...

ვინ იქნება ბაიერნის მდევარი ?

ახალი სეზონის დაწყებიდან უკვე დაახლოებით ორი თვე გავიდა და მიუნხენის "ბაიერნმა" გერმანიის ეროვნულ ჩემპიონატში შვიდი ტურის ჩატარება მოასწრო. ამ ეტაპზე ბუნდესლიგას კარლო ანჩელოტის გუნდი 17 ქულით ლიდერობს, მაგრამ მდგომარეობა სატურნირო ცხრილში ძალიან დაძაბულია.

მიუნხენურ გრანდს კი, ბევრისთვის მოულოდნელად, არა დორტმუნდის "ბორუსია", ლევერკუზენის "ბაიერი" ან თუნდაც მიუნხენგლადბახის "ბორუსია", არამედ "კიოლნი" და ბერლინის "ჰერტა" მოსდევენ. თუმცა, რა თქმა უნდა, ტომას ტუხელის ახალგაზრდული გუნდიც იქვეა.

ჯერ მთელი სეზონი წინ არის, მაგრამ ავტორიტეტულმა გერმანულმა ტაბლოიდმა, "Bild-მა" შემოდგომის განვლილი ნახევარი შეაჯამა და "რეკორდმაისტერის" ამჟამინდელ მდევრების პოტენციალი შეაფასა.

ვერცხლის სინისთვის ბრძოლა ჯერ სერიოზულად არ გაჩაღებულა, მაგრამ ვნახოთ ვინ ეცდება "ბაიერნისთვის" კონკურენციის გაწევას ახალ სეზონში.

კიოლნი (15 ქულა, მეორე პოზიცია)
"კიოლნმა" გერმანიის ეროვნული ჩემპიონატი შესანიშნავად დაიწყო და ძალიან კარგ ფეხბურთს აჩვენებს. პეტერ შტიოგერის გუნდი ამ ზაფხულს საერთოდ არ შეცვლილა, გუნდმა ყველა ლიდერი და მნიშვნელოვანი ფიგურა შეინარჩუნა, სატრანსფერო ბაზარზე კი ორი კარგი დანამატიც განახორციელა. კონსტანტინ რაუში და მარკო ჰიოგერი, რომლებიც "კიოლნში" ამ სეზონის წინ მივიდნენ, უკვე ძირითადის მოთამაშეები არიან. "თხები" ძალიან ორგანიზებულად და დამაჯერებლად გამოიყურებიან, ამიტომ მათ საკმაოდ სერიოზული პოტენციალი აქვთ.

ნამდვილი მონსტრი
"კიოლნის" საჩემპიონო ამბიციებს გუნდის 28 წლის ცენტრფორვარდი, ენტონი მოდესტე, ამყარებს, რომელმაც საწყის შვიდ თამაშში შვიდი გოლი გაიტანა და ეროვნული ჩემპიონატის საუკეთესო ბომბარდირია. ის პიერ-ემერიკ ობამეიანგსა (6) და რობერტ ლევანდოვსკისაც (5) კი უსწრებს. ყველაზე მთავარი კი ის არის, რომ მოდესტე უკვე "კიოლნის" შემდგარი ლიდერია, რომელსაც 2015 წლის ზაფხულიდან მოყოლებული არც ერთი თამაში არ აქვს გამოტოვებული. ის მართლაც უნიკალურ ფორმაშია და ნამდვილ მონსტრად იქცა.

სასიამოვნო ატმოსფერო
ამ ყველაფერთან ერთად "კიოლნს" ძალიან გამოცდილი და ჭკვიანი სპეციალისტი ჰყავს. პიტერ შტიოგერმა "თხები" ჯერ კიდევ 2012 წელს ჩაიბარა, გუნდი ბუნდესლიგაში დააბრუნა და ეტაპობრივად, მაგრამ კარგ ტემპში განავითარა. მას მოთამაშეებთან ძალიან ახლო და კარგი ურთიერთობა აქვთ, ძირითადი თერთმეტეული კი ერთმანეთში იდეალურად არის შეთამაშებული. "კიოლნში" ძალიან სასიამოვნო, გუნდური ატმოსფეროა, რაც ამ კლუბის კიდევ ერთი ფასეული უპირატესობაა. შტიოგერს გერმანიაში საკმაოდ ძლიერი პრესა აქვს და ავსტრიელ სპეციალისტს ყველა დიდ პატივს სცემს. პიტერი როგორც ტაქტიკური, ისე ფსიქოლოგიური თვალსაზრისით, ძალიან ჭკვიანი სპეციალისტია. მან გუნდში უბრალოდ იდეალური ატმოსფერო შექმნა, რაც ძალიან მნიშვნელოვანია.

ჰერტა (14 ქულა, მესამე პოზიცია)
ბერლინის "ჰერტა" კი ბუნდესლიგის მოყვარულთა გაოცებას აგრძელებს. ეს სრულიად არაპროგნოზირებადი გუნდია, რომელიც ყოველ ტურში ცვლის სტრატეგიას და განსხვავებულად მოქმედებს. პალ დარდაის გუნდს შეუძლია პირველ ნომრად თამაში, ბურთის დაჭერა და აგრეთვე დაცვაში ღმარდ ჩაჯდომა, ორგანიზებულად მოქმედება. დედაქალაქელები ნებისმიერი მეტოქისათვის ძალიან უხერხული და სახიფათო მეტოქეები არიან.

სრული თავდაჯერებულობა
"ჰერტას" "კიოლნთან" შედარებით ერთი დიდი პლიუსი აქვს - გუნდი სრულიად თავდაჯერებულია, რასაც მოთამაშეების თამამი კომენტარები ადასტურებს. "ჰერტას" შემტევმა ნახევარმცველმა, ალექსანდრ ესვაინმა, განაცხადა, რომ ბერლინელები მხოლოდ წინ იყურებიან და უმაღლესი მიზნებისთვის ბრძოლა სურთ. ეს კი გუნდის დიდებული თავკაცის, 40 წლის უნგრელი სპეციალისტის, პალ დარდაის დამსახურებაა, რომელსაც საოცარი ქარიზმა და ენერგია აქვს. ის მოთამაშეებს ბრწყინვალედ მუხტავს და რწმენით ავსებს. დარდაი "ჰერტას" ნამდვილი ლიდერია.

საოცარი ფლანგები
პლატენჰარდტი-ჰარაგუჩისა (მარცხნივ) და ვაიზერი-ესვაინის (მარჯვენა) ფონზე "ჰერტა" ერთ-ერთი ყველაზე სახიფათო გუნდია კონტრშეტევებზე. ბერლინური კლუბი, გასულ სეზონთან შედარებით, გაცილებით სწრაფად და მრავალფეროვნად მოქმედებს შეტევაში, რაც სწორედ აქტიური ფლანგების დამსახურებაა. ამ თვალსაზრისით, "ჰერტა" ბუნდესლიგის ერთ-ერთი საუკეთესო გუნდია.

დორტმუნდის ბორუსია (13 ქულა, მეოთხე პოზიცია)
დორტმუნდის "ბორუსიამ" ახალი სეზონი მძიმედ დაიწყო და უკვე საკმაოდ ბევრი ქულა დაკარგა. თუმცა, ტომას ტუხელს, ახლა 11 ტრავმირებული მოთამაშე ჰყავს, ამიტომ სერიოზული დასკვანების გამოტანა არასწორი იქნება. გუნდს აკლია რამდენიმე ლიდერი, რომელთა გარეშეც "ბორუსიას" თამაში იცვლება და ბუნებრივია, რომ გუნდს უჭირს. თუმცა, "ყვითლებმა" ამ ზაფხულს ძალიან ბევრი იმუშავეს და ახლა მათი შემადგენლობა საკმაოდ კონკურენტუნარიანია.

ტალანტების ბუმი
ტომას ტუხელის განკარგულებაში უამრავი ახალგაზრდა და ძალიან ნიჭიერი მოთამაშეა: მატიას გინტერი, პასლაკი, მიკელ მერინო, მარკ ბარტრა, ივან პულიშიჩი, ემრე მორი, რაფაელ გერეირო, უსმან დემბელე. არც მარიო გიოტცე და ანდრე შურლე არიან ასაკოვანი ფეხბურთელები. დორტმუნდის "ბორუსია" ძალიან ახალგაზრდული, მაგრამ არანორმალურად პერსპექტიული გუნდია, რომელსაც საოცარი პოტენციალი გააჩნია. ტუხელს უყვარს საინტერესო ტალანტებთან მუშაობა, ამიტომ "ბორუსიას" რესურსი "ბაიერნისთვის" მთავარ საფრთხეს წარმოადგენს. როდესაც გერმანელი სპეციალისტი სიტუაციას დაალაგებს, სტაბილურ თერთმეტეულსა და სისტემას ჩამოაყალიბებს, დორტმუნდელთა შესაძლებლობები საკმაოდ დიდი იქნება.

გიოტცე-როისი
24 წლის მსოფლიო ჩემპიონი, მარიო გიოტცე, ჯერ კიდევ სუსტ ფორმაშია და მიუნხენის "ბაიერნში" განცდილი რეგრესის შემდეგ უჭირს თავის მშობლიურ კლუბში ხელმეორედ დაბადება. მასზე ფსიქოლოგიური ფაქტორიც მოქმედებს, მაგრამ გიოტცეს ჯერ კიდევ ყველაფერი წინ აქვს. "ბორუსიას" ქომაგები კი სულმოუთმენლად ელიან მარკო როისისა და გიოტცეს თანდემის აღდგენას. 2012/13 წლების სეზონში ამ დუეტმა ფანტასტიკური თამაში აჩვენა და ახლა კვლავ ერთად არიან. "ბორუსიას" ამოქმედება მხოლოდ დროის საკითხია.

ჰოფენჰაიმი (13 ქულა, მეხუთე პოზიცია)
"ჰოფენჰაიმი" უკვე მოიაზრება, როგორც მომავლის კლუბი, რადგან "სოფლელებს" ულტრათანამედროვე "Footbonauten-ს" მექანიზმი აქვთ, რომელიც მოთამაშეებს ტექნიკისა და სისწრაფის დახვეწაში ეხმარება. "ჰოფემ" ახალი კამაპანი საკმაოდ კარგად და სახალისოდ დაიწყო. ეს მშვენიერი გუნდია, თანამედროვე სათამაშო ფილოსოფიითა და მიმზიდველი კოლექტივით. რა თქმა უნდა, ჩემპიონობისთვის ბრძოლა "ჰოფენჰაიმისთვის" ნაადრევია, მაგრამ კლუბის ამბიციები საკმაოდ სერიოზულია.

იულიან ნაგელსმანი
იულიან ნაგელსმანმა უკვე მთელი გერმანული ფეხბურთი მოხიბლა. ის ბუნდესლიგის ისტორიაში ყველაზე ახალგაზრდა სპეციალისტია, მაგრამ ძალიან ჭკვიანი და მონდომებული. 29 წლის გერმანელს მშვენიერი ტაქტიკა აქვს, რომელსაც სტაბილურად იყენებს და გუნდის თამაშშიც წარმატებული ცვლილებები შეაქვს. ნაგელსმანს "ჰოფენჰაიმის" ხელმძღვანელობა ენდო და მან საკმაოდ კარგად დაიწყო. გარდა ამისა, იულიანმა ჟურნალისტები თავისი საინტერესო და გონივრული ფრაზითაც მოხიბლა: "იდეა ყოველთვის ბევრია, მთავარია მისი განხორციელება".

რა თქმა უნდა, "კიოლნს", "ჰერტასა" და "ჰოფნჰაიმის" "ბაიერნისთვის" კონკურენციის გაწევა არანორმალურად გაუჭირდებათ, მაგრამ ამ ეტაპზე ეს გუნდები საკმაოდ კარგ შთაბეჭდილებას ტოვებენ. დორტმუნდის "ბორუსია" კი სერიოზულ მეტოქედ პერსპექტივაში მოჩანს, როდესაც ტომას ტუხელი სიტუაციას დაალაგებს. თუმცა, თავის მხრივ, კარლო ანჩელოტისაც ბევრი სამუშაო აქვს და ძალიან საინტერესოა როგორ გაგრძელდება ბრძოლა გერმანიის ეროვნულ ჩემპიონატში. ჯერჯერობით სიტუაცია დაძაბულია.

თარგმნა დავით მაღრაძემ, სპეციალურად Bayern.ge-სთვის
скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

მსგავსი სიახლეები
კომენტარები
heineken
heineken | 16 ოქტომბერი 2016 19:22
ნეტა ასე დაძაბული დარჩეს ბოლომდე ყველაფერი ბუნდესლიგა კი აშკარათ პროგრესირებს რაც კარგია
moxeve)
moxeve) | 16 ოქტომბერი 2016 22:16
კიოლნი ვისი მდევარი უნდა იყოს :)
davita
davita | 17 ოქტომბერი 2016 14:20
გვარდიოლასს არეული საქმის შემდეგ კარლო ცდილობსს რომ გუნდი ისევვ ძველ გერმანულ მანქანად გადააქციოსს , რასაც დრო ჭირდება , აცადეთ ამ კაცსს დაა უეჭველი მოიგებს ლიგასს, წელს თუ არაა გაისად მაინცც
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა