ტუხელი ბაიერნის წინააღმდეგ ყველანაირი შიშის გარეშე ვითამაშებთ

ფრანგული "პსჟს" მთავარმა მწვრთნელმა, თომას ტუხელმა ჩემპიონთა ლიგის ფინალური მატჩისწინა პრესკონფერენციაზე საინტერესო განცხადება გააკეთა.

"ყველა მეტოქეს დიდ პატივს ვცემთ. "ბაიერნი" ძლიერი გუნდია და ვიცით, რომ მის წინააღმდეგ დაპირისპირება რთული იქნება, თუმცა, ხვალ შიშის გარეშე ვითამაშებთ."

"მიუნხენელები ამ ტურნირის ფინალში მეთერთმეტედ არიან, რაც მათ წისქვილზე ასხამს წყალს. ჩვენთვის კი ეს დიდი გამოწვევაა, რომლის შესრულებასაც აუცილებლად შევეცდებით."

"კეილორს ხვალ გავესაუბრები და ამის შემდეგ გადაწყდება ითამაშებს თუ არა. რაც შეეხება ვერატის, სამწუხაროდ ის 120 წუთის მანძილზე ვერ ითამაშებს. შესაბამისად, ხვალ გადაწყდება დაიწყებს თუ არა თერთმეტეულში თამაშს."

"სიმართლე გითხრათ ვფიქრობდი, რომ პავარი დაიწყებდა თამაშს, კიმიხი კი ნახევარდაცვაში გამწესდებოდა. თუმცა, როდესაც მათ ფოტოებს გადავხედე დავრწმუნდი, რომ ფლიკი ფინალში შემადგენლობის ცვლილებას არ აპირებს." - აცხადებს ტუხელი.