...

ბაიერნი 2:2 მაინცი - მატჩის ანალიზი

მატჩის მსვლელობა

მიუხედავად იმისა, რომ მიუნხენურმა კლუბმა რამდენიმე დღის წინ მადრიდში სამკვდრო-სასიცოცხლო ბრძოლა გადაიტანა, კარლო ანჩელოტიმ როტაციას მაინც არ მიმართა და მხოლოდ ორი ვეტერანი, ფილიპ ლამი და ხაბი ალონსო, დაასვენა. ხავი მარტინესისა და ჟერომ ბოატენგის არყოფნაში დაცვის ცენტრში დავიდ ალაბა დადგა, ხოლო მისი პოზიცია მარცხნივ ესპანელმა ხუან ბერნატმა დაიკავა. სხვა ალონსოს მაგივრად უკან ტიაგო ალკანტარამ დაიხია, ხოლო ათიანის პოზიციაზე თომას მიულერმა იმოქმედა. "მაინცის" რიგებში კი სიახლე არაფერი ყოფილა, რადგან "კარნავალელებმა" მოსალოდნელი ტაქტიკითა და თერთმეტეულით ითამაშეს.

მატჩი მაღალ ტემპში დაიწყო და გოლი ძალიან სწრაფად გავიდა. მატჩის მესამე წუთზე ლევინ იოზტუნალი მარჯვენა ფრთაზე ბერნატს გასცდა და საჯარიმოში სახიფათოდ ჩააწოდა. ბურთზე სვენ ულრაიხმა სროულად ითამაშა და "ბაიერნი" საფრთხისგან იხსნა. თუმცა რაფინიას პასის შემდეგ არტურო ვიდალმა საჯარიმოს წინ ძალიან უყურადღებოდ ითამაშა და ბურთი პირდაპირ ბოიან კრკიჩს ჩააბარა, რომელმაც ტიაგო მარტივად მოატყუა და ულრაიხს ფეხებს შუა გაუძვრინა - 0:1! ტექნიკურმა ესპანელმა ბუნდესლიგაში თავისი პირველი გოლი გაიტანა. რამდენიმე წუთზე "მაინცმა" ძალიან კარგი კონტრშეტევა განახორციელა. მუტომ ცენტრიდან წამოიღო და საჯარიმოში იოზტუნალის შეუყოლა, რომელმაც კარგად დაარტყა, მაგრამ ულრაიხმა ჩინებული რეაქცია გამოავლინა და "ბაიერნი" გოლისგან იხსნა. უკვე მომდევნო შეტევაში კი ფეხბურთის დაუწერელი კანონი ამოქმედდა - ვერ გაიტანენ, გაგიტანენ! ჰუმელსმა კარგი პასით "რეკორდმაისტერი" დაცვიდან შეტევაში გადაიყვანა. მიულერმა მარცხნივ რიბერის გაუყოლა, რომელმაც საჯარიმოში რობენს შეუგორა და ჰოლანდიელმა შორეულ კუთხეში უპრობლემოდ ჩასვა - 1:1, "მფრინავმა ჰოლანდიელმა" ბუნდესლიგის მიმდინარე სეზონში თავისი მეათე ბურთი გაიტანა.


გოლიდან ერთ წუთში მოედანი დავიდ ალაბამ დატოვა. ავსტრიელს კუნთის პრობლემა შეექმნა და მისი ადგილი დაცვის ცენტრში იოზუა კიმიხმა დაიკავა. "ბაიერნი" საკმაოდ ქაოტურად მოქმედებდა და საკუთარ თამაშს ვერ პოულობდა. ვიდალი და ტიაგო ცენტრში არადაბალანსებულად თამაშობდნენ, ამიტომ "მაინცს" შანსები ეძლეოდა. ერთ-ერთი ეპიზოდში რობენმა საოცარი სისწრაფე განავითარა და მარჯვნივ თავისუფალ მიულერს გადააწოდა, რომელმაც საჯარიმოსთან მისულმა, შორეულ კუთხეში გაუშვა, მაგრამ სულ ცოტა დააკლდა. ამის შემდეგ ბოიანს დუბლის გაფორმება შეეძლო, როდესაც კიმიხის ცუდი გამოტანის დროს ბურთი ძალიან კარგ პოზიციაზე მიუვიდა, მაგრამ მოეჭრა. დაახლოებით 2 წუთში კი ქაისონის პასის შემდეგ მუტომ ბურთი საჯარიმოში მიიღო, უკან წამოვიდა და კიმიხის ფეხს წამოედო. არბიტრმა პენალტი დანიშნა და ბურთთან დანიელ ბროზინსკი მივიდა. "მაინცის" განაპირა მცველის დარტყმულს ულრაიხი შეეხო, მაგრამ ბურთის მოგერიება ვეღარ მოახერხა.

საბოლოოდ პირველი ტაიმი ასეც მორჩა და შესვენებაზე ანჩელოტიმ თამაშში ეგრევე ახალგაზრდა კინგსლი კომანი ჩართო. მან ფრანკ რიბერი შეცვალა და მარცხენა ფლანგზე თამაში მართლაც გაამწვავა. მიუნხენელებმა მეორე ნახევრის დებიუტში ულამაზესი კომბინაცია გაითამაშეს. რობენმა მიულერს დაუტოვა, რომელმაც ცენტრისკენ საჯარიმოსთან ვიდალს დაუგორა და ჩილელმა საჯარიმოში ლამაზად ტიაგოს ჩაუგდო. ესპანელმა მკერდით მიიღო და მარცხენა ფეხით დაარტყა, მაგრამ "მაინცი" ჰუტმა ჩინებულ ნახტომში გადაარჩინა. "ბაიერნმა" კუთხური გაითამაშა, რის შემდეგაც რობენმა თავის სტილში მარცხენა გაისროლა, მაგრამ ბურთი კარს გადააცილა. მიუნხენურმა კლუბმა სრული უპირატესობა მოიპოვა, ბურთი დაიჭირა, მაგრამ მომენტების შექმნა უჭირდა. იყო კომანის შორეული დარტყმა, რომელიც ჰუტმა მოიგერია, მაგრამ საბოლოოდ "ბაიერნმა" მიზანს მაინც მიაღწია. რობენმა ტიაგოს გადააწოდა, რომელმაც ბურთი მიიღო, უშეცდომო შტეფან ბელი დააწვინა და შორეულ კუთხეში ძალიან ლამაზი დარტყმით წონასწორობა აღადგინა.


დარჩენილ დროში "მიანცმა" თავი კარგად დაიცვა და ერთი ქულა მოიპოვა. იყო ეპიზოდი, როდესაც მსაჯმა "მაინცის" კარში აშკარა პენალტი არ დანიშნა და აგრეთვე, რობენს მიულერის პასის შემდეგი კარგი შანსი ჰქონდა, მაგრამ ვერ გამოიყენა და "ბაიერნმა" ბოლო 4 ტურში უკვე მეშვიდე ქულა დაკარგა. კარლო ანჩელოტის გუნდმა "რეალთან" მარცხის შემდეგ საკუთარ მოედანზე რეაბილიტაცია ვერ მოახდინა და ახლა დორტმუნდის "ბორუსიასთვის" მოემზადება.

გუნდი ფსიქოლოგიურად გადაიღალა

დღეს ძალიან კარგად გამოჩნდა, რომ მოთამაშეები არამხოლოდ ფიზიკურად, არამედ ფსიქოლოგიურად, მორალურადაც იღლებიან და გარკვეული დრო სჭრიდებათ, რათა ახალი ძალებით გააგრძელონ ბრძოლა. სამშაბათს "სანტიაგო ბერნაბეუზე" მიუნხენის "ბაიერნმა" არანორმალური ორთაბრძოლა გადაიტანა, მადრიდში 120 წუთის განმავლობაში სისხლის ბოლო წვეთამდე იბრძოდა, რაც რა თქმა უნდა, ძალიან, ძალიან რთულია. ტიაგო ალკანტარასა და ფრანკ რიბერის აშკარად ფიზიკური დაღლილობა ეტყობოდათ, აი არტურო ვიდალი კი იმის ნათელი დასტური იყო, რომ "რეკორდმაისტერი" ემოციურადაც ძალიან დაიხარჯა. 29 წლის ჩილელმა უკვე დებიუტშივე ბავშვური შეცდომა დაუშვა, ამას კი რამდენიმე არაზუსტი პასი მოჰყვა, თანაც სრულიად უწყინარ და მშვიდ სიტუაციებში. აშკარა იყო, რომ არტურო ჯერ კიდევ მადრიდში იმყოფებოდა და იმ არანორმალურ თამაშს, რომელიც ამავდროულად ძალიან სკანდალური გამოდგა, ვერაფრით ივიწყებდა. თუმცა ეს ნორმალური მომენტია და არაფერია იმაში გასაკვირი, რომ "ბაიერნი" ფსიქოლოგიური თვალსაზრისით ცოტათი დათრგუნული და საკმაოდ გადაღლილია.

სწორედ ამიტომ "მაინცთან" ეს მატჩი მნიშვნელოვანი იყო იმ თვალსაზრისით, რომ მოთამაშეებმა ცოტათი გული გადააყოლეს და ახლა დორტმუნდის "ბორუსიასთან" თასის ნახევარფინალისთვის სხვა მოტივაციით დაიწყებენ მზადებას.

ალონსოს ფაქტორი


ხაბი ალონსოზე ხშირად ამბობენ, რომ ის "ბაიერნის" თამაშს ანელებს, მაგრამ ამჯერად ყველაფერი ზუსტად საპირსპიროდ მოხდა - ვეტერანი ესპანელის გამოსვლით ცენტრში მიუნხენელების თამაში აჩქარდა, უფრო დინამიური და სტაბილური გახდა. თუმცა ამაში გასაოცარი არც არაფერია, რადგან მინდორზე დასვენებული მოთამაშე გამოჩნდა, რომელსაც ფანტასტიკური მოედნის ხედვა და პასი აქვს. 35 წლის ესპანელმა ჩინებული გავლენა იქონია და "ბაიერნის" თამაში მართლაც გამოაცოცხლა. მისი წყალობით "რეკორდმაისტერის" ფლანგები უფრო აქტიურად და რაც მთავარია სწრაფად იტვირთებოდნენ, რაც მნიშვნელოვანი გაუმჯობესება იყო. ხაბი თამაშში კარგად ჩაერთო, მაგრამ განსაკუთრებული რამის გაკეთება ვერ მოახერხა. უბრალოდ აღსანიშნავია, რომ დღეს ყველაზე დიდი გავლენა გუნდის თამაშზე სწორედ ალონსომ იქონია, რომელმაც დაღლილი ვიდალის შეცვლის შემდეგ უფრო სხარტი და თამამი გადაწყვეტილებები მიიღო, რამაც "ბაიერნის" თამაში ერთიორად აასწრაფა, გაამწვავა.

საკამათო ეპიზოდები

დღევანდელ შეხვედრაში ორი საკამათო ეპიზოდი იყო და ჩვენც, ჩვეულებისამებრ, ასეთ მომენტებს დეტალურად განვიხილავთ ხოლმე.

თავდაპირველად უნდა გავიხსენოთ პენალტის ეპიზოდი, როდესაც იოზუა კიმიხმა საჯარიმოში "მაინცის" იაპოენლი ფორვარდი, იაშინური მუტო, წააქცია და ბროზინსკის გოლის გატანის საშუალება მისცა.


აშკარად ჩანს, რომ კიმიხმა მუტოს გაშლილი ფეხი მიარტყა, წესების დარღვევა არის და შესაბამისად პენალტიც სრულიად სამართლიანად დაინიშნა. აქ ისიც უნდა აღვნიშნოთ, რომ კიმიხმა მიმდინარე სეზონში ცენტრალური მცველის პოზიციაზე პირველად ითამაშა და ამ ეპიზოდში თერთმეტმეტრიანი უაზროდ აიკიდა. როგორც ჩანს, ჩვენი ნიჭიერი გერმანელის ადგილი ამ ადგილას მართლაც არ არის, მაგრამ დანარჩენი დრო მან საკმაოდ დამაჯერებლად ჩაატარა.

კიდევ ერთი და კიდევ უფრო უცნაური მომენტი ტიაგოს გოლიდან რამდენიმე წუთში მოხდა, როდესაც "მაინცის" საჯარიმოში ალექსანდრ ჰაკმა, რომელმაც ფანტასტიკური მატჩი ჩაატარა, რობერტ ლევანდოვსკის ძალიან სახიფათოდ გაშლილი ფეხი ჩაარტყა, მაგრამ რატომღაც მსაჯებმა წესების დარღვევა ვერ დაინახეს.


სურათის ხარისხი საკმაოდ დაბალია, მაგრამ აქაც მშვენივრად ჩანს, რომ ჰაკი ბურთზე საერთოდ არ თამაშობდა და გაშლილი ფეხი პირდაპირ ლევანდოვსკის კოჭში ჩაარტყა. ეს მინიმუმ პენალტი და ყვითელი ბარათია, მაგრამ "მაინცი" გადარჩა.

ასეა თუ ისეა მიუნხენის "ბაიერნმა" საკუთარ კედლებში რეაბილიტაციის მოხდენა ვერ მოახერხა, მაგრამ არაუშავს, ბუნდესლიგაში წინ მხოლოდ 4 თამაშია და "რეკორდმაისტერი" უპირატესობას ნამდვილად არ გაფლანგავს! ახლა კი წინ სეზონის დარჩენილ ნაწილში ყველაზე მნიშვნელოვანი თამაშია - გერმანიის თასის ნახევარფინალი დორტმუნდის "ბორუსიას" წინააღმდეგ. კარლო ანჩელოტის გუნდმა მზადება უკვე დაიწყო და ეს დიდებული მატჩი 26 აპრილს "ალიანს არენაზე" გაიმართება.скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბუნდესლიგა მატჩის ანალიზი
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა