კოვაჩი ძალიან გაბრაზებული ვარ

მიუნხენის "ბაიერნის" მთავარმა მწვრთნელმა, ნიკო კოვაჩმა, "ფრაიბურგთან" გუშინდელი შეხვედრა შეაფასა.

"ამ მატჩის შემდეგ საკუთარი თავი ორი რამის გამო უნდა დავადანაშაულოთ. პირველ ტაიმში ვერ ვითამაშეთ ისე, როგორც გვინდოდა, ხოლო მეორე ნახევარში უბრალოდ საკუთარი მომენტები ვერ გამოვიყენეთ.

1:1 პირველი ტაიმის შემდეგ - არც ისე ცუდი შედეგია. თუმცა საკუთარი შანსები აუცილებლად უნდა გამოიყენო. ამ თამაშს აუცილებლად მოვიგებდით, რომ არა ეს ორი ფაქტორი.

"ფრაიბურგის" დონის გუნდებთან ძალიან ბევრი ქულა დავკარგეთ. არა უბრალოდ იმედგაცრუებული, არამედ საკმაოდ გაბრაზებულიც ვარ.

ახლა მომდევნო მატჩი უნდა მოვიგოთ იმისათვის, რომ ჩემპიონობისთვის ბრძოლა გავაგრძელოთ", - განაცხადა კოვაჩმა.

"რეკორდმაისტერმა" გერმანიის ბუნდესლიგის 27-ე ტურში გასვლაზე "ფრაიბურგი" ვერ დაამარცხა (1:1) და დორტმუნდის "ბორუსია" ორი ქულით გაუშვა წინ.

მომდევნო ტურში "ბაიერნი" საკუთარ მოედანზე სწორედ "ბორუსიას" მიიღებს და პირველობის დასაბრუნებლად მოსაგები აქვს.