...

უფრო მეტი, ვიდრე უბრალოდ სპორტული დირექტორი

2016 წლის ზაფხულში, ყველასათვის მოულოდნელად და სამწუხაროდ, მიუნხენის "ბაიერნისა" და დიდებული გერმანელი სპეციალისტის, მატიას ზამერის, ურთიერთობა შეწყდა. ამის მიზეზი კი ზამერის ჯანმრთელობის მდგომარეობა და ტვინის მცირე დაზიანება გახდა, რომლის გამოც მატიასმა მოვალეობის შესრულების გაგრძელებაზე უარი განაცხადა და პოსტი საკუთარი ნებით დატოვა.

ზამერის მიუნხენური კარიერა ოთხი წლის განმავლობაში გაგრძელდა და ეს პერიოდი სპორტული დირექტორისთვის არც ცოტაა, მაგრამ არც - ბევრი. ზოგადად, ეს ის თანამდებობაა, რომელიც საფეხბურთო თვალსაზრისით წინა პლანზე ნამდვილად არ არის წამოწეული, მაგრამ ერთეული გამონაკლისები არსებობს. ამის ნათელი მაგალითი არგენტინელი ხორხე ვალდანოა, რომელიც მადრიდის "რეალის" სპორტული დირექტორი იყო და უდიდესი პატივისცემით სარგებლობდა. იგივეს თქმა შეიძლება მატიას ზამერზე, მაგრამ ის "ბაიერნისთვის" უფრო მეტს ნიშნავდა, ვიდრე ვალდანო "სამეფო კლუბისთვის" და საერთოდ რომელიმე სპორტული დირექტორი რომელიმე კონკრეტული კლუბისთვის. ეს გენიალური ადამიანი არამხოლოდ თავის პირდაპირ მოვალეობას ასრულებდა, არამედ შიდა სამზარეულოშიც იყო ჩართული, მოთამაშეებსაც ეხმარებოდა და სამწვრთნელო საქმიანობაშიც კი ერეოდა.

ნოემბრის ბოლოს, როდესაც ული ჰიონესი ალბათ უკვე მიუნხენური გრანდის ახალი პრეზიდენტი იქნება, იგეგმება ვახშამი მასსა და მატიას ზამერს შორის. ეს ერთგვარი გამოსამშვიდობებელი მომენტი იქნება, რადგან ზამერი "ბაიერნში" სწორედ ძია ულიმ მიიყვანა და საკმაოდ დიდი ნდობაც გამოუცხადა. მან სპორტული დირექტორის პოსტი საკმაოდ საპასუხისმგებლო პერიოდში ჩაიბარა და ყველაფერი იდეალურად გააკეთა. ახლა კი იმაზე თუ რატომ არის მატიას ზამერი უფრო მეტი, ვიდრე უბრალოდ სპორტული დირექტორი.

ფსიქოლოგიური ფაქტორი
2011/12 წლების დასანანი და ძალიან მტკივნეული სეზონის შემდეგ "ბაიერნმა" სერიოზული ცვლილებები დაიწყო. ული ჰიონესის პირველი ნაბიჯი კი სპორტული დირექტორის პოსტზე ლეგენდარული მატიას ზამერის დანიშვნა იყო. გარდა იმისა, რომ ის ამ თანამდებობაზე გერმანიის ეროვნულ ნაკრებში ექვსი წელი მუშაობდა, გუნდმა ზამერის სახით სერიოზული ავტორიტეტი და ნამდვილი გამარჯვებული დაიმატა. მატიასი დიდებული ფეხბურთელი იყო, რომელსაც მოგებული აქვს ევროპის ჩემპიონატი, ჩემპიონთა ლიგა, არის ბოლო გერმანელი, რომელმაც ოქროს ბურთი მოიპოვა. საფეხბურთო კარიერის დასრულების შემდეგ კი ცოტა ხნით დორტმუნდის "ბორუსიას" მთავარი მწვრთნელიც იყო და "ყვითლებს" 2002 წელს ბუნდესლიგა მოაგებინა. ამ უნიკალურმა ჩემპიონმა ზუსტად იცოდა თუ რა იყო საჭირო წარმატებისათვის და მიუნხენურ კლუბში ახალი, დადებითი, ძლიერი მუხტი შეიტანა. თავიდანვე ნათელი გახდა, რომ "ბაიერნმა" არამხოლოდ ძლიერი სპორტული დირექტორი, არამედ გერმანულ ფეხბურთში პატივსაცემი და ლეგენდარული პერსონა გადაიბირა, საკმაოდ ძლიერი და მტკიცე ხასიათით. ზამერმა გუნდის მთავარ მწვრთნელთან, იუპ ჰაინკესთან, თავიდანვე შესანიშნავი ურთიერთობა დაამყარა და ჩინებული თანდემი შეიქმნა.

თამაშში ჩართულობა
ძალიან იშვიათი სანახავია სპორტული დირექტორი, რომელიც გუნდის სათადარიგო სკამზე, სამწვრთნელო შტაბთან ერთად ზის, მაგრამ მატიას ზამერს მიუნხენური გრანდის არც ერთი თამაში არ გამოუტოვებია. ის ჯერ იუპ ჰაინკესის, შემდეგ კი პეპ გვარდიოლას სიახლოვეს იჯდა, მთავარ მწვრთნელთან აქტიური ურთიერთობა ჰქონდა თამაშშიც მთელი სულითა და გულით იყო ჩართული. ესეც იმის დასტურია, რომ მატიასის ავტორიტეტი საკმაოდ დიდი იყო და მას შეეძლო "ბაიერნის" ტაქტიკურ მონახაზშიც კი შეეტანა ცვლილებები. გარდა ამისა, როგორც უკვე აღვნიშნეთ, მას ძლიერი მენტალიტეტი ჰქონდა და გასახდელში მოთამაშეების მოტივირებაც იდეალურად შეეძლო. ყველაფერს რომ თავი დავანებოთ, ზამერი წარსულში წარმატებული ფეხბურთელი და წარმატებული მწვრთნელი იყო, ამიტომ ჰაინკესისა და გვარდიოლას მარჯვენა ხელად სამართლიანად ითვლებოდა.
2012/13 წლების ბუნდესლიგის სეზონის ბოლოს, მატიას ზამერისა და იურგენ კლოპის შელაპარაკება "სიგნალ იდუნა პარკის" არენაზე, მისი მოღვაწეობის ერთ-ერთი გამორჩეული ეპიზოდია. მიუნხენის "ბაიერნს" უკვე დიდი ხნის გაფორმებული ჰქონდა საჩემპიონო ტიტული და ეს პრინციპული დაპირისპირება უბრალოდ ჩემპიონთა ლიგის ფინალის წინა რეპეტიცია იყო. დორტმუნდში თამაში ფრედ 1:1 დასრულდა და სიტუაცია "ბაიერნის" მარჯვენა მცველმა, რაფინიამ, დაძაბა, რომელიც ჯერ მოთამაშეებს შეელაპარაკა, შემდეგ კი თავად კლოპს. ზამერმა კი რაფინიას დაცვა გადაწყვიტა და იურგენთან მცირე შეტაკებაც მოუვიდა. გერმანულმა პრესამ ეს მომენტი სერიოზულად აიტაცა, რადგან ზამერი სწორედ "ბორუსიას" ლეგენდაა, მაგრამ იმ კონკრეტულ წუთებში ის უბრალოდ "ბაიერნის" ინტერესებს იცავდა. ფაქტია, რომ დონ იუპი მშვიდი და გაწონასწორებეული ადამიანი იყო, ამიტომ არ არის გამორიცხული, რომ გასახდელში გრადუსს სწორედ ზამერი და მისი ძლიერი ხასიათი წევდა.

სატრანსფერო გარღვევა
იმედია, არ დაგვვიწყებია, რომ მატიას ზამერი "ბაიერნის" სპორტული დირექტორი იყო და მის პირდაპირ მოვალეობაში კლუბის სატრანსფერო პოლიტიკის მოწესრიგება და მოთამაშეების დამატება შედიოდა. მანამდე, კრისტიან ნერლინგერმა, ამ პოსტზე სამი წელი იმუშავა და ყველაზე დასამახსოვრებელი 2009 წლის ზაფხული იყო, როდესაც გუნდმა მარიო გომესი და არიენ რობენი დაიმატა, რაშიც უფრო მეტი წვლილი ლუი ვან გაალს მიუძღვოდა, ვიდრე ნერლინგერს. ფაქტია, რომ მათი თანდემი ვერ შეიკრა და "ბაიერნიც" უცნაურ ტრანსფერებს ანხორციელებდა. სამი წლის განმავლობაში ნერლინგერის მუშაობით ქომაგები ძალიან უკმაყოფილონი იყვნენ, ზამერს კი მათი გულის მოსაგებად სულ რამდენიმე კვირა ეყო.

პირველი ხმაურიანი ტრანსფერი, რომელიც "ბაიერნმა" მატიასის მოსვლის შემდეგ გაჩარხა, ბასკი უნივერსალი, ხავი მარტინესი იყო. გუნდში კიდევ დანტე, ხერდან შაქირი, მარიო მანჯუკიჩი და კლაუდიო პისარო მოვიდნენ. თუმცა, ესპანელი წლის მთავარი დანამატი იყო, რადგან მასში "ბაიერნმა" რეკორდული თანხა - 40 მილიონი ევრო გადაიხადა. თუმცა, მარტინესმა ფენომენალური სეზონი ჩაატარა, შვაინშტაიგერთან უნიკალური ცენტრი შექმნა და "რეკორდმაისტერმა" საბოლოოდ, ყველაფერი მოიგო. 2013 წელს მიუნხენელებმა მორიგი ხმაურიანი ტრანსფერი განახორციელეს და დორტმუნდის "ბორუსიადან" მარიო გიოტცე გადაიბირეს. ამას დაემატა კატალონიის "ბარსელონას" ესპანელი ცენტრი, ტაიგო ალკანტარა.

საერთო ჯამში კი, "ბაიერნმა" ზამერის მოსვლის შემდეგ საკმაოდ სერიოზული თანხები დახარჯა, მაგრამ ისეთი ფეხბურთელები დაიმატა, როგორებიც ხავი მარტინესი, ტიაგო ალკანტარა, ხაბი ალონსო, არტურო ვიდალი, დუგლას კოშტა, რობერტ ლევანდოვსკი არიან. გასაგებია, რომ ეს მხოლოდ ზამერის დამსახურება არ არის, მაგრამ უბრალოდ ფაქტია. კრისტიან ნერლინგერმა სამი წელი "ბაიერნის" სატრანსფერო პოლიტიკა სერიოზულ ბურუსში გაახვია, მაგრამ მატიასის მოსვლამ "რეკორდმაისტერის" ხელმძღვანელებს ჯიბეც გაუხსნა და კლუბმა ჩინებული ფეხბურთელები დაიმატა.

ფეხბურთელებთან სიახლოვე
მატიას ზამერს ძალიან კარგი და თბილი ურთიერთობა ჰქონდა გუნდის მოთამაშეებთანაც. როგორც უკვე აღვნიშნეთ, ის "ბაიერნის" სათამაშო საქმიანობაშიც იყო ჩართული, ეხმარებოდა გუნდს თამაშებისთვის მომზადებაში და თავისი ძლიერი მენტალიტეტის ხარჯზე ყოველთვის ყველას ამხნევებდა. ზამერს თითოეული მოთამაშე ძალიან დიდ პატივს სცემდა და მასთან მეგობრული ურთერთობა ჰქონდათ. მათ შორის "ბაიერნის" მთავარ სიმბოლოებს და ლეგენდებს: ფილიპ ლამსა და ბასტიან შვაინშტაიგერს. ზამერი ყველას უყვარდა, როგორც წარმატებული და ლაღი პერსონა. ის ყოველთვის მზად იყო თავისი გამოცდილების ფეხბურთელებისთვის გასაზიარებლად.
ზამერისა და არიენ რობენის ურთიერთობა კი ცალკე გამორჩეული ისტორიაა. 2011/12 წლების სეზონში ჰოლანდიელმა ვინგერმა ყველაზე საპასუხისმგებლო მომენტებში თამაში თავის თავზე აიღო და ჯერ დორტმუნდში, შემდეგ კი ჩემპიონთა ლიგის ფინალში, ლონდონის "ჩელსის" წინააღმდეგ, ორი პენალტი გააფუჭა, რომელმაც "რეკორდმაისტერს" ორი ტიტული დააკარგვინა. ზაფხულში "ბაიერნმა" ჰოლანდიის ნაკრებთან ამხანაგური თამაში გამართა და არიენს "ბაიერნის" ქომაგები სტვენით მიეგებნენ. ეს მისთვის უდიდესი დარტყმა იყო და საქმე იქამდე მიდიოდა, რომ რობენი კლუბს დატოვებდა. თუმცა, ზამერის მოსვლამ და მისმა ფსიქოლოგიურმა მხარდაჭერამ, არიენს უდიდესი ძალა და მოტივაცია მისცა. ზამერი რობენს ხშირად ესაუბრებოდა და საბოლოოდ, მათ ერთად უდიდეს წარმატებას მიაღწიეს. ჰოლანდიელმა თავისი ცოდვები სრულიად გამოისყიდა და რომ არა მატიას ზამერი, ეს შეუძლებელი იქნებოდა.

როგორც ხედავთ, მატიას ზამერი მიუნხენის "ბაიერნისთვის" მართლაც ძალიან მნიშვნელოვანი და ფასეული პერსონა იყო. ის სპორტული დირექტორის მოვალეობის გარდა ეხმარებოდა მთავარ მწვრთნელებს, ამხნევებდა მოთამაშეებს და საკუთარი დიდი გამოცდილებით "რეკორდმაისტერის" ბოლო დროინდელ წარმატებებში თავისი წვლილი შეიტანა. скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა