ფლიკი ლიონთან ისე უნდა ვითამაშოთ როგორც ბარსას წინააღმდეგ

დღეს 19 აგვისტოს, თბილისის დროით 23 საათზე “რეკორდმაისტერი” ჩემპიონთა ლიგის ნახევარ ფინალში “ლიონს” დაუპირისპირდება და შემდეგ ეტაპზე გასვლას შეეცდება.

ამ თამაშის შესახებ გუნდების თავკაცებმა და მოთამაშეებმაც გააკეთეს კომენტარი.

"ხვალისითვის ყველა ფეხბურთელი მზად არის. მე ნამდვილად გაოცებელული ვარ გუნდით. აქ ძალიან კარგი ატმოსფერო სუფევს. ბიჭები მზად არიან, რის გამოც მშვიდად ვარ."

"პავარმა ვარჯიში განაახლა და პროგრესი აშკარაა. ის უკვე სათამაშოდ მზად არის. "ლიონის" წინააღმდეგ სასტარტო თერთმეტეულში არ იქნება, თუმცა, განაცხადში აუცილებლად მოხვდება."

"სასტარტო შემადგენლობა ჯერ არ გადამიწყვეტია. ივანმა, ისევე როგორც დანარჩენმა გუნდმა, შესანიშნავად ითამაშა "ბარსასთან". ჯერ-ჯერობით არ ვიცი, ვინ მოხვდება თერთმეტეულში."

"ჩვენ უბრალოდ ისე უნდა ვითამაშოთ, როგორც “ბარსელონას” წინააღმდეგ. 100 პროცენტზე ნაკლები უბრალოდ არ შეიძლება." - ამბობს ფლიკი