...

პრევიუ: ვოლფსბურგი - ბაიერნი

ვოლფსბურგი - ბაიერნი

ჩემპიონატი: გერმანიის ბუნდესლიგა, XXXI ტური
თარიღი: 29 აპრილი, 20:30 საათი
სტადიონი: "ვოლფსვაგენ-არენა", ვოლფსბურგი
მთავარი მსაჯი: ფელიქს ცვაიერი
პირდაპირი ტრანსლიაცია: Setanta georgia+
იხილეთ მატჩის პროგნოზი

გუნდების წინასამატჩო მდგომარეობა


თებერვლის ბოლოს "ვოლფსბურგმა" მთავარი მწვრთნელის პოსტიდან ვალერიან ისმაელი გაათავისუფლა და მისი ადგილი 54 წლის ჰოლანდიელმა, ანდრიეს იონკერმა დაიკავა. იონკერის სტარტი შთამბეჭდავი გამოდგა - "მგლებმა" 4 თამაშში 8 ქულა დააგროვეს, სტუმრად მეორე ადგილოსანი "ლაიფციგიც" კი დაამარცხეს და აღსანიშნავია, რომ ამ თამაშებში გატანილი 6 გოლიდან ყველა მარიო გომესის ანგარიშზე იყო. ამას მცირე ჩავარდნა და ზედიზედ ორი მარცხი მოჰყვა, შემდეგ კი "ვოლფსბურგმა" შინ აუტსაიდერი "ინგოლშტადტი" 3:0 გაანადგურა. გასულ უქმეებზე "მგლები" სტუმრად ბერლინის "ჰერტასთან" დამარცხდნენ (0:1) და დღეს შინ ჩემპიონატის ლიდერს მიიღებენ. იონკერმა გუნდის ტაქტიკა შეცვალა და ახლა "ვოლფსბურგი" 4-2-3-1 განლაგებით მოქმედებს. მარიო გომესს ფლანგიდან საკმაოდ ტექნიკური და საინტერესო შემტევი დანიელ დიდავი ეხმარება, ბოლო პერიოდში კი საპირისპირო ფრთაზე უნივერსალური პორტუგალიელი, ვიერინია, მოქმედებს. იონკერის გუნდის მთავარი პრობლემა კი კვლავ დაცვის ხაზია, განსაკუთრებით კი მარჯვენა ფლანგი, სადაც რატომღაც პოლონელი იაკუბ ბლაშიკოვსკი თამაშობს, რომელიც განაპირა მცველი არასოდეს ყოფილა. "მგლების" მთავარი მოთამაშე კი რა თქმა უნდა გამოცდილი გერმანელი ცენტრფორვარდი მარიო გომესია, რომელიც ჩინებულ ფორმაშია და დღეს საღამოს ყოფილი კლუბის დამწუხრებას ეცდება. "ვოლფსბურგი" 30 ტურის შემდეგ 33 ქულით მე-14 პოზიციაზე იმყოფება და გადათამაშების ზონაში მყოფ "აუგსბურგს" მხოლოდ 1 ქულით უსწრებს, ამიტომ "მგლები" მაქსიმალურად მოტოვირებულები იქნებიან და დღეს ქულის მოპოსავებლად ყველაფერს გააკეთებენ. გუნდს სერიოზული საკადრო პრობლემები აქვს. ტრავმირებულნი არიან ცენტრალური მცველი ბრუმა, შემტევი დეჟაგა, ძალიან კარგი გამთამაშებელი იუნეს მალი და აგრეთვე დისკვალიფიკაცირებულია საყრდენი ჯოშუა გილავოგი.


მიუნხენელებმა ოთხშაბათს გერმანიის თასის ნახევარფინალური მატჩი დორტმუნდის "ბორუსიასთან" საკუთარ კედლებში წააგეს (2:3) და ახლა მხოლოდ ბუნდესლიგის იმედად არიან. მიუნხენში "ბაიერნს" ძალიან, ძალიან არ გაუმართლა, მაგრამ ახლა ამას უკვე არანაირი მნიშვნელობა არ აქვს. კარლო ანჩელოტისა და მისი გუნდის მთავარი მიზანი ეროვნული ჩემპიონატის დარჩენილი 4 თამაშის კარგად ჩატარება და ვერცხლის სინის ზედიზედ მეხუთედ მოგებაა. მიუნხენურმა გრანდმა აპრილის თვეში მთავარი მატჩები წააგო და განწყობა ძალიან ცუდია, მაგრამ "ბაიერნს" დანებება არ ჩვევია, ამიტომ ბიჭებმა ძალები უნდა მოიკრიბონ, სულიერად არ დაეცნენ და ფეხბურთის თამაში ჩვეულ დონეზე გააგრძელონ. მიუნხენურ კლუბს ბუნდესლიგაში უკვე ორი ტურია არ მოუგია და დღეს ამ სერიის გამოსწორებას ეცდება. ვოლფსბურგში თამაში მარტივი არ იქნება, რადგან მეტოქე ძალიან მოტივირებულია და ქულები სჭირდება, მაგრამ დროა "ბაიერნსაც" გაუმართლოს. გასულ უქმეებზე, შინ "მაინცის" წინააღმდეგ (2:2), კარლო ანჩელოტის გუნდს იღბალმა ასევე ზურგი აქცია. ლაზარეთში მხოლოდ მანუელ ნოიერი იმყოფება, მაგრამ როგორც ანჩელოტიმ განაცხადა, ბოატენგის, ჰუმელსისა და ალაბას თამაშია საეჭვო. თუ დღეს მინდორზე ვერცერთი მათგანი ვერ გავა, მაშინ დაცვაში სერიოზული როტაცია შედგება. ცენტრში ხავი მარტინესს, სავარაუდოდ, იოზუა კიმიხი შეუწყვილდება, მარცხენა ფრთაზე კი ავსტრიელი ალაბას ადგილს ესპანელი ხუან ბერნატი დაიკავებს. სხვა მხრივ ალბათ მოსალოდნელია ფრანკ რიბერისა და ხაბი ალონსოს დასვენება. დღეს საღამოს "ბაიერნი" მინდორზე მხოლოდ კარგი თამაშისა და მოგებისთვის გავა.

მიუნხენური კლუბი ძალიან გაბრაზებულია, ამიტომ დღეს აუცილებლად გამარჯვებისათვოს იბრძოლებს და პრინციპში სხვა გზა არც არის. ამდენი იმედგაცრუების შემდეგ დადებითი მუხტია საჭირო.

სავარაუდო შემადგენლობები

ვოლფსბურგი: კასტეელსი - ბლაშიკოვსკი, კნოხე, რ.როდრიგესი, გერჰარდტი - ბაზური, ლუის გუსტავო - დიდავი, არნოლდი, ვიერინია - გომესი.

ბაიერნი: ულრაიხი - ლამი, ბოატენგი, მარტინესი, ბერნატი - ტიაგო, კიმიხი - რობენი, მიულერი, კომანი - ლევანდოვსკი.

საინტერესო ფაქტები

  • შესაძლებელია, რომ მიუნხენის "ბაიერნმა" ბუნდესლიგის ტიტული დღესვე გაიფორმოს. ამისათვის მიუნხენელებმა ვოლფსბურგში უნდა მოიგონ, "ლაიფციგმა" კი მანამდე შინ "ინგოლშტადტთან" უნდა დაკარგოს ქულები.

  • კარლო ანჩელოტის გუნდმა ბუნდესლიგის ბოლო 2 გასვლით თამაშში ("ჰოფენჰაიმთან" და "ბაიერთან") გოლის გატანა ვერ მოახერხა.

  • ყველა ტურნირზე ერთად "ბაიერნმა" "ვოლფსბურგს" ბოლო 5 თამაში მოუგო, აქედან სამი ბუნდესლიგაში და კიდევ ორი გერმანიის თასზე.

  • ამ სერიამდე კი "მგლებმა" 2015 წლის დასაწყისში პეპ გვარდიოლას "ბაიერნი" საკუთარ მოედანზე 4:1 გაანადგურეს, შემდეგ კი მომდევნო სეზონის დასაწყისში სუპერთასისთვის მატჩიც მოუგეს (1:1 და პენალტების სერიაში 5:4).

  • ამ ორი წარმატების წინ კი მიუნხენურმა გრანდმა "ვოლფსბურგს" ზედიზედ 9 თამაში მოუგო, აქედან სამი სტუმრად და "მგლები" "რეკორდმაისტერისთვის" საკმაოდ სასიამოვნო მეტოქეები არიან.

  • "ვოლფსბურგის" მთავარი მწვრთნელი ანდრიეს იონკერი 2009-2011 წლებში "ბაიერნის" თავკაცი ლუი ვან გაალის ასისტენტი იყო და 2010/11 წლების სეზონის ბოლოს, როდესაც ლუი ნაადრევად დაითხოვეს, მთავარი მწვრთნელის მოვალეობები სწორედ მან შეასრულა.

  • ჰოლანდიელის ხელმძღვანელობით "ბაიერნმა" ბოლო სამი მატჩი მოიგო და ჩემპიონთა ლიგის ზონაში (სამეულში) მოხვდა. მომდევნო კამპანიაში იონკერმა უკვე "რეკორდმაისტერის" მეორე გუნდი გაწვრთნა და 2012 წელს "ვოლფსბურგში" წავიდა.

მწვრთნელების წინასამატჩო კომენტარები

ანდრიეს იონკერი: "​​​ეს ჩემთვის რა თქმა უნდა განსაკუთრებული თამაშია, მაგრამ კლუბისათვის ერთი მორიგი მატჩი. ჩვენ ჭკვიანურად უნდა ვიმოქმედოთ და შევუტიოთ. "ვოლფსბურგმა" ფეხბურთი უნდა ითამაშოს და მომენტები გამოიყენოს.

ვფიქრობ, "ბაიერნს" წინა მატჩები აუცილებლად უნდა მოეგო, მაგრამ ძალიან არ გაუმართლა. ეს გუნდი ისეთივე ძლიერია, როგორც ყოველთვის!"


კარლო ანჩელოტი: ​"წინ საკმაოდ რთული თამაში გველოდება. ბედნიერები არ ვართ, რადგან ახლახანს ჩემპიონთა ლიგის ნახევარფინალთან და გერმანიის თასის ფინალთან ძალიან ახლოს ვიყავით. გადამწყვეტი კი პატარა დეტალები აღმოჩნდა, მაგრამ ასეთია ფეხბურთი. ახლა ბუნდესლიგა რაც შეიძლება სწრაფად უნდა მოვიგოთ.

​​​დღეს ბიჭებმა რეაქცია უნდა გამოავლინონ. ჩვენ კარგად უნდა ვითამაშოთ და ქულები მოვიპოვოთ, რაც ახლა ყველაზე მნიშვნელოვანია. "ბაიერნმა" თავი არ უნდა დაკარგოს!"скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
პრევიუ ბუნდესლიგა
მსგავსი სიახლეები
კომენტარები
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა