...

პრევიუ: ლაიფციგი Vs ბაიერნი

2016/17 წლების სეზონის დასრულებამდე "ბაიერნს" მხოლოდ ორი თამაში აქვს დარჩენილი, საიდანაც დღევანდელი ძალიან მნიშვნელოვანი და პრინციპულია.

მიუნხენური გრანდი ბუნდესლიგაში მთავარ კონკურენტ "ლაიფციგს" გასვლაზე დაუპირისპირდება და ეცდება, რომ საკუთარი პირველობა "რედ ბულ არენაზეც" დაამტკიცოს.

ლაიფციგი - ბაიერნი

ჩემპიონატი: გერმანიის ბუნდესლიგა, XXXIII ტური
თარიღი: 13 მაისი, 17:30 საათი
სტადიონი: "რედ ბულ არენა", ლაიფციგი
მთავარი მსაჯი: ტობიას შტილერი
პირდაპირი ტრანსლიაცია: Setanta Georgia

გუნდების წინასამატჩო მდგომარეობა


ორი კვირის წინ "ლაიფციგმა" საკუთარ მოედანზე აუტსაიდერი "ინგოლშტადტი" ვერ დაამარცხა (0:0) და გერმანიის ბუნდესლიგის ტიტული ოფიციალურად დათმო. თუმცა "ხარები" მეორე პოზიციას ინარჩუნებენ და დორტმუნდის "ბორუსიას" 6 ქულით უსწრებენ. თუ დღეს რალფ ჰაზენჰიუტლის გუნდი გაიმარჯვებს ან ფრეს მოიპოვებს, მაშინ ვიცე-ჩემპიონი ოფიციალურად გახდება და ეს მართლაც უნიკალური მიღწევა იქნება. გასულ უქმეებზე "ლაიფციგმა" რეაბილიტაცია მოახდინა და გასვლაზე ბერლინის "ჰერტა" 4:1 გაანადგურა. გერმანიის დედაქალაქში დუბლები ტიმო ვერნერმა და დევი ზელკემ გაიფორმეს. "ხარებს" მარტში მცირე ჩავარდნა ჰქონდათ, მაგრამ ახლა კარგ ფორმაში არიან და ეცდებიან, რომ უშუალო კონკურენტი საკუთარ მოედანზე მაინც დაამარცხონ. მიუნხენში ჰაზენჰიუტლის გუნდმა სრული კრახი განიცადა და 0:3 უშანსოდ განადგურდა, ამიტომ ეს მატჩი მათთვის ორმაგად მნიშვნელოვანი იქნება. "ლაიფციგი" უკანასკნელი ათწლეულის ერთ-ერთი ყველაზე უნიკალური მოვლენაა, რადგან ამ კლუბმა 7 წელიწადში გერმანიის 5 ლიგა გამოიარა და ბუნდესლიგის სადებიუტო სეზონშივე ჩემპიონთა ლიგის საგზური მოიპოვა. რალფ ჰაზენჰიუტლს ძალიან პერსპექტიული და ძლიერი გუნდი ჰყავს, რომლის რიგებშიც ნაბი კეიტა, ემილ ფორსბერგი და ტიმო ვერნერი ბწრყინავენ. "ხარების" მთავარი დანაკლის ვილი ორბანის არყოფნაა, რომელსაც ტრავმა აწუხებს. ორბანს დაცვის ცენტრში ახალგაზრდა უპამეკანო შეცვლის. სხვა მხრივ კი "ლაიფციგს" ყველაფერი რიგზე აქვს.


მიუნხენის "ბაიერნმა" კი გასულ უქმეებზე 2016/17 წლების სეზონის ჩემპიონის რანგში პირველი მატჩი ჩაატარა და შინ ბოლო ადგილოსანი "დარმშტადტი" მეორე ბუნდესლიგაში ოფიციალურად გადაგზავნა. თუმცა "რეკორდმაისტერს" ტორსტენ ფრინგსის გუნდის წინააღმდეგ ძალიან გაუჭირდა და მხოლოდ ხუან ბერნატის გოლით იმარჯვა. "ლილიებს" შანსები ჰქონდათ და მატჩის ბოლოს პენალტიც შეასრულეს, მაგრამ იმ საღამოს "ბაიერნის" მესამე გოლკიპერი ტომ შტარკე ბრწყინავდა, რომელმაც სამი საოცარი ბურთი აიღო და თავის გუნდს სამი ქულა შეუნარჩუნა. გამომდინარე იქიდან, რომ ნოიერი და ულრაიხი ამ სეზონს მინდორზე ვეღარ გავლენ, დარჩენილ ორ თამაშსაც 36 წლის ვეტერანი გერმანელი ჩაატარებს და საინტერესოა დღეს ძლიერი "ლაიფციგის" წინააღმდეგ როგორ იდგება კარში. კარლო ანჩელოტის გუნდისათვის ეს მატჩი მხოლოდ პრინციპის საკითხი იქნება, რათა "ლაიფციგი" მეორედ დაამარცხოს და კიდევ ერთხელ დაამტკიცოს, რომ გერმანიაში მართლაც უძლიერესი გუნდია. ნოიერისა და ულრაიხის გარდა, "ბაიერნს" კვლავ ვერ ეხმარება მატს ჰუმელსი, აგრეთვე, საეჭვოა ხავი მარტინესის თამაშიც. სამაგიეროდ მომჯობინდა კინგსლი კომანი, რომელიც სავარაუდოდ სასტარტო შემადგენლობაში იქნება და ფრანკ რიბერის შეცვლის.

"ლაიფციგისა" და "ბაიერნის" თამაში დიდ ინტერესს იწვევს. ორივე გუნდი გამარჯვებისთვის იბრძოლებს და ვნახოთ "ხარები" ამჯერად მაინც თუ გაუწევენ მიუნხენელებს ღირსეულ წინააღმდეგობას.

სავარაუდო შემადგენლობები

ლაიფციგი: გულაჩი - ბერნარდო, კომპერი, უპამეკანო, ჰალსტენბერგი - ზაბიტცერი, დემე, ნაბი კეიტა, ფორსბერგი - იუსუფ პოულსენი, ტიმო ვერნერი.

ბაიერნი: შტარკე - ლამი, ბოატენგი, ალაბა, ბერნატი - კიმიხი, ვიდალი - რობენი, ტიაგო, კომანი - ლევანდოვსკი.

საინტერესო ფაქტები

  • 1965/66 წლების სეზონში, რომელიც "ბაიერნისთვის" ბუნდესლიგაში სადებიუტო იყო, მიუნხენურმა კლუბმა 67 ქულა მოაგროვა, რაც დებიუტანტი გუნდებისათვის დღემდე საუკეთესო შედეგია. ეს რეკორდი კი სერიოზული საფრთხის წინაშეა, რადგან "ლაიფციგმა" უკვე 66 ქულა დააგროვა და დარჩენილ ორ ტურში ორი ფრე ან ერთი გამარჯვება სჭირდება, რათა ახალი სტანდარტები დააწესოს.

  • გარდა ამისა, "ლაიფციგს" შეუძლია, რომ ზოგადად ბუნდესლიგაში აღზევებული გუნდების მიერ პირველ სეზონში მოპოვებული ქულების რეკორდი დაამყაროს, რომელიც ჯერ "კაიზერსლაუტერნს" ეკუთვნის, რომელმაც 1997/98 წლების კამპანიაში 68 ქულით სენსაციურად ვერცხლის სინი მოიგო.

  • გასვლით თამაშებში კარლო ანჩელოტის გუნდი ბუნდესლიგაში საუკეთესოა - 36 ქულა (11მ, 3ფ, 2წ).

  • "ლაიფციგს" გერმანიის ეროვნულ ჩემპიონატში 441 წუთიანი საშინაო მშრალი სერია აქვს, რაც თითქმის 5 მატჩის ტოლფასია. 

  • დაახლოებით 17 წელი გავიდა მას შემდეგ, რაც "ბაიერნმა" ბუნდესლიგის დებიუტანტ კლუბთან წააგო. ეს 2000 წლის ოქტომბერში მოხდა, როდესაც ოტმარ ჰიტცფელდის გუნდი "ენერგი კოტბუსმა" დაამარცხა (1:0). მას შემდეგ კი მიუნხენელებმა დებიუტანებს 13-ჯერ მოუგეს და ერთხელ ითამაშეს ფრედ ("ჰოფენჰაიმთან" 2:2).

  • ტომ შტარკე "ბაიერნისთვის" იღბლიანი მოთამაშეა - გასულ უქმეებზე "დარმშტადტთან" მოგერიებული პენალტით მან თავის გუნდს გამარჯვება შეუნარჩუნა. თუმცა "რეკორდმაისტერის" მაისურით თერთმეტმეტრიანი მანამდეც აქვს მოგერიებული, ხოლო ჯამში მან "ბაიერნის" მაისურით ორიდან ორი პენალტი მოიგერია!

  • გარდა ამისა, შტარკესთან ერთად "ბაიერნმა" 6 მატჩიდან 5 მოიგო, თანაც ხუთივე მშრალად! 

  • ტობიას შტილერი მიმდინარე სეზონში "ბაიერნის" მესამე გასვლით თამაშზე იმუშავებს. მან ჯერ დორტმუნდში მატჩი განსაჯა, რომელიც "ბაიერნმა" 1:0 წააგო, შემდეგ კი მიუნხენგლადბახში იმუშავა - ამჯერად "რეკორდმაისტერმა" 1:0 იმარჯვა.

მწვრთნელების წინასამატჩო კომენტარები

რალფ ჰაზენჰიუტლი: ​"ჩვენ სეზონის ბოლო საშინაო მატჩს უკვე გერმანიის მოქმედი ჩემპიონის წინააღმდეგ ვატარებთ - ამაზე უკეთეს სიტუაციას ვერც ვინატრებდით.

სწრაფ მატჩს ველოდები. "ბაიერნის" წინააღმდეგ ბურთის მაქსიმალურად კარგად დაჭერა და მეტოქისთვის მისი დამალვა უნდა ვცადოთ. ვფიქრობ, ორივე გუნდი გამარჯვებისთვის იბრძოლებს და მაყურებელს ვპირდები, რომ წინ ნამდვილი საფეხბურთო ზეიმი გელოდებათ!"

​​​
კარლო ანჩელოტი: ​"დღეს ჰუმელსი ვერ დაგვეხმარება, რომელიც დაღლილია და აგრეთვე პატარა პრობლემა აქვს. ის ვარჯიშებს მომდევნო კვირიდან აღადგენს.

"ლაიფციგს" განსაკუთრებული სეზონი აქვს და ჩემი აზრით, ისინი იმსახურებენ იმ პოზიციას, რომელზეც ახლა იმყოფებიან. ეს გუნდი ფანტასტიკური მოწინააღმდეგეა."​​​скачать dle 11.1смотреть фильмы бесплатно

ფეხბურთის ანგარიშები იხილეთ აქ - LIVESCORE

ასევე იხილეთ თემაზე:
ბუნდესლიგა
მსგავსი სიახლეები
კომენტარები
omccullontwila
omccullontwila | 27 მაი 2017 09:45
<strong><a href="http://www.christianlouboutinheels.top/sv/">Christian Louboutin</a></strong><br>
<strong><a href="http://www.christianlouboutinheels.top/sv/">Christian Louboutin</a></strong><br>
<strong><a href="http://www.christianlouboutinheels.top/sv/">christian louboutin rea</a></strong><br>
<br>
<strong><a href="http://www.christianlouboutinheels.top/sv/">Christian Louboutin</a></strong><br>
<strong><a href="http://www.christianlouboutinheels.top/sv/">Christian Louboutin</a></strong><br>
<strong><a href="http://www.christianlouboutinheels.top/sv/">christian louboutin rea</a></strong><br>
<br>
<strong><a href="http://www.christianlouboutinheels.top/sv/">christian louboutin stövlar 2016</a></strong><br>
<strong><a href="http://www.christianlouboutinheels.top/sv/">Christian Louboutin webbutik</a></strong><br>
<br><br><a href="http://uggsforcheap375.webs.com"> Louboutin blog </a><br><br><a href="http://timberlandoutlet8.webs.com"> Louboutin </a><br><br><a href="http://pandorasale32.webs.com"> About ted79.com blog </a>
კომენტარის დამატება
ქართული კლავიატურის ჩართვა/გამორთვა ბეჭდვის დროს კლავიშით "~"
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent1488bb5d07biggrindeu
    drinkse05a53f56fcde85da04e41c18eb4b398fan_deutschefcbfcbayernfcbflagge2germanyy
    lolthumbsantatooooralonso1alonso2lewymuller1
    muller2neuerribery1ribery2robben1robben2vidal1
კოდის განახლება

მატჩები


სატურნირო მდგომარეობა