერიოზული ტრავმის გამო ამ სეზონში ვეღარ ითამაშებს, ამიტომ მას სვენ ულრაიხი შეცვლის ხოლმე. 28 წლის გერმანელ კიპერს საკუთარი შესაძლებლობების დამტკიცების იდეალური შანსი ეძლევა. გარდა ამისა, გუნდს მცირე პრობლემების გამო ხავი მარტინესი და ჟერომ ბოატენგი ვერ დაეხმარებიან. სავარაუდოდ დაცვის ცენტრში დავიდ ალაბა შეიწევს, მარცხნივ კი ხუან ბერნატი დადგება, მაგრამ არც ფელიქს გიოტცეს გამოჩენა გამოვრიცხოთ.


"მაინცმა" გასულ უქმეებზე ბუნდესლიგაში ხუთმატჩიანი წაგებების სერია შეწყვიტა და შინ ბერლინის "ჰერტასთან" 25 თებერვლის შემდეგ პირველი გამარჯვება მოიპოვა. შეხვედრაში ერთადერთი ბურთი ჯონ ბრუკსმა საკუთარ კარში გაიტანა და "კარნავალელებს" ძალიან მნიშვნელოვანი სამი ქულა აჩუქა, რომლის გარეშეც გუნდი გადათამაშების ზონაში დაეშვებოდა. "მაინცი" 32 ქულით მე-15 პოზიციაზე იმყოფება და "აუგსბურგს" მხოლოდ ბურთების უკეთესი სხვაობის გამო უსწრებს. "ინგოლშტადტიც" არ არის განწირული, რადგან "შავებს" 28 ქულა აქვთ, ამიტომ "მაინცისთვის" დარჩენილ ტურებში ყოველი მატჩი ფინალის ტოლფასია და მარტინ შმიდტის შეგირდები მოედანზე მაქსიმუმს დადებენ. ბოლო თამაშებში გუნდს შეტევაში აქვს პრობლემები და როგორც ჩანს, იუნეს მალის, წასვლამ სტაბილურად თამაშზე გავლენა იქონია. ახლა იოზტუნალიც ამოვარდა ფორმიდან, ახალწვეული ბოიან კრკიჩი და ქაისონი კი დიდად ვერ ბრწყინავენ. თუმცა ორივე მათგანი საკმაოდ ტექნიკური მოთამაშეა, რომელთაც ათამაშების შემთხვევაში "მაინცისთვის" დიდი სარგებლის მოტანა შეუძლიათ. "კარნავალელებს" კვლავ ბუსმანი, ციმილინგი, კლემენტი და პარკერი ვერ ეხმარებიან, მაგრამ ეს არც თუ ისე სერიოზული დანაკლისია. გამომდინარე იქიდან, რომ "მაინცს" ქულები ძალიან, ძალიან სჭირდება, მარტინ შმიდტის გუნდი მიუნხენში ყველაფერს გააკეთებს, რათა შინ ერთი ქულა მაინც წაიღოს.

ბუნდესლიგაში აუტსაიდერებთან თამაში მარტივი არასოდეს არის, თანაც "ბაიერნი" ძალიან დაღლილია, ამიტომ იოლი გასეირნება ნამდვილად არ გველოდება. მადრიდში 120 წუთიანი ბრძოლის გათვალისწინებით მოსალოდნელია როტაცია.

სავარაუდო შემადგენლობები

ბაიერნი: ულრაიხი - რაფინია, ჰუმელსი, ალაბა, ბერნატი - კიმიხი, სანჩეში - კომანი, ტიაგო, დუგლას კოშტა - ლევანდოვსკი.

მაინცი: ჰუტი - დონატი, ბალოგუნი, ბელი, ჰაკი, ბროზინსკი - ფრაი, ლატცა - იოზტუნალი, ქაისონი - კორდობა.

საინტერესო ფაქტები

  • "ბაიერნს" 2015 წლიდან მოყოლებული ჩემპიონთა ლიგის შემდეგ ბუნდესლიგაში არცერთი თამაში არ წაუგია: 16 მოგება, 5 ფრე.

  • გერმანული ფეხბურთის გრანდი "მაინცს" ისტორიაში 22-ჯერ ხვდება და სრული უპირატესობა აქვს: 15 მოგება, 2 ფრე და 4 წაგება.
  • "ბაიერნს" ამ გუნდების დაპირისპირებების ისტორიაში ორჯერ მეტი გოლი აქვს გატანილი - 54 23-ს წინააღმდეგ.

  • "რეკორდმაისტერმა" "მაინცს" ბოლო 9 შეხვედრიდან 8 მოუგო, პირველ წრეში კი გასვლაზე 3:1 დაამარცხა.

  • მიუნხენურ კლუბს ეროვნულ ჩემპიონატში საკუთარ მოედანზე 19 მატჩიანი დაუმარცხებელი სერია აქვს (15 მოგება, 4 ფრე). ბოლო გუნდი კი, რომელმაც "ბაიერნი" "ალიანს არენაზე" დაამარცა, სწორედ "მაინცია". მარტინ შმიდტის გუნდმა გასული სეზონის ბოლოს მიუნხენში 2:1 მოიგო.
  • კარლო ანჩელოტის გუნდმა 29 ტურში მხოლოდ 15 ბურთი გაუშვა, რაც ფენომენალური მაჩვენებელია! ვნახოთ რას მოგვიტანს სვენ ულრაიხის კარში ჩადგომა.

  • "მაინცი" ძალიან სახიფათოა სტანდარტებზე, საიდანაც "კარნავალელებმა" მიმდინარე სეზონში 17 გოლი გაიტანეს. უკეთესი შედეგი მხოლოდ "ჰოფენჰაიმსა" და "ინგოლშტადტს" აქვთ - 18.

  • თავით კი "მაინცს" ყველაზე მეტი (12) ბურთი აქვს შეგდებული, მაგრამ "ბაიერნი" ბუნდესლიგაში ერთადერთი გუნდია, რომელსაც ჯერ თავით გოლი არ გაუშვია.
  • ფრანკ ვილენბორგი "ბაიერნის" თამაშზე პირველად იმუშავებს. 38 წლის გერმანელი მსაჯი ოზნაბრიუკიდან არის და ბუნდესლიგაში მუშაობა ამ სეზონიდან დაიწყო.

  • "ბაიერნის" რიგებში დისკვალიფიკაციის საფრთხის ქვეშ მატს ჰუმელსი იმყოფება, რომელსაც 4 ყვითელი ბარათი აქვს. "მაინცის" შემადგენლობაში კი ბიუნგერტი და დე ბლაზისი.

მწვრთნელების წინასამატჩო კომენტარები

კარლო ანჩელოტი: "​​​მადრიდის "რეალთან" მარცხის შემდეგ ჩვენ დიდებული შესაძლებლობა გვეძლევა, რომ რეაბილიტაცია მოვახდინოთ. ტიტულის მოგება რაც შეიძლება სწრაფად გვჭირდება. ჩვენ კარგ პოზიციაზე ვართ კარგი უპირატესობით.

ჩვენ გამარჯვება, მაღალი დონის თამაში გვჭირდება და საკუთარი ქომაგების თვალწინ ამის გაკეთება ნამდვილად შეგვიძლია. "მაინცის" წინააღმდეგ საუკეთესო გუნდი ითამაშებს. "ბორუსიასთან" სათასო მატჩამდე კი ძალების აღსადგენად საკმარისი დრო გვაქვს.

ნოიერის არყოფნა? ეს ჩვენს ტაქტიკას არანაირად არ ცვლის. სვენს სრულიად ვენდობი, რადგან ის კვალიფიციური მეკარეა. მარტინესი და ბოატენგი დღეს ვერა, მაგრამ "ბორუსიასთვის" მზად იქნებიან. ჰუმელსი კი უპრობლემოდ ვარჯიშობს."

მარტინ შმიდტი: ​"თუ ჩვენ საუკეთესო ფეხბურთს ვაჩვენებთ და მინდორზე მაქსიმუმს დავდებთ, მაშინ ამ თამაშის მოგებაზე ოცნება შეგვიძლია. თუ 100%-თ არ დავიხარჯებით, უბრალოდ შანსი არ გვაქვს."​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა